نۇر تورى مەخسۇس خەۋىرى :
2015-يىلى 10-ئاينىڭ 11-كۈنى ئۈرۈمچى خەلق يولى شىنروڭ سارىيى يىغىن زالىدا ھەمكارلىشىپ يېڭىلىق يارىتىش باش تېمىسىدىكى «ئۇچۇر ۋە ئالاقە تېخنىكىسى مۇتەخەسسىسلەر مۇنبىرى» ئۈچىنچى نۆۋەتلىك ئىلمىي مۇھاكىمە يىغىنى غەلىبىلىك ئېچىلدى.

بۇ قېتىملىق پائالىيەتكە شىنجاڭ يۇمشاق دېتال باھالاش مەركىزىنىڭ مۇدىرى، مۇئاۋىن تەتقىقاتچى دوڭ جۈن ئەپەندى، شىنجاڭ ئۇنىۋېرسىتېتى ئۇچۇر ئىنىستىتوتى كومپيۇتېر مەركىزى مۇدىرى ئالىپ قۇربان ئەپەندى قاتارلىق رەھبەرلەر، ۋە ئۇچۇر ۋە ئالاقە تېخنىكىسى مۇتەخەسسىسلەر مۇنبىرىنىڭ ئەزا شىركەتلەردىن تۇرسۇن قۇربان ئەپەندى، ئالىم ئەھەت ئەپەندى، ئەمەتجان روسۇل ئەپەندى، ئۆتكۈر ئەركىن ئەپەندى، ئىلھام تاھىر ئەپەندى، ئەمەرجان ئابدۇللا ئەپەندى، ئالىم ئابدۇراخمان ئەپەندى، نۇرمۇھەممەد تاشمۇھەممەد ئەپەندى، ئابلەت ئىسمايىل ئەپەندى، ئابباس ياسىن ئەپەندى، ئابدۇغەنى غوجى ئەپەندى قاتارلىق مۇتەخەسسىسلەر، كومپيۇتېر ھەۋەسكارلىرى، ئاخبارات ۋاستىلىرى بولۇپ 200 دىن ئارتۇق ئادەم قەدەم تەشرىپ قىلدى.

ئالدى بىلەن شىنجاڭ «IT ئۈچ كېڭىشى» باش كاتىپى گاۋشيا خانىم سۆز قىلدى.

ئارقىدىن ھوشۇر ئىسلام ئەپەندى سۆز قىلدى.

ھەلىمە مامۇت خانىم سۆز قىلدى.

كومپيۇتېر ھەۋەسكارلىرى ئېلىكتىرون پەن-تېخنىكا چەكلىك شىركىتى قۇرغۇچىسى ئەمەتجان روسول ئەپەندى سۆز قىلدى.

ئارقىدىن شىركەت پروگراممىرلىرى تېخنىكا توغرۇلۇق بىلىملەردە كۆپچىلىك بىلەن ئورتاقلاشتى.

ئارقىدىن تور-تېخنىكا ساھەسىنىڭ ئۇيغۇرچىلىشىشىدىكى زور تۆھپىكار شۇنداقلا ئۇيغۇر سوفت قۇرغۇچىسى ئالىم ئەھەت ئەپەندى سۆز قىلدى.

ئاخىرىدا ھەرقايسى رەھبەرلەر ۋە مۇتەخەسسىسلەر بىرگە خاتىرە سۈرەت قالدۇردى.

بۇ قېتىملىق ئىلمىي مۇھاكىمە يىغىنى ئارقىلىق قەدەم تەشرىپ قىلغان كومپيۇتېر ھەۋەسكارلىرى ئۇزاقتىن جاۋاب كۈتكەن تۈگۈن، مەسىلىلىرىگە مەمنۇن بولغىدەك جاۋابقا ئېرىشتى.

بىز ئاخىرىدا بۇ قېتىملىق ھەمكارلىشىپ يېڭىلىق يارىتىش باش تېمىسىدىكى «ئۇچۇر ۋە ئالاقە تېخنىكىسى مۇتەخەسسىسلەر مۇنبىرى» ئۈچىنچى نۆۋەتلىك ئىلمىي مۇھاكىمە يىغىنىنى ئۇيۇشتۇرغۇچى تەرەپ شۇنداقلا كومپيۇتېر ھەۋەسكارلىرى ئېلىكتىرون پەن-تېخنىكا چەكلىك شىركىتىگە تەشۈككۈر ئېيتىمىز، شۇنىڭ بىلەن بىرگە بۇ خىلدىكى ئەھمىيەتلىك پائالىيەتلەرنىڭ كۆپلەپ ئۇيۇشتۇرۇلىشىغا تىلەكداشمىز.

بىر قىسىم كۆرۈنۈشلەر

يۇقىرىدىكى بۇ ماقالە ۋە رەسىملەر نۇر تورىدىن ئېلىندى
http://www.nur.cn/news/2015/10/251139.shtml
=========================
پىروگرامما مۇكاپاتى خۇلاسە يىغىنى ئېچىلدى

شىنجاڭ خەلق رادىيو ئىستانسىسىنىڭ پىروگراممېرى، داڭلىق رىياسەتچىسى ئابدۇرېشت غۇپۇر رىياسەتچىلىك قىلدى

=============================

مەن پىروگراممېرلار مۇكاپاتى ھەققىدە ئۆزەمنىڭ ئويلىغانلىرىمنى دېدىم. مۇكاپاتقا ئېرىشكەن يېڭى پىروگراممېرلارنى رىغبەتلەندۈردۈم.

