12-ئاينىڭ 29-كۈنى چۈشتىن بۇرۇن ئۆلكە تۇز ئىشلىرى ئىدارىسى لەنجو شۆبىسى يۈچىكۇ دىكى مەلۇم بىر كالا گۆشى ئۈگرىسى ئاشخانىسىدىن 100 كىلوگرام سانائەت تۇزىنى قولغا چۈشۈرگەن.
ئاشخانا خوجايىنى تەكشۈرگۈچىلەرگە بۇ تۇزنى كالا بېقىش ئۈچۈن ئىشلىتىمىز دەپ جازالىنىشتىن ئۆزىنى قاچۇرماقچى بولغان . قانۇن ئىجراچىلىرى بۇ ئاشخانىغا 2000 يۈەن جەرىمانە قويۇپ،بارلىق سانائەت تۇزلىرىنى مۇسادىرە قىلغان.
            تۈنۈگۈن چۈشتىن بۇرۇن سائەت 9دىن ئاشقاندا ئۆلكە تۇز ئىشلىرى ئىدارىسى لەنجو شۆبىسى يۈچىكۇ دىكى "لەنجۇ پېڭخۇي كالا گۆشى ئۈگرىسى ئاشخانىسى"نى تەكشۈرگەندە،ئىسكىلاتتىن ھەربىرىگە 50 كىلوگرامدىن قاچىلانغان ئىككى قاپ سانائەت تۇزىنى بايقايدۇ. ئېغزى ئېچىلغان بىر قاپنىڭ يېنىدا يەنە ئىشلىتىلىپ بولغان ئىككى قۇرۇق قاپ تۇراتتى. پۈتۈن ئاشخانىنى تەكشۈرگەندە پەقەت 2.5 كىلوگراملىق 5 خالتىلا تۇز ئېشىپ قالغان ئىدى.
قاپنىڭ ئۈستىدە " سانائەت تۇزى،ئىستېمال قىلىش مەنىي قىلىنىدۇ"دېگەن ئەسكەرتمە ئېنىق كۆزگە چېلىقىپ تۇراتتى.
خوجايىن ئايال تەكشۈرگۈچىلەرگە- بۇ تۇزنى كالا بېقىشقا ئىشلەتمەكچى،نەچچە كۈن ئىلگىرى بىرەيلەن ئىشىك ئالدىغا ساتقىلى ئىلىپ كەپتىكەن ئاشپەزلەر ئەرزان دەپ سېتىۋېلىپتۇ ،ئۆيگە ئاپىرۋېتىشكە ئۈلگۈرمەي ۋاقتىنچە ئىسكىلاتقا قۇيۇپ قويغان–دەپ ئۆزىنى قاچۇرۇشقا ئۇرۇنىدۇ،لېكىن تەكشۈرگۈچىلەرنىڭ ھېلىقى قۇرۇقدىلىپ قالغان قاپلارنىڭ سەۋەبىنى سورىغان سوئالغا جاۋاب بېرەلمەي تۇرۇپ قالىدۇ.
ئاقىۋەت قانۇن ئىجراچى خادىملار ئاشخانىغا 2000 يۈەن جەرىمانە قويۇپ،ئېشىپ قالغان تۇزلارنى مۇسادىرە قىلىدۇ ھەم تەنقىد تەربىيە بېرىدۇ.خوجايىن ئايال قىلمىشىغا توۋا قىلىپ ئۆزىنىڭ بۇندىن كىيىن سانائەت تۇزىنى ئىشلەتمەيدىغانلىقى ھەققىدە ۋەدە بېرىدۇ.