مۇھەببەت ھىكايىسى

 ئارجۇن ئەتىگەندە رادىئونىڭ سائەت دىكى خەۋەرلەر پروگراممىسى باشلىنىش بىلەن ئۇيقۇدىن ئويغاندى. ئۇ يېنىدىكى ياستۇقىنى سىلاپ،خوتۇنىنىڭ كاماندىروپكىغا چىقىپ كەتكەنلىكىنى ئاندىن ئېسىگە ئالدى . مارلونى شۇ تاپتا ئورلاندودا ، ئۇ سەھەرلا ئورنىدىن تۇرغانىدى ، بىراق ئېرىنىڭ ئۇيقۇسىغا دەخلى قىلىپ قويماسلىق ئۈچۈن ،سائەت دە ئۆيگە تېلېفون قىلماقچى بولدى ، چۈنكى بۈگۈن ئېرىنىڭ تۇغۇلغان كۈنى ئىدى . ئۇلار توي قىلغىلى يىل بولغان ، ئۇ بۇنى ئېسىدىن چىقىرىپ قويغىنى يوق .مارلوبى ئېرىنىڭ تۇغۇلغان كۈنىدە يېنىدا بولالمىغانلىقىدىن تولىمۇ ئەپسۇسلاندى .تەلىيىگە ئۇ بۈگۈن كەچتە ئۆيگە قايتىدىغان بولۇپ قالدى . تېلېفون جىرىڭلىدى . ئارجۇن تۇرۇپكىنى قولىغا ئالدى .
 - تۇغۇلغان كۈنىڭىزگە مۇبارەك بولسۇن ... - قارشى تەرەپتىن تۇغۇلغان كۈن ناخشىسى ئاڭلاندى .
 - رەھمەت سىزگە سۆيۈملۇكۈم ، ئۆزىڭىزچۇ ، ياخشىمۇ؟ قاچان قايتىسىز؟ - ئارجۇن كەينى-كەينىدىن سوراپ كەتتى.
 - ھەئە ، ياخشى . مەن كەچ سائەت دىن نىڭ ئايروپىلانىدا قايتىمەن ، سائەت گىچە ئۆيگە يىتىپ بېرىپ بولىمەن . دورىخانىغا تېلېفون قىلىپ دورىڭىزنى ئەكەلدۈرۋىلىڭ ،دورىڭىز ئەتە تۈگەيدۇ . يەنە بىر ئىش ، كىيىم يۇيۇش ئورنىغا كىرىپ ، يۇدۇرۇشقا بېرىپ قويغان كىيىملەرنى ئاچىقىۋېلىڭ . ئۆيگە قايتقاندىن كىيىن ئىككىمىز بىرگە سىرتقا چىقىپ تاماق يەيمىز .
  - ھە ، بەك ياخشى بولدى ، - دېدى ئارجون ، - چاندېر كوچىسىدىكى يېڭىدىن ئېچىلغان برازىلىيە تاماقخانىسىغا بارغۇم بار ئىدى ، ئۇ يەرنىڭ تاماقلىرى بەك تەملىك ئىكەن ،
ئەمىسە بۈگۈنلا شۇ يەرگە بارايلى ، - ئۇلار بىر پەس تاغدىن-باغدىن پاراڭلىشىپ تۇرۇپكىنى قۇيۇشتى .  مارلوبى ئاخىرىدا ئېرىگە دورىنى ۋاقتىدا ئىچىشنى تاپىلىدى . چۈنكى ، ئۇ ئېرىنى تېخىچە ئۆز ھاجىتىدىن چىقالمايدۇ دەپ قارايتتى .
بۈگۈن ئارجوننىڭ ياشقا تولغان كۈنى ، ئۇ دائىم : «پېنسىيىگە چىققاندىن كىيىن مارلوبى ئىككىمىز قىلىدىغان ئىشىلىرىمىزنى قىلالايمىز-ساياھەتكە چىقىمىز ، كىتاپ يازىمىز » دەپ ئويلايتتى .
ئارجون  ئورنىدىن تۇرۇپ ، چىشىنى چوتكىلاپ ، يېڭى بىر كۈننى باشلىۋەتتى .كۈندىكىدەك ناشتا قىلىپ بولغاندىن كىيىن دورىلىرىنى ئىچتى ، ئۇنىڭ يۈرەك كېسىلى ھەر ۋاقىت قوزغىلىپ قېلىش ئېھتىمالى بار ئىدى . دوختۇر ئۇنىڭغا يۈرەك كۆچۈرۈش ئوپىراتسىيىسى قىلدۇرۇشنى ، قانچە بالدۇر قىلدۇرسا شۇنچە ياخشى ئىكەنلىكىنى ئېيتقانىدى . ئۇنىڭ يۈرەك كۆچۈرۈش ئوپراتسىيىسى قىلدۇرۇشقا تىزىملىتىپ قويغىنىغا ئىككى يىل بولغانىدى . ئارجوننىڭ كېسىلى -دەرىجىلىك بولغاچقا ، ئۆيدە ئارام ئالسا بولاتتى ، بىراق ئۇ ھەر كۈنى چاقىرغۇسىنى يېنىدىن ئايرىماسلىقى كېرەك ئىدى ، چۈنكى يۈرەك كۆچۈرۈش ئوپراتسىيىسى قىلدۇرۇش نۆۋىتى ئۇنىڭغا كەلگەنىدى.