بۇنداق زور سوممىلىق مۇكاپات بېرىدىغانلىقىنى بىلگەن بولسام مەنمۇ قاتنىشار ئىكەنمەن دەپ ئەپسۇسلاندىم. چۈنكى مەن 2008-يىلى ئەلى بابا تور تېخنىكا شىركىتىنىڭ باش ئىجىرائىيە ئەمەلدارى 卫　哲 بىلەن بىر سەھنىدە تۇرۇپ يۇمشاق دېتال ساھەسىدە مەملىكەت دەرىجىلىك كاتتا شەرەپكە ئېرىشكەن بولساممۇ، لېكىن بىزگە پۇل بەرمىگەن ئىدى. ئەمما پارتىيە ۋە ھۆكۈمەت بىزگە كاتتا شەرەپلەرنى بېرىپ، بىزنى ئىلھاملاندۇرغان ئىدى.
مۇكاپاتنى بۇ يەردىن كۆرۈڭ: http://www.ccyl.org.cn/documents/zqlf/200811/t20081121_101900.htm

شۇنىڭ بىلەن بىز بۇ شەرەپكە يۈز كېلىش ئۈچۈن 2008-يىلى ئەلى بابا تور تېخنىكا شىركىتىنىڭ باشلىقى 卫　哲 淘宝 تورى B2C سۇپىسى يەنى 淘宝商城 نى قۇرۇپ، تور سودىسىنى باشلىۋەتتى. ئالىم مۇئەللىم يەنىلا ئۇيغۇر تىل يېزىقىنىڭ Windows قا كىرىشى ئۈچۈن كۈچ چىقىرىمەن دەپ بۇ ئىشنىڭ پىلانىنى باشلىۋەتتى. شۇ يىلى 淘宝 نىڭ تىجارەت سوممىسى 10 مىلياردقا يەتتى. ئۇيغۇرسوفت لۇغىتى 2008 نىڭ سۆزلۈك سانى 1 مىليونغا يەتتى.

30 يىلدىن بۇيان ئۇيغۇر پىروگراممېرلارنىڭ ۋاقتى ۋە زېھنى ئاساسەن 1985-يىلىدىن 1994-يىلىغىچە MS-DOS مەشغۇلات سىستېمىسىغا ئۇيغۇرچە كىرگۈزۈش، 1995-يىلىدىن 2004-يىلىغىچە Windows مەشغۇلات سىستېمىسىغا ئۇيغۇرچە كىرگۈزۈش، 2005-يىلىدىن 2014-يىلىغىچە يان تېلېفون مەشغۇلات سىستېمىسىغا ئۇيغۇرچە كىرگۈزۈش بىلەن ئۆتتى. بىر دەم «ئى» ئۇلاشمىدى دېگەن، «نە ئۇلاشمىدى؟» دېسەك، ئەمدى «ئە» ئۇلاشمىدى دېگەن، …مۇشۇنداق ھەرپلەرنى ئۇلايمىز دەپلا، خەت نۇسخىسى ۋە كىرگۈزگۈچ ياساپلا يۈردۇق. 1998-يىلى 6-ئايدا ئۇيغۇرسوفت شىركىتى قۇرۇلغاندا، تېخى 腾讯(ئۈندىدار ۋە QQ نى ياسىغان شىركەت)، 京东 (دۆلىتىمىزدىكى داڭلىق تور سودا بېكىتى)، ھەتتا ئامېرىكىدىكى Google شىركىتىمۇ قۇرۇلمىغان ئىدى. مايۈنمۇ 阿里巴巴 شىركىتىنى قۇرىمەن دەپ 1999-يىلى 3-ئايدا ئۆز ئۆيىدە ئىش باشلىغان ئىدى. شۇ يىلى ئالماس، كۆلتېكىن، بۇغرا، ….قاتارلىق 20 نەچچە ئۇيغۇر IT شىركەتلىرى رەسمىي قۇرۇلۇپ، يۇمشاق دېتال ئىشلەپ بازارغا يۈزلەندۈرۈپ بولغان ئىدى.

گەرچە Google ،腾讯، 京东 بىلەن تەرەققىيات پەرقىمىز غايەت زور بولسىمۇ، بۇ بىزنىڭ دۆتلىكىمىز ياكى سەۋەنلىكىمىز ئەمەس، بۇ يەردە نۇرغۇن سەۋەب بار، يەنە باشقىلار دېگەندەك ئۇيغۇر ئۇچۇر تېخنىكا خادىملىرى (يەنى IT چىلىرى)نىڭ ھالى خاراب، بۇ كەسپنىڭ ئىستىقبالى يوق دېگەن رەدىيەلەرنىمۇ ھازىرچە قوبۇل قىلالمايمىز، چۈنكى بىزنىڭ ۋاقتىمىز 30 يىلدىن بېرى تىل-يېزىقىمىز ئۈچۈن سەرپ بولدى. بىزنىڭمۇ ئەسلىدە نۇرغۇن ئىشلارنى قىلغۇمىز بار ئىدى، ئەمما ئۇيغۇر تىل-يېزىقى كومپيۇتېر، تېلېفون قاتارلىق ئۈسكۈنىلەردە، شۇنداقلا ئىنتېرنېتتا بىمالال، راۋان ھەل بولماي تۇرۇپ، ئويلىغانلىرىمىزنى قىلالماي قالدۇق.

