ئىسسىق سۇدا يۈز يۇيۇش تېرىنى تېز قېرىتىۋېتىدۇ

قىش پەسلىدە نۇرغۇن كىشلەر ئىسسىق سۇدا يۈز يۇيۇشنى ياخشى كۆرىدۇ، بىراق بۇنداق قىلىش تېرىنى ئاسانلا قېرىتىۋېتىدۇ.
جۇڭگو تېببىي پەنلەر ئاكادىمىيسى شەكىل تۈزەش دوختۇرخانىسى يۈز قىسىم شەكىل تۈزەش مەركىزىنىڭ مەسئۇلى جاڭ خەيمىڭ مۇنداق دەيدۇ:
 ئىسسىق سۇدا يۈز يۇيغاندا يۈز قىسمىدىكى ئېپدىرما ئوخشاش بولمىغان دەرىجىدە كۆيۈپ يارلىنىدۇ، بۇنى گەرچەئانچە روشەن ھېس قىلغىلى بولمىسىمۇ بىراق، ئۇزۇن مۇددەت ئىسسىق سۇدا يۈز يۇيغاندا ئىسسىق سۇنىڭ غىدىقلىشى سەۋەبىدىن، ئېپدېرمىدىكى قىل قان تۇمۇرلار تېز كېڭىيدۇ. بۇنىڭ بىلەن تېرە بوشىشىپ ئاسانلا قورۇق پەيدا بولىدۇ-دە، تېرە ناھايتى تېز قېرىپ كېتىدۇ.بەك سوغۇق  سۇدا يۈز يۇيۇشمۇ ئانچەياخشى ئەمەس، ئېپدېرمىدىكى كىچىك ۋېنا سوغۇققا ئۇچرىغاندا تارىيىپ، ئوزۇقلۇقنىڭ ئېپدېرما ھۈجەيرىسىگەتۇشۇلۇشىنى توسقۇنلۇققا ئۇچرىتىپ، تېرىگە ئۇزۇقلۇق يېتىشمەسلىكنى كەلتۈرۈپ چىقىرىدۇ، شۇنىڭ بىلەن بىرگە تېرە سوغۇققا ئۇچرىسا تېرە ئاستى كوللاگېنى نىپىزلاپ، ئېلاستىك تالا ئۇزرايدۇ. بۇنىڭ تېرىگە بولغان زىيىنى ناھايتى چوڭ.شۇنىڭ ئۈچۈن يۈزنى يۈز تېرىسىنىڭ تېمپىراتورسىغا يېقىن كېلىدىغان سۇدا يۇيۇش ئەڭ مۇۋاپىق.