تېڭشۈن شىركىتى بۈگۈن ئۈندىدارنىڭ ھەقسىز مۇلازىمەت دەۋرىنىڭ ئاخىرلىشىش ئالدىدا تۇرۇۋاتقانلىقى،شۇنداقلا تېڭشۈن شىركىتىنىڭ نۆۋەتتە جۇڭگودىكى ئۈچ چوڭ ئۇچۇر-ئالاقە تىجارەتچىلىرى بىلەن ئۈندىدارنىڭ ھەقلىق مۇلازىمىتى ھەققىدە كېڭەش ئېلىپ بېرىۋاتقانلىقى توغرىسىدا تارقالغان خەۋەرگە رەددىيە بېرىپ،< كارخانىچى> ژۇرنىلى ئارقىلىق سىرتقا قارىتا بۇ خەۋەرنىڭ پەقەت پۈتۈنلەي ئۆسەك-سۆز ئىكەنلىكىنى توغرىسىدا ئېنىق جاۋاب بەرگەن.تېخى يېقىندىلا ئاياغلاشقان < ئىككى يىغىن> دا،جۇڭگو كۆچمە خەۋەرلىشىش شىركىتىنىڭ باش لىدىرى-شى گو خۇا OTT كەسپىنىڭ ( OTT بولسا Over The Top نىڭ قىسقارتىلىپ يېزىلىشى بولۇپ،بۇنىڭ مەنىسى ئاساسەن توردىكى كەسىپلەر دېگەنلىك بولىدۇ،مەسىلەن،Skype、Netflix ،QQ شۇنداقلا قوللىنىش ئەپلىرى دۇكانلىرى قاتارلىقلارنىڭ ھەممىسى مۇشۇ دائىرىگە كىرىدۇ-تەھرىردىن) جۇڭگودىكى جۇڭگو كۆچمە خەۋەرلىشىش،بىرلەشمە خەۋەرلىشىش شۇنداقلا تېلىگراف شىركىتى قاتارلىق ئۈچ چوڭ ئۇچۇر-ئالاقە سودىگەرلىرىگە نىسبەتەن ھەم پۇرسەت ھەم خىرىس دەپ كۆرسىتىپ ئۆتكەن ئىدى.ئۈندىدارنىڭ ھەقلىق مۇلازىمەتكە ئايلىنىشىغا قارىتا بۇ خەۋەرگە نىسبەتەن،تېڭشۈن شىركىتى تەرەپ ئىپادە بىلدۈرۈپ،بۇ پۈتۈنلەي ئۆسەك-سۆز دېدى.