ئەمما بىر-ئىككى يىلدىن بۇيان بىزنىڭ پىروگراممىچى بالىلار يامان چىقىپ كەتتى، UI لايىھەسىمۇ شۇنداق چىرايلىق، ئىقتىدارى كۈچلۈك يۇمشاق دېتاللار ۋە ئەپلەر مەيدانغا كېلىۋاتىدۇ، ھەتتا مىكروسوفت، ئالما شىركىتى ياساپ بولالمىغان ئەپلەرنىمۇ ياساۋاتقانلارنىڭ خەۋىرىنى ئاڭلاپ تۇرۇۋاتىمىز. شۇڭا مەن كومپيۇتېر ھەۋەسكارلىرى شىركىتى بىلەن ئەلكىن يۇمشاق دېتال شىركىتى ئويۇشتۇرغان بۇ قېتىمقى پىروگراممېرلار مۇكاپاتى مۇسابىقىسىگە قاتناشقان بولسام، نەتىجە ئالالماس ئىكەنمەن، شۇڭا قاتناشمىغىنىم بەك ياخشى بولۇپتۇ، لېكىن مۇكاپات پۇلى ياكى بويۇمى بەرمىگەنلىكىم يامان بولۇپتۇ.

يېقىندا تور دەرسخانىسى تەسىس قىلسام، مەن ئويلىغاندىنمۇ نەچچە ھەسسە يەنى 7000 ئوقۇغۇچى تىزىملاتتى. دېمەك بۇ ساھەگە قىزىقىدىغانلار يەنىلا كۆپ، پات يېقىندا تېخىمۇ كۆپ ئادەملەرگە يۇمشاق دېتال ياساشنى ھەقسىز ئۆگىتىمەن، ئەمما مۇشۇ كومپيۇتېر كەسپى بىلەن شۇغۇللىنىپ قالساڭلار شەنبە-يەكشەنبە ۋە باشقا دەم ئېلىشىڭلار بەك ئاز بولىدۇ، پەرزەنتىڭلار قىز بولىدۇ، ئەمما بىز يەنىلا بەختلىك، مەسىلەن: بىل گېيتىس، ھوشۇر ئىسلام، تۈرگۈن ئىبراھىم، مىرشات لېتىپ، غالىپ قۇربان، دىلشات ھېۋىزۇللا، ئالىم ئەھەت (ئۇيغۇرسوفت)، نىزامىدىن ۋاھاپ (نۇر تورى)، ئەمەتجان رۇسۇل (كومپيۇتېر ھەۋەسكارلىرى شىركىتى)،…دېگەنلەرنىڭ ھەممىسىنىڭ قىز بالىسى بار. ئەمما ئالماس شىركىتىنىڭ قۇرغۇچىسى تۇرسۇنجان قۇربان مۇئەللىمنىڭ ھەر ئىككى بالىسى ئوغۇل، مۇشۇنداق تۇرۇپ شىنجاڭنىڭ كۆچمە ئىنتېرنېت ئىشلىرىدا نۇرغۇن نەتىجىلەرنى ياراتتى، ناۋادا پەرزەنتىنىڭ بىرەرسى قىز بولغان بولسا، ئالماس شىركىتى 阿里巴巴، 腾讯 شىركەتلىرىنىڭ ئالدىغا ئۆتۈپ كېتەتتى. شۇڭا پىروگراممىچى بولىمەن دېگەنلەر ئىدىيە جەھەتتىن تەييارلىق كۆرۈڭلار. مۇشۇ چارشەنبە كۈنى يەنى 14-چېسلا ئۈرۈمچى ۋاقتى 8:00 دە دەرسنى باشلايمىز دەپ گەپنى تۈگەتتى ئالىم ئەھەت.
=======================================

ئەمەتجان رۇسۇل شىنجاڭ ئەلداۋا ساغلاملىق تورى بىلەن كومپيۇتېر ھەۋەسكارلىرى شىركىتى بىرلىشىپ ئىشلىگەن «ئەلداۋا ساغلاملىق» ئەپىنىڭ رەسمىي ئېلان قىلىنغانلىقىنى جاكارلىدى.

• يازما كۆرۈلۈشى: 4,783 قېتىم
• يوللانـغان ۋاقىت:2015-يىلى 10-ئاينىڭ 12-كۈنى am 8:37
• ئالدىنقى يازما :Order Essays On line Immediately
• كېيىنكى يازما :Brainwashing or the effectiveness of multimedia: the way they make our intellects.