ئاۋىستىرالىيەدىكى <كۈندىلىك تېلىگىراف گېزىتى> نىڭ 8-مارت خەۋەر قىلشىچە،قازاقىستانلىق بىر ئەر ئايالى بىلەن ئۇرۇشۇپ قېلىپ يارىشىش ئۈچۈن،بىر مىليون دانە قىزىل ئەتىرگۈل زاكاس قىلىپ 8-مارتتىكى خانىم-قىزلار بايرىمىدا ئايالىغا سوۋغا قىلماقچى بولغان.

 بۇ باي <رومىئو> قازاقىستاننىڭ ئوتتۇرا قىسمىدىكى قىزىل ئوردا شەھىرىدىكى بىر گۈل سودىگىرى بىلەن ئالاقىلىشپ،ئۇنىڭدىن 8-مارت كۈنى بۇ بىر مىليون دانە ئەترگۈلنى ئايالىغا يەتكۈزۈپ بېرىشىنى تەلەپ قىلغان.نۆۋەتتە ئۇنىڭ ئايالى بىلەن ئۇرۇشۇپ قېلىش سەۋەبى ئېنىق ئەمەس ئىكەن.

يەرلىك ئاخبارات ۋاستىلىرىنىڭ خەۋىرىگە قارىغاندا،بۇ ئەر زاكاس قىلغان گۈلنىڭ پۇلىنى تۆلەپ بولغان.يەرلىك بازا باھاسىغا ئاساسەن ھەربىرتال ئەتىرگۈلنىڭ باھاسى 13 ئامېرىكا دوللىرى (28 يۈەن خەلق پۇلى) دەپ ھېسابلىغاندا،ئۇ بۇلار ئۈچۈن جەمئىي 13 مىليون دوللار (تەخمىنەن 82 مىليون يۈەن خەلق پۇلى) خەجلىگەن.ئىگىلىنشىىچە،بۇ ئەتىرگۈللەر گوللاندىيەدىن ئىمپورت قىلىنغان ئىكەن.

ئىگىلىنشىىچە،بۇ ئەرنىڭ گۈل سوۋغا قىلىشتىكى ئىلھامى سابىق سوۋىت ئىتتىپاقى مەزگىلىدىكى داڭلىق ناخشا <مىليون دانە ئەتىرگۈل> دىن كەلگەن ئىكەن.