ياپونىيە كائىنات ئاۋىياتسىيە تەتقىقات ئاپپاراتى بىلەن ئامېرىكا ئاۋىياتسىيە ئىدارىسىدىكى ئالىملاردىن تەشكىللەنگەن تەتقىقات گۇرۇپپىسىدىكىلەر يېقىندا جەنۇبىي قۇتۇپتىكى مۇزلۇقنىڭ تېز ئېرىۋاتقانلىقى، بىر قىسىم مۇزلۇقنىڭ كۈندە تۆت مېتىردىن بەش مېتىرغىچە ئېرىپ، دېڭىزغا قۇيۇلۇۋاتقانلىقىنى بايقىغان.
ياپونىيە كائىنات ئاۋىياتسىيە تەتقىقات ئاپپاراتىدىكىلەر: بۇ قېتىمقى تەكشۈرۈش جەريانىدا ئىككى دۆلەت ئالىملىرى ياپونىيە، كانادا ۋە ياۋروپانىڭ سۈنئىي ھەمراھلىرى 1996-يىلىدىن 2009-يىلىغىچە تارتقان 3000 پارچىدىن كۆپرەك سۈرەتتىن پايدىلىنىپ، ئانتاركتىكا چوڭ قۇرۇقلۇقىدىكى مۇزلۇقنىڭ يۆتكىلىشىنى كۆزەتتى، دېدى.
تەكشۈرۈش نەتىجىسىگە قارىغاندا، جەنۇبىي قۇتۇپتىكى مۇزلۇق ناھايىتى تېز يۆتكىلىۋېتىپتۇ، نۇرغۇن جايدىكى مۇزلۇق يىلىغا 250 مېتىر سۈرئەت بىلەن دېڭىزغا ئېقىپ كېتىۋېتىپتۇ.