چاڭقىغان دىللارغا بىر تامچە

* ئاقىۋىتىنى بىلىپ تۇرۇپ ئۆتكۈزگەن خاتالىق پاجىئە، بىلمەي قېلىپ ئۆتكۈزگەن خاتالىق تەجرىبە.

* <ئازمايدىغان ئادەم يوق&t; دېيىش ئارقىلىق ئۆزىگە تەسەللىي بېرىش، ئەمەلىيەتتە داۋاملىق خاتالىق ئۆتكۈزۈش ئۈچۈن قالدۇرۇلغان يوچۇقتۇر.
 
* تارىختىن بېرى بىرگە چېقىمچىنىڭ، بىرگە ئويۇنچىنىڭ سەلتەنەت تەختىگە چىققىنىنى كىم كۆرۈپتۇ؟

* دۈشمەننىڭ رەزىل -  ھىيلىگەرلىكىدىن ئاغرىنماي، ئۆزىنىڭ ساددا، دۆتلىكىدىن ئاغرىنىش كېرەك.

* ئەخمەق قىزلار كىچىككىنە ئىشنى داۋراڭ سېلىپ نۇرغۇن نەرسىدىن مەھرۇم قالىدۇ.

* مەغلۇپ بولغاندا ئاسمانغا قاراپ ئاھ ئۇرغىچە، مەغلۇپ بولۇش سەۋەبىڭنى تېپىپ چىققىن، بولمىسا قۇشلار يۈزۈڭگە چىچىپ قويىدۇ.

* چاق ئېغىر يۈك كۆتۈرگەچكە توختىماي ئالغا ئىلگىرىلەيدۇ، شارغا لىق يەل بېرىلگەچكە ھەريان لەيلەپ جىم تۇرالمايدۇ.

* بىزنىڭ قولىمىزدىن كېلىدىغىنى پەقەت سائەت سىتىرىلكىسىنى قولىمىز بىلەن بۇراپ كەينىگە ياندۇرۇشلا خالاس.

 (دىلرەبا)