 بۇنىڭدىن ئۇزۇن يىل ئىلگىرى ئۇلارنىڭ يېقىن دوستى بۆرەك ئاجىزلىشىش سەۋەبىدىن ئۆلۈپ كەتكەندە ، ئارجون بىلەن مارلوبى ئۆزلىرى ئۆلۈپ كەتكەندىن كىيىن ئىچكى ئەزالىرىنى ئىئانە قىلىشقا تىزىملىتىپ قويغانىدى . ئارجون ئەمدىلا سىرتقا چىقماقچى بولغاندا ، قىزى سىكا تېلېفون قىلىپ ، ئۇنىڭ تۇغۇلغان كۈنىنى تەبرىكلىدى.
 قىزى سان فرانسىسكو ئۇنىۋىرستىتىدا دوختۇرلۇق كەسپىدە ئوقۇۋاتاتتى ، ئارجون قىزىدىن پەخىرلىنەتتى . تۇغۇلغان كۈنىدە ئائىلىسىدىكىلەرنىڭ تەبرىك سۆزلىرىدىن كۆڭلى ياخشىلىنىپ قالغاچقىمۇ ، ئارجون ئەتىگەندە سىرتنى خوشال ئايلىنىپ كەلدى . چۈشتىن كىيىن بىر سېستىرا تېلېفون قىلىپ ، يۈرەك تەغدىم قىلغۇچىنىڭ چىققانلىقى ، بۈگۈن كەچتە يۈرەك كۆچۈرۈش ئوپراتسىيىسى قىلىنىدىغانلىقىنى ئېيىتتى.
ئۇ ئۆزىگە يۈرەكنىڭ يولدا ئېلىپ كېلىنىۋاتقانلىقىنى ، ئۇنىڭ دەرھال دوختۇرخانىغا كېلىپ ، رەسمىيەت ئۆتىشىنى ئېيىتتى . ئارجون دەرھال خوتۇنىغا تېلېفون قىلدى .
خوتۇنىنىڭ تېلېفونى ئېتىك ، بەلكىم يولدا كېلىۋاتغان بولسا كېرەك . شۇنىڭ بىلەن ئۇ خوتۇنىغا خەت قالدۇرۇپ قويدى : «مارلوبى ، ئىشەنمەسلىكىڭىز مۇمكىن ، مەن ئەڭ ياخشى تۇغۇلغان كۈن سوۋغىتىغا ئېرىشتىم . دوختۇرلار بىر يۈرەك چىققانلىقىنى ھەمدە دەرھال كېلىپ ئوپراتسىيە قىلىشىمنى ئېيتتى. كەچتە بىرگە تاماق يەيدىغان ئىشنى ۋاقتىنچە توختىتىدىغان بولدۇق ، كىيىن بىر كۈنى يەمىز ، دوختۇرخانىدا كۆرۈشەيلى. »  . ئارقىدىن ، ئارجون ئەڭ يېقىن ئاغىنىسى شامىغا تېلېفون قىلدى ، شامى خىزمىتىن تاشلاپ ، ئۇنىڭ بىلەن بىرگە دوختۇرخانىغا باردى . ئارجون دوختۇرخانىغا كەلگەندىن كىيىن ، دوختۇرلار ئوپراتسىيە تەييارلىقىغا كىرىشىپ كەتتى ، ئۇلار يۈرەكنىڭ دوختۇرخانىغا ئېلىپ كېلىنىشىنى كۈتۈپ تۇرۇشتى . ئارجوننىڭ يۈرەك كۆچۈرۈش  ئوپراتسىيىسى قىلىدىغانلىقىنى ئاڭلىغان ئاغىنىلىرى دەرھال دوختۇرخانىغا يېتىپ كىلىشتى . شامى ئايرودرومغا مارلوبىنى ئېلىشقا كەتكەنىدى . قىزى ئەتە ئەتىگەندە كېلەتتى. كەچ سائەت دىن مىنۇت ئۆتكەندە ، سېستىرا يۈرەكنىڭ دوختۇرخانىغا ئېلىپ كېلىۋاتقانلىقىنى ئېيىتتى . ئوپىراتسىيە ئوڭۇشلۇق بولدى . ئەڭ مۆجىزىلىك ئىش شۇ بولدىكى ، ئۇنىڭ بەدىنى يېڭى يۈرۈكنى يەكلىمىگەنىدى . ناركوز قايتىپ ، ئارجون ئاستا - ئاستا ھوشىغا كېلىشكە باشلىدى . ئۇ كۆزىنى ئېچىپ ، ئاغىزىنىڭ قۇرۇپ كەتكەنلىكىنى ھېس قىلدى .
