20-چىسلادىن باشلاپ شىنجاڭدا يېڭىدىن قۇرۇلغان ئىككى تېز سۈرئەتلىك تاشيول G3012 لىنىيىسى كۇچادىن ئاقسۇغىچە بولغان تاشيول بىلەن قەشقەردىن قاغىلىققىچە بولغان تاشيولدىكى ھەق ئېلىش پونكىتى ھەق ئېلىشقا باشلايدۇ ، ھەق ئېلىش مۇددىتى 20 يىل قىلىپ بېكىتىلدى. ھەرقايسى ھەق ئېلىش پونكىتىلىرىنىڭ ھەق ئېلىش ئۆلچىمىمۇ بېكىتىپ بولدى ، يۈك ماشىنىسى ماشىنا تىپلىرىغا قاراپ ئېلىنىدۇ.

15-چىسلا ئاپتونوم رايونلۇق يول باشقۇرۇش ئىدارىسىنىڭ چىقارغان ئۇقتۇرىشىدا،كۇچا-ئاقسۇ تېز سۈرئەتلىك تاشيولى ئاپتونوم رايونلۇق خەلق ھۆكۈمىتى تەرىپىدىن تەستىقلانغان، قەرز ئېلىش ئۇسۇلى ئارقىلىق ھەق ئېلىش تاشيولى ئومۇمىي ئۇزۇنلىقى 259.991 كىلومىتىر. ئاقسۇدىن ئۆتىدىغان يول بۆلىكى 33 كىلومىتىر بولۇشتىن سىرت، باشقا يول بۆلەكلىرىدە ئېتىۋىتىلگەن ھەق ئېلىش ئۇسۇلى قوللىنىلغان بولۇپ جەمئىي 11 ھەق ئېلىش پونكىتى بار.

مۇخبىر ئاقسۇ شەھەرلىك تاشيول باشقۇرۇش ئىدارىسىدىن ئىگىلىشىچە، كۇچا-ئاقسۇ تېز سۈرئەتلىك تاشيولىغا 11 ھەق ئېلىش پونكىتى قويۇلغان. بۇنىڭ ئارىسىدا، يول بۆلىكىنىڭ ئىككى تەرىپىگە شىڭخا ۋە ئاقسۇ ئاساسىي لىنىيە ھەق ئېلىش پونكىتى قويۇلغان، قالغان تاشيول بۆلىكىگە سەرقىي شىڭخا، شىڭخا، غەربىي شىڭخا، يېڭى مەھەللە، 5-تۈەن، ئونسۇ سانائەت باغچىسى، ئونسۇ قاتارلىق توققۇز ھەق ئېلىش پونكىتى قۇردى، يول بويىدا تۆت مۇلازىمەت رايونى بار.

G3012 لىنىيىسىنىڭ قەشقەردىن قاغىلىققىچە بولغان تېز سۈرئەتلىك تاشيولىمۇ ئاپتونوم رايونلۇق خەلق ھۆكۈمىتى تەرىپىدىن تەستىقلانغان، قەرز ئېلىش ئارقىلىق ياسالغان يول بولۇپ ئومۇمىي ئۇزۇنلىقى 230.26 كىلومىتىر . ئومۇمىي لىنىيىدە جەمئىي ئۈچ ئاساسلىق ھەق ئېلىش پونكىتى تازغۇن ھەق ئېلىش پونكىتى، يېڭىسار ھەق ئېلىش پونكىتى، قاغىلىق ھەق ئېلىش پونكىتى بار ، يول بويىدا ئىككى مۇلازىمەت رايونى پوسكام مۇلازىمەت رايونى بىلەن خېيزى مۇلازىمەت رايونى بار.

يېڭىدىن ھەق ئېلىش ئۆلچىمىگە ئاساسەن، قەشقەردىن قاغىلىققىچە كىچىك ماشىنىلارغا 60 يۈەن ، كۇچادىن ئاقسۇغىچە بولغان ئارىلىققا 71 يۈەن ئېلىنىدۇ.

تونۇشتۇرىلىشىچە، گوۋۇيۈەننىڭ « ھەق ئېلىش ئۆلچىمى» گە ئاساسەن، ھەربىي ماشىنا، قوراللىق قىسىمنىڭ ماشىنىسى، ج خ ئورگىنىنىلىرىنىڭ ماشىنىلىرى، چارلاش ماشىنىلىرى، ئاپتونوم رايون ئورۇنلاشتۇرغان ئاپەتتىن قۇتقۇزۇش ماشىنىلىرى قاتارلىق ماشىنىلاردىن باشقىلىرىدىن ئۆلچەم بويىچە ھەق ئېلىنىدۇ.

ئېنىقلىنىشىچە، كۇچادىن ئاقسۇغىچە بولغان تېز سۈرئەتلىك تاشيول 12-ئاينىڭ 9-كۈنىدىن باشلاپ رەسمىي ئېچىلىدىكەن. بۇ تېز سۈرئەتلىك تاشيول ئېچىلغاندىن كېيىن كۇچادىن ئاقسۇغىچە بولغان ۋاقىت 4 سائەتتىن 2 سائەتكە قىسقىرايدىكەن. قەشقەردىن قاغىلىققىچە بولغان تېز سۈرئەتلىك تاشيولنىڭ باشلىنىشى كونىشەھەر بولۇپ ئاخىرلىشىشى قاغىلىق ئىكەن ، قەشقەردىن ئۆتىدىكەن، بۇ يول 2-ئايدا ئېچىلىدىكەن.

بۇ يول بۆلىكى ئېچىلغاندىن كېيىن قەشقەر، خوتەننىڭ ئىقتىسادىنىڭ ئارقىدا قېلىشىنىڭ ئالدىنى ئالغىلى ، ئىقتىسادنى ئىلگىرى سۈرۈشكە پايدىلىق.