<ئاقيول ئۇيغۇر تور بىكىتى سىزنى قارشى ئالىدۇ>

 yYUئاقيول تور بىكىتى

ئەنۋەر ئابلەتyYUئاقيول تور بىكىتى

 yYUئاقيول تور بىكىتى

ئېھ، ياشلىق! ئۆمۈر پەسىلدىكى خاسىيەتلىك باھارسەن، كۈيلەر قامۇسىدىكى ئوتلۇق ئەشئارسەن، مۇراد دەرىخى سەندە چېچەكلەر، ئارمان غۇنچىلىرى سەندە پورەكلەر، ھايات بوستانلىقى مېھرىڭدە كۆكلەر، ئىقبال مەنزىلىگە ۋىسال تۆكۈلەر، ھەر بىر قەدىمىڭگە بەخت يۈكۈنەر.yYUئاقيول تور بىكىتى

ئېھ، ياشلىق! تۇيغۇ ئاسمىنىدىكى نۇرلۇق چولپانسەن، كۆڭۈل ساھىلىدىكى سۈزۈك فونتانسەن، ئەقىل سەپىرىدىكى غالىب ئوغلانسەن، ۋىجدان يالقۇنجىغان ئۆچمەس گۈلخانسەن، مەۋجۇتلۇق تومۇرىدا ئوخچۇپ ئاققان قان، ھۆرمەت تەختىدە بۈيۈك سۇلتانسەن.yYUئاقيول تور بىكىتى

ئېھ، ياشلىق! شاماللار خىيالىڭدىن قانات ئالغان، بۇلاقلار مېھرىڭدىن ساۋاق ئالغان، دەريالار شوخلۇقىڭدىن ئۆرنەك ئالغان، نەۋ باھار خىسلىتىڭدىن سىن ئالغان، گۈل-چېچەكلەر ئارمان- تىلەكلىرىڭدىن رەڭ ئالغان، قۇشلار تىنىقىڭدىن ئىلھام ئالغان، تاغلار ئىرادەڭدىن سۈلكەت ئالغان، گۈزەللىك نىگاھىڭدىن قۇدرەت ئالغان.yYUئاقيول تور بىكىتى

ئېھ، ياشلىق، مېھنەت قۇچىقىڭدا تىكلەپ قەددىڭنى، ئىلىم دېڭىزىدىن سۈزۈپ بەختىڭنى، ئىجاد-ئىختىرادىن قۇرۇپ تەڭتىڭنى، جاپا-مۈشكۇلاتتا مەڭگۈ پۈكۈلمەي، ھايات يۈكىنى دەس كۆتۈرۈپ يەلكەڭدە، ئىجاد ھىممىتىدە قەددىڭنى ساقلاپ، مېھىر دالاسىدا بولۇپ زەر ئاپتاپ، سۆيگۈ-مۇھەببەتتە زۇنناردەك چاقناپ، ئىقبال مەنزىلىگە بارىڭنى ئاتاپ، ۋىسال دىلبىرىنى مەھكەم قۇچاقلاپ، ئەجىر-ئەقىدەڭدىن تاپقىن قۇد-مۇراد!yYUئاقيول تور بىكىتى

<ئاقيول ئۇيغۇر تور بىكىتى سىزنى قارشى ئالىدۇ>