چەتئەل ئاخباراتلىرىنىڭ خەۋىرىگە ئاساسلانغاندا، تالىبان 8-ئاينىڭ 11-كۈنى بايانات ئېلان قىلىپ، ئامېرىكا ئارمىيىسىنىڭ تىك ئۇچار ئايروپىلانىنى ئېتىپ چۈشۈرگەن ئادىمىنى ئامېرىكا ئارمىيىسى ئېتىپ تاشلىغانلىقىنى ئىنكار قىلغان.

ئافغانىستاندا تۇرۇشلۇق ئامېرىكا ئارمىيىسىنىڭ قوماندانى 8-ئاينىڭ 10-كۈنى ئاشكارىلىشىچە، ئالدىنقى ھەپتە ئامېرىكا ئارمىيىسىنىڭ تىك ئۇچار ئايروپىلانىنى ئېتىپ چۈشۈرۈپ تاشلاپ، 38 ئادەمنىڭ ئۆلىشىنى كەلتۈرۈپ چىقارغان تالىبان خادىمىنى ئافغانىستاندا تۇرۇشلۇق بىرلەشمە ئارمىيەنىڭ ھاۋا ھۇجۇمىدا يوقىتىلغان.

ئەمما تالىباننىڭ باياناتچىسى بۇ ئۇچۇرنى ئىنكار قىلغان. ئۇ ئامېرىكا ئارمىيىسى جاكارلىغان ئۇچۇرنى ئاڭلىغاندىن كېيىن، ئامېرىكا ئارمىيىسىنىڭ تىك ئۇچار ئايروپىلانىنى ئېتىپ چۈشۈرۈۋەتكەن ئادىمى بىلەن ئالاقىلاشقانلىقىنى، ئۇنىڭ موشۇ پەيتتە ئافغانىستاننىڭ باشقا جايلىرىدا جەڭ قىلىۋاتقانلىقىنى ئېيتقان.

تالىباننىڭ باياناتچىسى ئاشكارىلىشىچە، 4 نەپەر تالىبان قوراللىق خادىمى ئامېرىكا ئارمىيىسىنىڭ ھاۋا ھۇجۇمىدا ئۆلگەن، ئەمما ئۆلگەنلەر ئىچىدە ئامېرىكا ئارمىيىسىنىڭ تىك ئۇچار ئايروپىلانىنى ئېتىپ چۈشۈرۈۋەتكەن خادىمى يوق ئىكەن.