پەلەستىن-ئىسرائىلىيە رايونىدا زىيارەتتە بولۇۋاتقان جۇڭگونىڭ ئوتتۇرا شەرق مەسىلىسىگە مەسئۇل ئالاھىدە ئەلچىسى ۋۇ سىكې تۈنۈگۈن مۇنداق دېدى: بىز پەلەستىننىڭ بىرلەشكەن دۆلەتلەر تەشكىلاتىنىڭ ئېتىراپ قىلىشىنى قولغا كەلتۈرۈشىنى قوللايمىز. پەلەستىن ۋە ئىسرائىلىيەنىڭ داۋاملىق سۆھبەت ئارقىلىق تىنچلىقنى قولغا كەلتۈرۈشىنى مۇراجىئەت قىلىمىز.
ۋۇ سىكې مۇنداق دېدى: نۆۋەتتە پەلەستىن-ئىسرائىلىيە ۋەزىيىتى زور ئۆزگۈرۈشنى باشتىن كەچۈرمەكتە. لېكىن بۇ ھەر قايسى تەرەپلەرنىڭ پەلەستىن-ئىسرائىلىيە مەسىلىسىگە بولغان دىققىتىنى سۇسلاشتۇرۇۋەتسە بولمايدۇ. پەلەستىن بىلەن ئىسرائىلىيەنىڭ تىنچلىق مۇساپىسىنى توغرا يۆلىنىشكە قاراپ تەرەققىي قىلدۇرۇش، پۈتكۈل ئوتتۇرا شەرق رايونىنىڭ مۇقىملىقىغا ئاكتىپ تەسىر پەيدا قىلىدۇ.
يېقىندا، پەلەستىن-ئىسرائىلىيە ئوتتۇرىسىدىكى زوراۋانلىق توقۇنۇشىنىڭ كۈچەيگەنلىكىگە قارىتا، ۋۇ سىكې مۇنداق دېدى: بىز پۇقرالارغا قارىتىلغان ھەر قانداق شەكىلدىكى زوراۋانلىق ھەرىكىتىگە قارشى تۇرىمىز ۋە ئەيىبلەيمىز. ئىككى تەرەپنىڭ ۋەزىيەتنى دەرھال تىنچلاندۇرۇپ، سۆھبەتلىشىشكە ياخشى مۇھىت يارىتىشىنى ئۈمىد قىلىمىز.