ئەرلەرنىڭ كۆڭلىنى چۈشىنەمسىز؟

  . ئەرلەرمۇ ئوخشاشلا ئىلھاملاندۇرۇشقا مۇھتاج، ئۇ بىرەر ئىش قىلغاندا ياخشى قىپسىز دەپ قويسىڭىز، تېخىمۇ ياخشى قىلىشقا تىرىشىشى ، ئەگەر ياخشى قىلماپسىز دېسىڭىز ، ياخشى قىلىشقا كۆڭۈلشىمەسلىكى مۇمكىن . شۇڭا ئەڭ ياخشىسى ئۇنىڭ قىزغىنلىقىغا سوغۇق سۇ سەپمەڭ.

. ئۆي بىلەن سىرتنىڭ پەرقى بولىدۇ . شۇڭا ئۆيدە قىلىشقان بەزى چاقچاقلارنى سىرتلاردا دەپ يۈرمەڭ .

. ئەرلەر ئادەتتە كۆڭۈلسىز ئىشلارنى ئاسانلا ئۇنتۇپ كېتىدۇ . شۇڭا ئۇنداق ئىشلارنى سىزمۇ قايتا تەكىتلەپ ئولتۇرماڭ ، بولمىسا ئۆزىڭىزنىڭ يارىسىغا ئۆزىڭىز تۇز سېپىۋالىسىز .

. دەسلەپكى مۇھەببەت ئەرلەرگە نىسبەتەن پاك ھەم گۈزەل ئەسلىمە بولۇپ قالىدۇ . ئۇنىڭ تۇنجى سۆيگەن قىزى بەلكى بەزى جەھەتلەردە سىزدىن تۆۋەن تۇرۇشى مۇمكىن . ئەمما سىز بۇنىڭدىن پايدىلىنىپ ئۆزىڭىزنى كۆتۈرۈپ ، قارشى تەرەپنى چۈشۈرىمەن دەيدىكەنسىز ، چوقۇم يامان نەتىجىگە قالىسىز .

. بىر قىسىم ئەرلەر ئاياللارنىڭ ئۆزىنىڭ ئىشىغا ئارىلىشىشىنى ئانچە ياخشى كۆرمەيدۇ . شۇڭا ئۇنىڭ ئىشلىرىغا كۆپ ئارىلىشىۋالماڭ .

. ئەگەر سىز ئېرىڭىزنىڭ سىزگە دېمىگەن بىرەر كەمچىلىكىنى تۇتۇۋىلىپ ، ئەتىدىن - كەچكىچە يۈزىگە سېلىپ مازاق قىلسىڭىز ، بارا - بارا ئۇ سىزدىن ھەزەر ئەيلەيدىغان ۋە سىزگە ھىچقانداق سىرىنى دىمەيدىغان بولۇۋالىدۇ .

. ئەرلەر ئادەتتە يۈز - ئابرۇيغا بەك دىققەت قىلىدۇ . شۇڭا ئۇنىڭ خىزمەتداشلىرى ئالدىدا گەپ سۆزلىرىڭىزگە دىققەت قىلىڭ . ئۇنىڭ رەھبەرلىكىگە داد ئېيتىشتىن ساقلىنىڭ .

. بالىڭىز ياكى قىينانىڭىز ئالدىدا ئېرىڭىز بىلەن تاكاللىشىپ قېلىشتىن ساقلىنىڭ . ئۇنداق بولمىغاندا ئۈچ تەرەپنىڭ كۆڭلى ئازار يەيدۇ .

.ئېسىڭىزدە بولسۇنكى ، سىز مەڭگۈ بالىڭىزنىڭ ئانىسى بولغىنىڭىزغا ئوخشاش ئېرىڭىزمۇ مەڭگۈ ئانىسىنىڭ بالىسى . بۇ خىل قانداشلىق مۇناسىۋەتنىڭ ئورنىنى ھېچقانداق نەرسە ئېگىلىيەلمەيدۇ . ئەرلەر ئادەتتە ئايالىنىڭ ئانىسى بىلەن تاكاللىشىپ قېلىشنى ياخشى كۆرمەيدۇ .شۇڭا قىينانىڭىز بىلەن چىقىشىپ ئۆتۈپ كېتىشكە تىرىشىڭ .

. سىز ئېرىڭىزنىڭ كۆڭلىدە ئىنتايىن مۇھىم ئورۇننى ئىگىلىگەن تەقدىردىمۇ ، ئۇنىڭ قەلبىنى پۈتۈنلەي ئېگىلەپ كېتەلمەيسىز . شۇڭا ئۇنىڭغا قېرىنداشلىق ۋە دوستلۇقنى تەرەققىي قىلدۇرۇشقا ئازراق ۋاقىت بېرىڭ .

. بەزى ئاياللار ئەرلەردىن گۇمانلىنىپلا يۈرىدۇ . ئەرلەر ئادەتتە باشقىلارنىڭ ئۆزىدىن ئورۇنسىز گۇمانلىنىشىدىن بىزار . شۇڭا بۇ ئىشقا بەك دىققەت قىلىڭ .

ئەمەلىيەتتە ئەرلەر ناھايىتى ئاجىز كېلىدۇ . شۇڭا ئۇ سىزنىڭ مۇھاببىتىڭىز ۋە كۆڭۈل بۆلىشىڭىزگە مۇھتاج .