ئۇيغۇر تىلى يوقالسۇن

( ئاپتورى : لاتا )

ئەسقاتمىغان بىزلەرگە ئۇيغۇر تىلى يوقالسۇن ،
نەگە بارساق قەدرىسىز بىچارە تىل يوقالسۇن.
 
كىم كايىدى بىزلەرگە ئۆگەنگىن تىلىڭنى ،
ئارىمىزدا رولى يوق ئۇيغۇر تىلى يوقالسۇن .
 
نۇمۇس قىلىپ بۇنىڭدىن سۆزلىمەيلى ئۇيغۇرچە،
جىسمى قۇرۇق ناكەس تىل ئېڭىمىز دىن يوقالسۇن.
 
پەخىرلەنمە ھەرگىزمۇ مەھمۇد مىنىڭ بوۋام دەپ،
كىم بىلىپتۇ  تارىخنى  ئۇيغۇر تىلى يوقالسۇن .
 
نەگە بارساق ئويۇندۇر ئويۇن يەنە ئويۇندۇر ،
ئويۇنلارغا پۇتلاشقان ئۇيغۇر تىلى يوقالسۇن.
 
بولدى ئەمدى تەمتىرمەي خەنزۇنىلا سۆيەيلى،
تىلىم بىلەن ئىلىممۇ ئۇيغۇرمۇ ھەم يوقالسۇن.