ساددا، سەبىي، سۆيۈملۈك قىزچاق

( شېئىر )

چىن دىلىڭدىن سۆيدۈڭمۇ مېنى،
مېنىڭ بارلىق نۇقسانلىرىمنى؟
ئەجەپ ئىش ھە،بىلەلمىدۇق بىز،
قىش كىرگەندە كەلگەن بەخىتنى.

بىر شۈبھى بار كۆڭلۈڭ قېتىدا،
بەك رەھىمسىز ئەمەس سەن بىراق.
قىلالايسەن تاتلىق بىر خىيال،
يېقىپ قويساڭ قەلبىڭگە چىراغ.
 
مەنلا سۆيەي قىزغىنىپ تۇرۇپ،
مۇھەببەتنى ھېس قىل ئامرىقىم.
چۈشەن مېنى مەيۈس دىلىڭدا،
تەشۋىش ئىچرە  ئۆتەر ھاياتىم.
 
مەن ھېس قىلىپ تۇرىمەن بۇندا،
بۇ يېگانە، مەغرۇر ئۆزۈمنى.
بۇزۇلمىسۇن كۆڭلۈڭ بەزىدە،
كۆرۈپ مېنىڭ زەئىپ تۇرقۇمنى.
 
سۆيۈپ قالما مېنى چوڭقۇرلاپ،
يىرگىنىچلىك ئەبلەخمەن شۇنداق.
مەنلا سۆيەي سېنى بىر ئۆمۈر،
ساددا، سەبىي، سۆيۈملۈك قىزچاق.

( ئاپتورى : قاشتېشى ئۇيغۇر مۇنىرىدىكى سەرگەردان )