7-نۆۋەتلىك ئاسىيا قىشلىق تەنھەرىكەت مۇسابىقىسى 30-چېسلا كەچتە قازاقىستاننىڭ پايتەختى ئاستانىدا باشلاندى

　«خەلق گېزىتى»نىڭ 30-يانۋار ئاستانىدىن بەرگەن تېلېگراممىسى: 7-نۆۋەتلىك ئاسىيا قىشلىق تەنھەرىكەت مۇسابىقىسى 30-چېسلا كەچتە قازاقىستاننىڭ پايتەختى ئاستانىدىكى ماھارەت تەنتەربىيە مەيدانىدا باشلاندى، بىر مەيدان مىللىي ئۇسلۇبقا تولغان باشلىنىش مۇراسىمى كىشىلەرگە ساھىبخان دۆلەتنىڭ گۇمانتارلىق ئەنئەنىسى ۋە يېڭى ھاياتىي كۈچىنى نامايان قىلدى. بۇ نۆۋەتلىك ئاسىيا قىشلىق تەنھەرىكەت مۇسابىقىسى 2010-يىلى 11-ئايدىكى گۇاڭجۇ ئاسيا ئولىمپىك تەنھەرىكەت مۇسابىقىسىدىن كېيىن، ئاسىيا ئولىمپىك تەنھەرىكەت كېڭىشى ئويۇشتۇرغان بىر تۈرلۈك ئاسىيادىكى ئۇنىۋېرسال چوڭ مۇسابىقە بولۇپ، قازاقىستانمۇ تۇنجى قېتىم ئاسىيادا ئۇنىۋېرسال چوڭ مۇسابىقىنى ئويۇشتۇرغان ئوتتۇرا ئاسىيادىكى دۆلەت بولۇپ قالدى.