دارىلتامدا چوڭ بولغان بىر بالا دائىم دارىلتام باشلىقىدىن سورايدىكەن:
ـــ مەندەك ھېچكىمگە كېرىكى بولمايدىغان بالىنىڭ ياشىشىنىڭ نېمە ئەھمىيىتى بولسۇن؟
دارىلتام باشلىقى ھەمىشە كۈلۈپلا قويۇپ جاۋاب بەرمەيدىكەن.
بىر كۈنى دارىلتام باشلىقى ھېلىقى بالىغا بىر تاشنى بېرىپتۇ:
ـــ ئەتە ئەتىگەن بۇ تاشنى شەھەرگە ساتقىلى ئاپارغىن. بىراق، ھەقىقىي ساتمايسەن، ئېسىڭدە بولسۇن، كىشىلەر مەيلى قانچە پۇل باھا قويسۇن، ھەرگىز ساتما!
ئەتىسى بالا ھېلىقى تاشنى تۇتۇپ بازارنىڭ بىر چېتىدە ئولتۇرغانىكەن. كۈتۈلمىگەندە نۇرغۇنلىغان ئادەم ئۇنىڭ قولىدىكى تاشنى كۆرۈپ قىزىقىپ قاپتۇ ۋە خېلىلا يۇقىرى باھا قويۇپتۇ. دارىلتامغا كەلگەندە بالا ناھايىتى خۇشاللىق بىلەن ئەھۋالنى دارىلتام باشلىقىغا ئېيتقانىكەن، ئۇ كۈلۈپ كېتىپتۇ ۋە بالىغا ھېلىقى تاشنى ئەتە ئالتۇن بازىرىغا ئاپىرىپ سېتىشنى تاپىلاپتۇ. ئالتۇن بازىرىدا بەزىلەر بۇ تاشنى تۈنۈگۈنكىدىنمۇ ئون ھەسسە يۇقىرى باھادا سېتىۋالماقچى بولۇشۇپتۇ.
ئاخىرى دارىلتام باشلىقى بالىغا بۇ تاشنى ئۈنچە-مەرۋايىت بازىرىدىكى يەرمەنكىگە ئېلىپ بېرىشنى تاپىلاپتۇ.نەتىجىدە تاشنىڭ باھاسى يەنە ئون ھەسسە ئۆرلىگەن بولسىمۇ، بالا تاشنى قەتئى ساتماپتۇ ۋە بۇ تاش يەرمەنكدە «نادىر گۆھەر» بولۇپ باھالىنىپتۇ.
بالا قىن-قىنىغا پاتماستىن تاشنى كۆتۈرۈپ دارىلتامغا كەپتۇ ۋە دارىلتام باشلىقىدىن نېمىشقا مۇنداق بولىدىغانلىقىنى سوراپتۇ. بۇ چاغدا دارىلتام باشلىقى كۈلمەپتۇ، ئەكسىچە بالىغا ئالدىرىماي چۈشەندۈرۈپتۇ:
ـــ ھاياتلىقنىڭ قىممىتى مۇشۇ تاشقا ئوخشايدۇ. ئوخشىمىغان مۇھىتتا ئوخشىمىغان مەنىگە ئېگە بولىدۇ. ھېچكىمنىڭ نەزىرى چۈشمەيدىغان بىر تال تاش سېنىڭ قەدىرلىشىڭگە ئېرىشىپ قىممىتى ئېشىپ نادىر گۆھەرگە ئايلاندى. سەن بۇ تاشقا ئوخشىمامسەن؟ پەقەت ئادەم ئۆزىنى دەڭسىيەلىگەندىلا، ئۆزىنى قەدىرلىيەلىگەندىلا ئاندىن ھاياتىنىڭ مەنىسى ۋە قىممىتى بولىدۇ.
<ئاقيول ئۇيغۇر تور بىكىتى سىزنى قارشى ئالىدۇ>
ئەرلەر دەستۇرى
قىزلار ئالما ئەمەس، بىر چىشلەپ تاشلايدىغان
ئەرلەر نىمىشقا باشقا ئاياللارغا قاراشقا ئامراق
تۇرمۇش ۋە ئايال
مۇھەببەت قارشى تەرەپكە ئازابلىنىش ھوقۇقىنى ئاتا قىلىشمۇ
ئەركەكلىكىنىڭ ئۆلچىمى
تۇغۇلغان كۈن - ئانىڭىزنىڭ سىزنى تۇغقان كۈنىدۇر
ياخشى ئايال ـــ تالانتلىق ئۇستاز
بەختىڭىزنى تاشقى پلانېتتىن ئىزدەپ يۈرمەڭ
قىز-ئاياللارنىڭ تەربىيەلىك بولۇشىغا سەل قارىماڭ
