ئاكا، ماڭا تۈزۈكرەك يىگىتتىن بىرنى تونۇشتۇرمامسىز، - دېدى نەۋرە سىڭلىم مىساكى ئاغرىنىپ.
بىر ھەپتىنىڭ ئالدىدا دوستۇم يامازاكى جۇنىچىنى ئۇنىڭغا تونۇشتۇرۇپ قويغانىدىم. نەۋرە سىڭلىم خىيالىدا بالدۇرراق توي قىلىۋالسام، تويدىن كېيىن دۆلەتمەن خانىم بولۇپ ياشىسام دەپ ئويلايتتى.
ـشۇنداقمۇ؟ ئاغىنەم بولمامدىكەن؟
ـ بولدى قىلىڭە،ـ دېدى مىساكى ئاناردەك قىزىل لەۋلىرىنى پۈرۈشتۈرۈپ، بىرگە تاماق يېگەنىدۇق، پارىڭىمىز پەقەت بىر يەردىن چىقمىدى.
ـ يامازاكى كەم سۆزرەك.
ـ ئۇنى كەم سۆز دېگەندىن كۆرە، غەمكىن ئادەم دېگەن تۈزۈككەن.
ـ ئەمما ئۇ ناھايىتى سەمىمىي، ـدېدىم چۈشەندۈرۈپ، ئۇ ياۋاش ھەم ئاق كۆڭۈل. ئۇنىڭ ئانىسى بالدۇر قازا قىلىپ كەتكەچكە، دادىسى بىلەنلا تۇرمۇش كەچۈرۈپ مۇشۇنداق بولۇپ قالغان بولسا كېرەك.
ـ مەيلى نېمىلا دېمەڭ، ئۇ بەك سۆرۈن تەلەت ئادەمكەن. دائىم تاللا بازىرىدا باھاسى چۈشۈرۈلگەن كىيىملەرنى كىيىۋالىدىكەن،ـ دېدى مىساكى چىرايىنى پۈرۈشتۈرۈپ، مەن ئۇنداق پۇلى يوق قەلەندەرنى ياقتۇرمايمەن، بۇنداق ئادەم بىلەن توي قىلسام ئۆمۈر بويى جاپا تارتىدىغان گەپ، بۇ نېمە دېگەن بىچارىلىك – ھە. شۇڭا مەن پۇلدار، مەرتىۋىلىك ئەرلەرنى ياخشى كۆرىمەن.
ـ كىم دەيدۇ يامازاكىنى نامرات دەپ؟
ـ ئەجىبا ئۇنداق ئەمەسما؟
ـ ئۇلار ناھايىتى پۇلدار، دادىسى چوڭ بىر شىركەتنىڭ دىرېكتورى! ئۇلارنىڭ ئۆيى سېتېگيا رايونىنىڭ ئەڭ ئاۋات جايىدا. ئۆيىدە نەچچە خىزمەتچىسى بار.
ـ شۇنداقمۇ تېخى؟ مىساكىنىڭ كۆزلىرىدىن ئوت چاقناپ كەتتى.
ـ پۇلدارلار قانچە بېيىغانسېرى شۇنچە ئاددىي يۈرىدۇ.
ـ بۇنى نېمىشقا بالدۇرراق دېمەيسىز؟ سېتېگيادا كاتتا سارايلىرى بار دەڭ، ـدېدى مىساكى كۆرەڭلىك بىلەن.
ـ بىر نەچچە ئايدىن كېيىن يامازاكى جۇنىچىنى ئۇچرىتىپ قالدىم.
ـ بۇرادەر، مىساكى بىلەن كۆرۈشۈپ تۇرۇۋاتامسەن؟
ـ ھەئە، ئانچە – مۇنچە، ـدېدى يامازاكى پەرۋاسىز ھالدا، ئۇ يەنىلا روھسىز كۆرۈنەتتى.
ـ ئۇنداقتا ئىشلار قانداقراق؟
ـ ئۇ ھەر كۈنى ئۆيىمىزگە كېلىدۇ، ھەپتە ئاخىرىدا قونۇپمۇ قالىدۇ.
ـ ھە، ئىشلار ياخشى يۈرۈشۈپتىغۇ! ئۇنداقتا پات ئارىدا توي قىلىدىكەنسىلەردە؟
ـ بەلكىم.
ـ بۇ نېمە دېگىنىڭ؟ ئۆزۈڭنىڭ ئىشى تۇرسا ئېرەن قىلمايسەنغۇ؟
ـ خۇشال ئەمەس، غەلىتە بولۇپ قالدىم، ـدېدى يامازاكى ئۇلۇغ كىچىك تىنىپ، مەندىن كىچىك تۇرۇپ ماڭا ئۆگەي ئانا بولىدىغان بولدى!
كونا ئورۇندۇق(ھېكايە)
ئەرلەر دەستۇرى
قىزلار ئالما ئەمەس، بىر چىشلەپ تاشلايدىغان
ئەرلەر نىمىشقا باشقا ئاياللارغا قاراشقا ئامراق
تۇرمۇش ۋە ئايال
مۇھەببەت قارشى تەرەپكە ئازابلىنىش ھوقۇقىنى ئاتا قىلىشمۇ
ئەركەكلىكىنىڭ ئۆلچىمى
تۇغۇلغان كۈن - ئانىڭىزنىڭ سىزنى تۇغقان كۈنىدۇر
ياخشى ئايال ـــ تالانتلىق ئۇستاز
بەختىڭىزنى تاشقى پلانېتتىن ئىزدەپ يۈرمەڭكونا ئورۇندۇق(ھېكايە)
بالىلار شئېرى تېپىشماقلىرى (ئابدۇۋايىت ئابلىز )ئەرلەر دەستۇرىقىزلار ئالما ئەمەس، بىر چىشلەپ تاشلايدىغانئەرلەر نىمىشقا باشقا ئاياللارغا قاراشقا ئامراقتۇرمۇش ۋە ئايالمۇھەببەت قارشى تەرەپكە ئازابلىنىش ھوقۇقىنى ئاتا قىلىشمۇئەركەكلىكىنىڭ ئۆلچىمىتۇغۇلغان كۈن - ئانىڭىزنىڭ سىزنى تۇغقان كۈنىدۇرياخشى ئايال ـــ تالانتلىق ئۇستاز
