شۇ يەر ۋاقتى 2012-يىلى 27-ئاپرېل، ئوكرائىنانىڭ دىنپروپېتروۋسكتا ئارقا-ئارقىدىن تۆت قېتىم پارتلاش يۈز بەردى. ئالدىنقى ئۈچ قېتىمدا 27 ئادەم يارىلاندى، 4-قېتىملىقىدا يارىلانغانلارنىڭ سانى ھازىرغىچە ئېنىق ئەمەس. ئىگىلىنىشچە، يارىلانغان 27 ئادەمنىڭ ئارىسىدا توققۇز كىچىك بالا بار ئىكەن. دىنپروپېتروۋسك ئوكرائىنانىڭ پايتەختى كىيېۋنىڭ شەرقىگە جايلاشقان بولۇپ، تەخمىنەن 1 مىليۇن نوپۇسى بار. ئوكرائىنا پىرېزىدېنتى يانوكوۋىچ مۇنداق دېدى: بۇ بىزنىڭ دۆلىتىمىزگە نىسبەتەن يەنە بىر قېتىملىق ئېلىشىش. ئوكرائىنا جىددىي ئىشلار مىنىستىرلىقى بايانات ئېلان قىلىپ مۇنداق دېدى: ساقچىلار يارىلانغانلارنىڭ ئەھۋالىنى ۋە ۋەقەنىڭ جەريانىنى تەكشۈرمەكتە. سۈرەتتە پارتلاش يۈز بەرگەن نەق مەيدان.