ئابدۇشۈكۈر مىجىت (سولدا)

1994-يىلى شىنجاڭ بوكس كوماندىسى رەسمىي قۇرۇلغاندا، ئابدۇشۈكۈر مىجىت شىنجاڭ بوكس كوماندىسىدىكى تولۇق كۇرسنى پۈتتۈرگەن بىردىنبىر كەسپىي بوكسچى بولۇپ قالغان. 1994-يىلى مەملىكەتلىك رايونلارغا بۆلۈپ ئۆتكۈزۈلگەن بوكس مۇسابىقىسىنىڭ غەربىي-شىمال مۇسابىقە رايونىدا ئالتۇن مېدالغا ئېرىشكەن. شۇ يىلى مەملىكەتلىك بوكس لەۋھە مۇسابىقىسىدە كۈمۈش مېدالغا ئېرىشكەن. 1995-يىلى مەملىكەتلىك رايونلارغا بۆلۈپ ئۆتكۈزۈلگەن بوكس مۇسابىقىسىنىڭ غەربىي-جەنۇب، غەربىي-شىمال مۇسابىقە رايونىدا ئالتۇن مېدالغا، شۇ يىلى يەنە مەملىكەتلىك بوكس لەۋھە مۇسابىقىسىدە مىس مېدالغا، مەملىكەتلىك بوكس ماھىرلىرى مۇسابىقىسىدە ئالتۇن مېدالغا ئېرىشكەن. 1996-يىلى مەملىكەتلىك بوكس لەۋھە مۇسابىقىسىدە ئالتۇن مېدالغا ئېرىشكەن. شۇ يىلى يەنە مەملىكەتلىك بوكس چېمپىيونلۇق لوڭقىسى مۇسابىقىسىدە ئالتۇن مېدالغا ئېرىشكەن. 1997-يىل 5-ئايدا كورېيەدە ئۆتكۈزۈلگەن 2-نۆۋەتلىك شەرقىي ئاسىيا تەنھەرىكەت مۇسابىقىسىدە كۈمۈش مېدالغا ئېرىشكەن. 1997-يىل 10-ئايدا مەملىكەتلىك 8-نۆۋەتلىك تەنھەرىكەت مۇسابىقىسىدە ئالتۇن مېدالغا ئېرىشكەن. 1998-يىلى مەملىكەتلىك لەۋھە مۇسابىقىسىدە چېمپىيونلۇققا ئېرىشكەن. شۇ يىلى 6-ئايدا چۇڭچىڭدا ئۆتكۈزۈلگەن 8-نۆۋەتلىك دۇنيا لوڭقىسى مۇسابىقىسىدە 2-لىككە ئېرىشكەن. شۇ يىلى 12-ئايدا تايلاندتا ئۆتكۈزۈلگەن 13-نۆۋەتلىك ئاسىيا تەنھەرىكەت مۇسابىقىسىدە 5-لىككە ئېرىشكەن. 1999-يىلى مەملىكەتلىك چېمپىيونلۇق مۇسابىقىسىدە چېمپىيونلۇققا ئېرىشكەن. شۇ يىلى 5-ئايدا مىسىرنىڭ قاھىرە شەھىرىدە ئۆتكۈزۈلگەن خەلقئارا تەكلىپ مۇسابىقىسىدە 3-لىككە ئېرىشكەن. 2000-يىلى گۇاڭدۇڭ ئۆلكىسىنىڭ جاۋچىڭ شەھىرىدە ئۆتكۈزۈلگەن مەملىكەتلىك لەۋھە مۇسابىقىسىدە چېمپىيونلۇققا ئېرىشكەن. شۇ يىلى 11-ئايدا ئۈرۈمچىدە ئۆتكۈزۈلگەن مەملىكەتلىك چېمپىيونلۇق مۇسابىقىسىدە چېمپىيونلۇققا ئېرىشكەن. 2001-يىل 5-ئايدا ياپونىيەنىڭ ئوساكا شەھىرىدە ئۆتكۈزۈلگەن 3-نۆۋەتلىك شەرقىي ئاسىيا تەنھەرىكەت مۇسابىقىسىدە 3-لىككە ئېرىشكەن. 2001-يىلى گۇاڭجۇدا ئۆتكۈزۈلگەن مەملىكەتلىك 9-نۆۋەتلىك تەنھەرىكەت مۇسابىقىسىدە 2-لىككە ئېرىشكەن.