سېستىرا ئۇنىڭ يېنىغا كېلىپ ، نېمە لازىملىقىنى سورىدى.
 - سۇ ...ئايالىم... - دېدى ئۇ ناھايتتى تەستە . سېستىرا ئۇنىڭغا مۇز سۈيى ئەكېلىپ بەردى ھەم شامنى چاقىردى. ئارجون شامىغا سوئال نەزىرىدە قاراپ سورىدى:
 - مارلوبى قېنى؟
 - ئۇ ھازىرلا كېلىدۇ ، سەن ئوبدان ئارام ئال ، دوختۇرلار ئوپراتسىيىنىڭ ئوڭۇشلۇق بولغانلىقىن ئېيىتتى. سېنى تەبرىكلەيمەن ، - دېدى شامى.
ئىككى ھەپتىدىن كېيىن ئارجون ئۆيگە قايتىپ چىقتى . ئوپراتسىيىدىن كېيىن سالامەتلىكى تېزلا ئەسلىگە كەلدى ، بىراق ئۇنىڭ ئىچى تولىمۇ سىقىلدى .خوتۇنى مارلوبى يوق ، ئۆي ئىچى چۆلدەرەپ قالغانىدى . مارلوبى شۇ كەتكەنچە قايتىپ كەلمىدى ، بىراق ئۇنىڭ بەدىنىنىڭ بىر قىسمى قايتىپ كەلگەنىدى .
 مارلوبى ئۆيگە قايتماقچى بولۇپ ، ئايرودرومغا كېتىۋاتقاندا ، ئۇ ئولتۇرغان ماشىنا ئالدىدىن ئۇچقاندەك كېلىۋاتقان ماشىنىغا سوقۇلغان ، ئۇ دەرھال دوختۇرخانىغا ئېلىپ كېلىنىپ ، جىددىي قۇتقۇزۇلغان بولسىمۇ ، ئامال بولمىغان . ئۇنىڭ چوڭ مىڭىسى پۈتۈنلەي زەخمىلەنگەنىدى . دوختۇرخانا ئۇنىڭ ئەزا تەغدىم قىلغۇچى ئىكەنلىكىنى بىلىپ ، ئىچكى ئەزالىرىنى ئېلىپ قالدى . يۈرەك كۆچۈرۈش ئوپىراىتسىيە نۆۋىتى ئارجونغا كەلگەنىدى . ئۆلگۈچىنىڭ قان تىپى ئارجوننىڭكىگە ماس كەلگەچكە ، ئۇنىڭ يۈرىكى ئارجونغا سېلىنغانىدى . ئارجۇن بۇ ئەھۋاللارنى بىلگەندىن كېيىن ئىنتايىن ئۈمۈدسىزلەندى . ئۇ ئورۇندۇقتا ئولتۇرۇپ دېرىزە سىرتىغا قاراپ ، ئۆزلىرىنىڭ يىل ئاۋۋال كالكۇتتا ئۇنىۋېرسىتىتىدا ئوقۇۋاتقان مەزگىللىرىنى ئېسىگە ئالدى .  ئۇلار مۇھەببەتلىشىشكە باشلىغاندا ، ئارجۇننىڭ تۇغۇلغان كۈنىگە توغرا كەلگەنىدى .
 - تۇغۇلغان كۈنىڭىزگە نېمە سوۋغا قىلاي؟ - دەپ سورىدى مارلوبى .
 - يۈرۈكىڭىزنى ، - دەپ جاۋاب بەردى ئارجون .
مارلوبى بۇ سۆزنى ئاڭلاپ ، خىجىل بولغىنىدىن بېشىنى تۆۋەن سېلىپ كۈلۈمسىرەپ ئولتۇرغانىدى .  ئۇنىڭ بۇ ھالىتى نېمىدىگەن گۈزەل ، نېمىدىگەن ئوماق- ھە
 بۇلارنى ئويلاپ ، ئارجوننىڭ كۆز يېشى ئىختىيارسىز تاراملىدى .

مەنبە :«تەرمىلەر» ژورنىلى