شىنخۇا تورى بېيجىڭ 30-دېكابىر تېلگراممىسى جۇڭگو كىشىلىك ھوقۇق تەرەققىيات فوندى جەمئىيىتى 30-دېكابىر، 2011-يىلى جۇڭگو كىشىلىك ھوقۇق تەرەققىيات فوندى جەمئىيىتى كەڭ ئىجتىمائىي بايلىقنى بىرلەشتۈرۈپ، پۈتۈن بىر يىلدا توپلىغان خەير ساخاۋەت پۇلى 80مىليون يۈەندىن ئاشقانلىقىنى ئاشكارلىدى.

شۇ كۈنى جۇڭگو كىشىلىك ھوقۇق تەرەققىيات فوندى جەمئىيىتى2-نۆۋەتلىك 5-قېتىملىق مۇدىرىيەت يىغىنى بېيجىڭدا ئۆتكۈزۈلدى. مۇئاۋىن مۇدىر قوشۇمچە باش كاتىپ لىن بوچېڭ مۇدىرىيەتكە يىللىق خىزمەت دوكلاتى بەرگەندە، 2011-يىلى جۇڭگو كىشىلىك ھوقۇق تەرەققىيات فوندى جەمئىيىتى جەمئىي توپلىغان مەبلەغ 82مىليون500مىڭ يۈەن بولۇپ، كونىچە جۇڭگو پاراۋانلىق ھەركىتىنى قانات يايدۇرۇپ، جۇڭخۇا جۇڭگو تىبابىتى تەرەققىيات مەخسۇس فوندى، جۇڭخۇا داۋالىنىش ساخاۋەت فوندى، جۇڭخۇا ياشانغانلار مەدەنىيەت مائارىپ فوندى، شىمالى قىشلاق تەرەققىيات فوندى، جۇڭخۇا پاراۋانلىق تەشۋىق-تەربىيە فوندى قاتارلىقلارنى تەسىس قىلغانلىقىنى بىلدۈردى.

لىن بوچېڭ يەنە 2012-يىلى جۇڭگو كىشىلىك ھوقۇق تەرەققىيات فوندى جەمئىيىتىنىڭ مەخسۇس فوندىلىرىنىڭ رولىدىن تولۇق پايدىلىنىپ، كۆپ يوللۇق، جەمئىيەتلەشكەن مەبلەغ توپلاش مىخانىزىمىنى قۇرۇپ، يىللىق توپلىغان مەبلەغنى 100مىليون يۈەندىن ئاشۇرۇش نىشانىنى، ياشانغانلارنى ھۆرمەتلەش ۋە بېقىش، نامرات رايونلارغا ياردەم بېرىش ۋە ئېچىش، ئاياللار ۋە بالىلار، مۇھىت ئاسراش قاتارلىق ساھەلەردە تېخىمۇ كۆپ كىشىلىك ھوقۇق ئىدىيىسىنى ۋە ئېنىق ئىنسانى ھوقۇق ئەۋزەللىكىگە ئىگە پاراۋانلىق تۈرلىرىنى پىلانلاپ، ئىنسانى ھوقۇق ئىشلىرىنىڭ تەرەققىياتىنى ئىلگىرى سۈرىدىغانلىقىنى بىلدۈردى.