مۇھەببەت بىر خىل ئىجتىمائىي ھادىسە، چۈنكى ئۇنى ئىجتىمائىي ئاقىۋەت كەلتۈرۈپ چىقىرىدۇ، مۇھەببەتنىڭ كۈچى، فىزىئولوگىيىلىك كۈچ ھەم مەنىۋى كۈچ بىرىكسە، ئائىلە ئىناقلىقى ۋۇجۇدقا كېلىدۇ.

مۇھەببەتنى تىل بىلەن ئىپادىلەپ بەرگىلى بولمايدۇ، ئۇنى تۇرمۇش ۋە تۇرمۇشنىڭ ئومۇمىيتى بىلەن ئىپادىلەپ بەرگىلى بولىدۇ.

مۇھەببەت قۇش. ئۇنىڭ ئىككى قانىتى بار. ئۇنىڭ بىر قانتى سۇنسا مۇھەببەت ۋەيران بولىدۇ.

مۇھەببەت ئۇلۇغ ئۇستاز، ئۇ بىزنى يېڭىۋاشتىن ئادەم بولۇشقا ئۈندەيدۇ.

مۇھەببەت باغلاش ھاياتقا ھاياتىي كۈچ، خىزمەتكە غەيرەت-شىجائەت، ئەتراپتىكىلەرگە يېقىنلىق ئېلىپ كېلىشى كېرەك. شۇنداق قىلغاندىلا ئاندىن ئۇ ئۆزىنىڭ ھەقىقىي ئەھمىيىتىنى تاپقان بولىدۇ.