قاراڭ، قايسى خىل ئانا.....
ئىسلام ئابدۇللا
لەۋلىرىگە قىستۇرۇلغان تاماكىدىن چىققان ئاچچىق ئىسنى ئاسمانغا پۈۋلىگىنىچە ئولتۇرغان ئايالنىڭ قېشىدىكى تۆت ياشلىق سەبىي قىزچاق ئانىسىنىڭ قىلىقلىرىغا ئەجەپلىنىپ قاراپ ئولتۇراتتى.
_ئاپا، يەۋاتقىنىڭىز نىمە؟ئوتى باركەنغۇ؟
_ تاماكا،_پەرۋاسىز جاۋاپ بەردى ئانا.
_ئۇنىڭدىن چىققىنى قانداق نەرسە؟
_تاماكىنىڭ ئىسى.
_ئاپا،ئىسنى يېسىڭىز ئىچىڭىز كۆيمەمدۇ؟
_ياق كۆيمەيدۇ،دەرتنى ئالىدۇ.
ھەي، مۇشۇمۇ ئانا-ھەلەنەت...لەنەت....
_ئاپا،ئاۋۇ ئويۇنچۇقنى ئالايلىچۇ؟
_قىزىم،مەن سىزگە جىق ئويۇنچۇقلارنىڭ رەسىمى بار كىتاب ئېلىپ بېرەي بولامدۇ؟
_كىتابنى نىمە قىلىمەن؟
_ئوقۇيسىز.
_ئوقۇپ نىمە قىلىمەن؟
_ئوقۇپ بىلىم ئالىسىز.
_بىلىم دېگەن نىمە؟
_ئۇ ھاياتلىقنىڭ ئاچقۇچى.
_ھە بىلدىم،كىتاب ئوقۇپ بىلىم ئالىمەن.بىلىم ئېلىپ ھاياتنى ئاچىمەن شۇنداقمۇ؟
_شۇنداق قىزىم.
مانا بۇ تۆت ياشلىق قىزىنى يېتىلەپ كېتىۋاتقان يەنە بىر ئانا.
نىمە دېگەن ئەقىللىق ئانا،پاساھەتلىك تەربىيە.ئاپىرىن......ئاپىرىن....
ئارىدىن تالاي يىللار ئۆتتى.تاماكا ئىسىنى كۆرۈپ چوڭ بولغان قىز بۈگۈنكى كۈندە تاماكىغا <<ئاق ئالۋاستى&t;&t;نى قوشۇپ سۈمۈرۈپ،ئۇمۇ يەتمىگەندەك گاھى چۈشكۈنلۈكنىڭ ۋاقىتلىق ھوزۇرىنى سۈرسە،گاھى ئىت كەبى خارۇ-زار بولۇپ يۈرەتتى.قولۇم-قوشنىلار ئۇنىڭدىن ۋابادىن قاچقاندەك قاچاتتى.ئانا بولسا زار-زار ياش تۆكۈپ تىزلىنىپ ئولتۇرۇپ قىزىغا يالۋۇراتتى.
_جېنىم قىزىم، مۇشۇ كۈنلەردە نىمە ئىش قىلىپ يۈرىۋاتىسەن....
_دەردىمنى چىقىرىۋاتىمەن،_ۋارقىرىدى قىز ئانىسىنىڭ گېپى تۈگىمەيلا.
_دەرتلىرىڭنى ماڭا ئېيتقىن قىزىم،مەن سېنىڭ ئاپاڭغۇ؟دەرتلىرىڭگە دەرمان بولاي،ئۇ نىجىس ئىشلاردىن ئۆزۈڭنى تارتقىن.
_سەنمۇ دەردلىرىم دەپ مۇشۇ ئىشلارنى قىلغانغۇ؟ مەن دەردلىرىمنى تۆكەرگە ئادەم تاپالماي قالغاندا ،قايسى يولغا مېڭىشنى بىلەلمەي تەمتىرەپ يۈرگەندە سەن نەدە ئىدىڭ؟ئارتۇق گەپ قىلماي ماڭا پۇل تېپىپ بەر.....
_يۈرەكنى تىلغىغان بۇ گەپلەردىن بىچارە ئانا ئۆزىنى قويارغا يەر تاپالماي قالدى.ھەي....
ئۆرتىنىش،....ئۆرتىنىش....بۇلبۇللارمۇ ناۋا قىلماي خۇرسىنىشلار ئىچىدە ئېغىر تىنماقتا.
_ئاپا،قانداقراق تۇردىڭىز؟بۈگۈن ئىشتىن كەچ يانغان،سىزدىن بەك ئەنسىرىدىم.كۆڭلىڭىز نىمە تارتىدۇ؟مەن ئېتىپ بېرەي.......
_ۋاي جېنىم قىزىم،مەندىن ئەنسىرىمەي خاتىرجەم خىزمىتىڭىزنى قىلىڭ،سىز ياخشى كۆرىدىغان قاتلىما پۇشۇرۇپ قويدۇم.تېز يەۋېلىڭ.
_ۋاي جېنىم ئاپا،تاماق ئەتمەي ياخشى ئارام ئالسىڭىز بولمامدۇ؟رەھمەت سىزگە،كېلىڭ بىللە يەيلى.
_ماقۇل قىزىم،بىللە يەيلى.قىزىم،سىز ئوقۇتقۇچى،ۋەزىپىڭىز ئېغىر،قۇۋۋەتلىك يېمىسىڭىز بولمايدۇ،شۇڭا كۆپرەك يەڭ.
_رەھمەت ئاپا.
نىمىدېگەن گۈزەل ھايات،مەنىلىك تۇرمۇش......
مەنبە:<<شىنجاڭ ئاياللىرى&t;&t;ژۇرنىلى
| بىز ھەققىدە | ئېلان بىرىڭ | مۇلازىمەتلىرىمىز | خېرىدارلىرىمىز | پىكىر بىرىڭ | بىكەت خەرىتىسى |