سامساقنى خام يېگەندە ...

   سامساقنىڭ باكتېرىيە ئۆلتۈرۈش رولى ناھايىتى كۈچلۈك بولۇپلا قالماستىن ، يەنە باكتېرىيە كەلتۈرۈپ چىقارغان زۇكام ، ئىچى سۈرۈش  ، ئۈچەي - ئاشقازان ياللۇغى ھەمدە بادامسىمان بەز ياللۇغى قاتارلىقلارنى داۋالاش ئۈنۈمىگە ئىگە . يەنە مېتابولىزمنى كۈچەيتىپ ، ئىشتىھانى ئېچىپ ، ئارتېرىيە قېتىشىش ۋە يۇقىرى قان بېسىمنىڭ ئالدىنى ئېلىش رولى بار .
   ئەڭ يېڭى تەتقىقاتلارغا ئاساسلانغاندا ، سامساقنىڭ يەنە مېڭىنى قۇۋۋەتلەش رولى بولۇپ ، بۇنىڭدىكى سەۋەب - سامساق ۋىتامىن B  نىڭ رولىنى كۈچەيتەلەيدىكەن ، ۋىتامىن B  گلۇكوزىنىڭ مېڭە ئېنېرگىيىسىگە ئايلىنىش جەريانىغا قاتنىشىدىغان مۇھىم قوشۇمچە ماددا . ئۇنىڭدىن باشقا ، سامساق يەنە رادىئاكتىپ ماددىلارنىڭ بەدەنگە بولغان خەتىرىنى توسۇپ ، ناچار تەسىرلەرنى يېنىكلىتىدۇ .
  سامساقنىڭ بەدەنگە شۇنداق پايدىلىق تەرەپلىرى بولسىمۇ ، ئەمما خام سامساقنى زىيادە كۆپ يېسە سالامەتلىككە زىيانلىق . شۇڭلاشقا سامساقنى خام يېگەندە تۆۋەندىكى بىر قانچە نۇقتىغا دىققەت قىلىش كېرەك :
   ئاچ قورساققا يېمەسلىك ياكى سامساق يەپ بولۇپلا قىززىق شورپا ، چاي ئىچمەسلىك ؛
 كۈن ئاتلاپ ئاز ئىستېمال قىلىش ، ھەر قېتىمدا - چىش يېيىش بىلەن چەكلىنىش كېرەك ؛
 يۈرەك كېسىلى بارلار ياكى ئادەت خاراكتېرلىك قەۋزىيەت كېسىلى بارلار ئازراق يېيىشى ، ھەسەل بىلەن بىللە يېمەسلىكى كېرەك .