خوتۇنى ئۇرۇشقاق بولسا ئېرىنىڭ ئۆمرى قىسقا بولىدۇ

  بەزى ئاياللار ھەمىشە ئەرلىرىنى قاتتىق باشقۇرۇپ ئۇلارنىڭ ئىشلىرىغا چات كېرىۋېلىپ قەستەن قۇسۇر چىقىرىدۇ ، ئىقتىسادىي جەھەتتىن تىزگىنلەپ تۇرىدۇ . بەزى ئەرلەر ئۆزىنى ئاياپ ئاياللىرىنىڭ ئورۇنسىز جىدەللىرىگە يول قويىدۇ ، ۋاقىتنىڭ ئۇزىرىشى بىلەن ئەرنىڭ تەن ساغلاملىقىغا ئېغىر تەسىر يېتىدۇ . پىسخولوگىيە ئالىملىرىنىڭ قارىشىچە ئاياللارنىڭ يولسىز ناچار قىلىقلىرى ئەرلەرنىڭ ئىقتىدار خاراكتېرىگە تەسىر كۆرسىتىدىكەن. ئاياللارنىڭ كەيپىيات تۇراقسىزلىقى ئەرلەردىن كۈچلۈك بولۇپ ئۇلار ئاچچىقىنى جېدەل قىلىش بىلەن چىقىرىۋالىدۇ - دە پىسخىك جەھەتتىن قىسقا ۋاقىت ئىچىدىلا نورمال ھالىتىنى ئەسلىگە كەلتۈرەلەيدۇ . ئەكسىنچە ئەرلەرنىڭ كۆپ قىسمى ئۈندىمەستىن بارلىق ئىشلارنى كۆڭلىدە ساقلاپ قەلبى ھەمىشە ئازاپ ئىچىدە تۇرىدۇ . ئۆمۈرگە تەسىر كۆرسىتىدىغان ئامىللار ناھايىتى كۆپ بولۇپ ئەر - ئايال مۇناسىۋىتىدىكى ياخشى - يامان ئىشلار ئۇنىڭ ئىچىدىكى ھەل قىلغۇچ ئورۇننى ئىگىلىگەن بولىدۇ . شۇڭلاشقا ئايال بولغۇچى ھەمىشە ئېرىنىڭ سەۋەنلىكلىرىنى كەچۈرۈۋېتىشكە ماھىر بولىشى ، ئازادە ئائىلە مۇھىتىنى بەرپا قىلىشى كېرەك .

مەنبە : شىنجاڭ گېزىتى