جۇڭگو خەۋەر تورى 2-ئاينىڭ23-كۈنىدىكى تېلگراممىسى،ياپونىيە بىرلەشمە ئاگېنتلىقىنىڭ خەۋەر قىلىشىچە،ياپونىيە خوككايدو ئارىلى يۇبارى شەھەرلىك ھۆكۈمەتنىڭ دېيىشىچە بۇ شەھەرگە جايلاشقان بىر سەنئەت سارىيى شۇ كۈنى ئەتىگەندە ئۆگزىدە ھەددىدىن ئارتۇق كۆپ قار يىغىلىپ قالغانلىقتىن ئۆرۈلۈپ چۈشكەن.بۇ ۋاقىت قىش پەسىللىك ساراينى تاقىۋەتكەن مەزگىل بولغاچقا ،ئادەم يارىلانمىغان،لېكىن ساقلانغان رەسىم ئەسەرلىرى زىيانغا ئۇچرىغان بولۇشى مۇمكىن.بۇ شەھەردىكى شەھەرلىك ھۆكۈمەت ئىنچىكىلىك بىلەن تەكشۈرىۋاتىدۇ.

      سەنئەت سارىيى بېتون قۇرۇلمىلىق بولۇپ ،بولىڭ توپ سارىيىنى ئۆزگەرتىپ سالغان،1988 -يىلدىن باشلاپ ئېچىلغان.يىغىلىپ قالغان قار ئەگمە ئۆگزىنىڭ ئۆرۈلۈپ چۈشۈشىنى كەلتۈرۈپ چىقارغان،تامنىڭمۇ شەكلى ئۆزگۈرۈپ ،يېرىلىپ كەتكەن.