بۇ كۈنلەردە خىروئىن بىلەن ساختا دورا بىر قىسىم كىشلەرنىڭ كۆڭۈل تۆرىنى تالىشىدىغان بۇلۇپ قالغان ئىدى.
راستىنى ئېيىتقاندا خىروئىن ساختا دورىغا بەكلا ھەسەت قىلىدىغان بۇلۇپ كەتتى.
بىر كۇنى خىروئىن ساختا دورىغا ئىچىنى تازا بوشۇتۇپ ئۇنىڭ شۇنچە بازار تېپىپ كىتىشدىكى سىرىنى بىلمەكچى بۇلۇپ ئونى چاي سۆھبىتىگە چاقىردى.
خىروئىن ساختا دورىنىڭ ئالدىدا ئۆزىنى بىر كۆرسۈتۈپ قۇيۇش كويىدا مول داستىخان ھازىرلىدى.
ساختا دورا خىروئىننىڭ داستىخىنىغا ئۆز ۋاقتىدا داخىل بولدى.
ئۇ بەكلا سالاپەتلىك ھەم تەكەببۇر بۇلۇب كەتكەن ئىدى.
ـ دوستۇم ساختا دورا ئېيتىپ باققىنە، بىز بىر يولدىكى دوستمۇ ئەمەسمۇ؟
-ھەر ئىككىلىمىز ئىنسانىيەتكە زور زىيان سالىدىغان، ئۇلارنىڭ قىسقىغىنە ھەم قىممەتلىك ھاياتىنى ناھايتى تېز نابۇت قىلىدىغان مەلئۇن بىز- دېدى ساختا دورا جاۋابەن.
-سوزلىرىڭ ئورۇنلۇق دوستۇم، ھەر ئىككىلىمىز ئىنسانىيەتنىڭ رەزىل دۈشمىنى.ئەمما مەن بەزىدە شۇنچىۋالا بازار تېپىپ كىتىۋاتقانىڭغا قاراپ ساڭا ھەسەت قىلىپمۇ قۇيىمەن.
بۇ دېگەن ھازىرقى زامان تىلى بۇيىچە «رىقابەت» دىيىلىدۇ.
ئېيتىپ باققىنە، سىنىڭ نىمە سىرىلىرىڭ بار؟ - دېدى خىروئن ساختا دورىغا ئسىل شاراپنى رومكىغا بېلىق كۆزى قۇيغاچ.
-دوستۇم ساڭا ئېيتىپ بېرەي،
مېنىڭ ئىگىلىرىم ھېساپلىنىدىغان ئاشۇ بىر قىسىم كىشلەر خۇددى سېنىڭ ئىگىلىرىڭگە ئوخشاشلا رەزىللىكتە ئۇچچىغا چىققان بولغاچقا ئۇلاردا ۋىجدان،ئىنساب، دىيانەت نىمە ئىش قىلسۇن؟ شۇڭلاشقا ئىگىلىرىم مېنى ھەرقايسى مىدىيە بولۇپمۇ رادىئو-تېلېۋىزىيە ئارقىلىق بۇلۇشىغا كۆپتۈرۈپ ماختايدۇ.ئۇنداق پايدا قىلىدۇ - يەي، بۇنداق تۈپ يىلتىزىدىن ساقايتىدۇ - يەي، دەپ كۈندە نەچچە قېتىملاپ ئېلان قىلىۋەرگەچكە ماڭا خېلى كۆپ ساندىكى كىشلەر ئىشىنىدىغان بولۇپ كەتتى......
ساختا دورا بەكلا مەنمەنچى، سۆزمەن بولغاچقا سۆزدىن توختايدىغاندەك ئەمەس ئىدى.
-ساڭا دېسەم دوستۇم،
بىزنىڭ بازار تېپىشىمىز ئىگىلىرىمىزنىڭ ھىلىگەر، قۇۋلۇقىغا، چىرايلىق گەپ بىلەن ئېيىتقاندا ئەقىل-پاراسىتىگە باغلىق. مېنى ئۇچۇقتىن- ئۇچۇق ماختاپ ساتىدۇ، سېنى بۇلۇڭ- پۇشقاقتا ساتىدۇ. شۇڭا ھازىر مېنىڭ ئىگەمگە يەتكۈزىدىغان ھارام پايدام سىنىڭ يەتكۈزدىغان ھارام پايداڭدىن كۆپ ئېشىپ كەتتى. بۇ گەپلەرنى مەن ئۆزۈمچە دەۋالمىدىم، مەن بۇنى ئىگەمدىن كۆپ ئاڭلىغان.
