شوۋىگۈرۈچ ماغدۇر تولۇقلايدۇ
     شوۋىگۈرۈچ قايناش جەريانىدا كۆپ خىل ئوزۇقلۇق ماددىلىرىنى ئاجرىتىپ چىقىرىدىغان بولۇپ ، بۇ ماددىلارنى ئادەم بەدىنى ناھايىتى ئاسان سۈمۈرۈۋالىدىكەن . سۇڭپىياز ئېقى شوۋىگۈرۈچى باكتېرىيەنى ئۆلتۈرىدىكەن . يۇمىلاق گۈرۈچ شوۋىگۈرۈچى قورساق ئاغرىقىنى توختىتىدىكەن . يۇمىلاق گۈرۈچ شوۋىگۈرۈچى قورساق ئاغرىقىنى توختىتىدىكەن . ئىشتىھاسى يوق كىشىلەر ئەڭ ياخشىسى قىزىق ھەم كۆكتات قوشۇلغان تۇزلۇق شوۋىگۈرۈچ ئىچىپ بېرىشى كېرەككەن .
     سامساق ئانتىبيوتىك دورىلاردىن قېلىشمايدۇ
     سامساق تەركىبىدىكى ئاللىتسىندا مىكروب يوقىتىش ، ياللۇغ قايتۇرۇش ، كېسەللەرنىڭ ئالدىنى ئېلىش رولى بار بولۇپ ، كۈندە بىر چىش سامساق يەپ بەرسە ، خولېسترولنى تۆۋەنلىتىدىكەن .
     يېسىۋېلەك سۈت بېزى راكىنىڭ ئالدىنى ئېلىدۇ  
     يېسىۋېلەكنىڭ قىزىتمىنى ياندۇرۇش ، يۆتەلنى توختىتىش ، بەلغەمنى بوشىتىش ۋە راكقا قارشى تۇرۇش رولى بار بولۇپ ، شۇنداقلا سۈت بېزى راك ھۈجەيرىلىرىنى تورمۇزلايدىكەن . ساماۋەر شورپىسى ئىچكەندە ئەڭ ياخشىسى يېسىۋىلەك قوشۇش كېرەك ئىكەن . يېسىۋېلەك سوغۇق تەبىئەتلىك كۆكتات بولۇپ ، ساماۋەر شورپىسىنىڭ قۇرۇق ئىسسىق تەبىئىيتىنى تەڭشەيدىكەن .
     كاپوسكا كۆزنى ئاسرايدۇ
      ھامىلدارلىق مەزگىلىدە توختىماي قۇسۇش ئەھۋالى كۆرۈلسە ، كاپوسكىدىن تەييارلانغان تۇزلۇق قورۇمىنى يەپ بەرسە ، بىنورماللىقنى ئازايتىدىكەن . لېكىن ئۇنىڭ ئەڭ ياخشى پايدىسى يەنىلا كۆزنى ئاسراشتا ئىكەن .
     قارىغاي ئۇرۇقى يۈرەكنى ئاسرايدۇ
      قارىغاي ئۇرۇقىنىڭ مېڭىنى قۇۋۋەتلەش ، تېرىنى سىلىقلاش رولى بار ئىكەن . ئۇنىڭ تەركىبىدىكى تويۇنمىغان ياغ كىسلاتاسى يۈرەكنى ئاسرايدىكەن .
 
     ئاچچىقسۇ قوشۇلغان لامنارىيە قەۋزىيەتنىڭ ئالدىنى ئالىدۇ
     لامنارىيە تەركىبىدە كۆپ مىقداردىكى ئېرىشچان تالا بار بولۇپ ، قەۋزىيەتنىڭ ئالدىنى ئالىدىكەن ھەم ئۇنىڭدىكى يېلىم ھۆسىن گۈزەللەشتۈرىدىكەن . لامنارىيەگە ئاچچىقسۇ قوشۇلسا يۇمشايدىكەن ، بۇنىڭ بىلەن ئۇنىڭ تەركىبىدىكى ئوزۇقلۇق ماددىسى تېخىمۇ كۆپ ئاجرىلىپ چىقىدىكەن . 
     قارا بۇغداي قان بېسىمنى تۆۋەنلىتىپ ، ئۇيقۇنى ياخشىلايدۇ
     قارا بۇغداي تەركىبىدىكى ئوكسىدلىنىشقا قارشى ماددا ۋە ۋىتامىن p قان بېسىمنى ۋە قاندىكى ياغ تەركىبىنى تۆۋەنلىتىپلا قالماي ، يۈرەكنى ئاسرايدىكەن ھەم ئۇيقۇنى ياخشىلايدىكەن .