ئېرىڭىزنى قايسى جەھەتلەردىن ئۆزگەرتكىلى بولمايدىغانلىقىنى بىلەمسىز ؟

 خانىم ، ئېرىڭىزنى ئۆزگەرتىپ ، پۈتۈنلەي باشقىچە ئادەم قىلىمەن ، دەپ ئويلىماڭ . چۈنكى ئەرلەرنىڭ بەزەن تەرەپلىرى مەڭگۈ ئۆزگەرمەيدۇ .
ئۇنداقتا ئۇلارنىڭ قايسى تەرەپلىرىنى ئۆزگەرتكىلى بولمايدۇ ؟

  مىجەز _ خۇلقى :
ئادەمنىڭ مىجەزى تۇغما بولغاچقا ئۆزگەرتىش ناھايىتى تەس . ئۇنىڭ سىزگە ئاچچىقلىنىش ھوقۇقى بار . لېكىن سىزنىڭ ئۇنىڭ ئاچچىقىنى چىقىرىپ قويۇش ھوقۇقىڭىز يوق ، بۇنىڭغا كەڭ قورساقلىق بىلەن بەرداشلىق بەرسىڭىزلا ، ئۇنىڭ بۇ خىل مىجەزى يىللارنىڭ ئۆتىشى بىلەن پەسكويغا چۈشىدۇ  .

  ھېسسىياتى ۋە نۇقتىئىنەزەرلىرى :
ئاياللار بۇ نۇقتىغا ئالاھىدە دىققەت قىلىشى كېرەك . چۈنكى سىز تۇرمۇش ھەلەكچىلىكىدە سېھرىي كۈچىڭىزنى يوقاتسىڭىز ، ئۇ سىزدىن ئايرىلىدۇ . مانا بۇ ئەرلەرنىڭ نۇقتىئىنەزىرى .

  پۇل ۋە قىممەت قارىشى :
ئەرلەرنىڭ پۇلنى تېپىشى ۋە خەجلىشى ئۇلارنىڭ ئادىتى . شۇڭا ئەرلەرنى پۇل خەجلەشتىن توسۇش _ ئۇنىڭغا نىسبەتەن بەرىبىر .

  خىزمىتى ۋە كەسپى :
ئەرلەرگە نىسبەتەن ئېيتقاندا ، كەسىپ ئۇلارنىڭ ھاياتىنىڭ بىر قىسمى . شۇڭا ئۇنىڭ ئۆزى ياخشى كۆرىدىغان كەسىپ بىلەن شۇغۇللىنىشىنى توسىماڭ.

مەنبە : شىنجاڭ رادىئو - تېلېۋىزىيە گېزىتى