ماڭا ئىشىنىپ راست گىپىڭنى ئىيىتقىنىڭغا رەھمەت-دېدى خىروئىن ھەرخىل مەزەلەر بىلەن تۇيۇپ كەتكەن قورساقلىرىنى سىلىغاچ.
- بەزى ئىنسانلار ھەقىقەتەنمۇ بەك نادان، مەنمۇ قايسى مىللەتتە نادانلىق ئەۋج ئالسا شۇ توپ ئىچىدە بەكلا بازار تاپىمەن. مېنى ئىستىمال قىلىدىغانلارنىڭ ئىچىدە يېشى كىچىكلەرمۇ مەلۇم نىسبەتنى ئىگىللەيدۇ. مەن ئۇلارنى ئۇ دۇنياغا بالدۇرراق ئۇزىتىۋېتىش بىلەن ئالدىراشلا يۈرۈيمەن.
-مەنمۇ شۇ – دەپ سۆزىنى داۋام قىلدى ساختا دورا،گەرچە نۆۋەتتە تىببىي ئىلىم زور دەرىجىدە تەرەققى قىلغان بولسىمۇ، ئەمما ئايرىم كىشىلەرنىڭ ھاماقەتلىكى تۈپەيلى مەنمۇ بازىرى ئىتتىك مەھسۇلاتقا ئايلاندىم. جەمئىيەت ماڭا زەربە بېرىۋاتقان بولسىمۇ مېنىڭ ئىگىلىرىم تۈرلۈك قانۇنسىز يوللار بىلەن مېنى يەنىلا كەڭ كۆلەمدە سېتىپ چىقىرىپ كېسەل داۋالاش تۈگۈل تېخىمۇ ئېغىر، غەلىتە كېسەللىكلەرنى پەيدا قىلماقتا. بىز ھازىر رەزىللىكتە رېكورت ياراتتۇق دىسەكمۇ ئارتۇق كەتمەيدۇ. قىسقىسى ھەر ئىككىلىمىز ئىنسانىيەتكە ئاپەت ھېساپلىنىمىز .شۇڭا ئىنسانلار بىزگە ھەر ۋاقىت غەزەپ-نەپرەت بىلەن مۇئامىلە قىلىپ بىزنى يوقۇتۇشقا تىرىشماقتا.
-جان جىگەر دوستۇم سەن ھاراقنى جىق ئىچىۋالدىڭ، سەن بۈگۈن مېنىڭ يېنىمدا قۇنۇپ قالغىن، بىز كېچىچە ئىگىلىرىمىزگە ئۆمۈر بۇيى سادىق بۇلۇش، ئىنسانىيەتكە قاقشاتقۇچ زەربە بىرىشنىڭ يېڭىدىن- يېڭى پىلانلىرىنى تۈزۈپ چىقايلى- دېدى كەيپى چاغ بولغان خىروئىن.ئۇلارنىڭ كۆڭۈللۈك سۆھبەتلىرى تېخى ئاخىرلىشىدىغاندەك قىلمايتتى. (بايىنغولىن رادىيو-تېلېۋىزىيە ئىستانسىسىدىن تۇرسۇنجان ئابدۇرېھىم)
ئەرلەر دەستۇرى
قىزلار ئالما ئەمەس، بىر چىشلەپ تاشلايدىغان
ئەرلەر نىمىشقا باشقا ئاياللارغا قاراشقا ئامراق
تۇرمۇش ۋە ئايال
مۇھەببەت قارشى تەرەپكە ئازابلىنىش ھوقۇقىنى ئاتا قىلىشمۇ
ئەركەكلىكىنىڭ ئۆلچىمى
تۇغۇلغان كۈن - ئانىڭىزنىڭ سىزنى تۇغقان كۈنىدۇر
ياخشى ئايال ـــ تالانتلىق ئۇستاز
بەختىڭىزنى تاشقى پلانېتتىن ئىزدەپ يۈرمەڭ
قىز-ئاياللارنىڭ تەربىيەلىك بولۇشىغا سەل قارىماڭ
