ئاقيول تورىنىڭ خەۋىرى:
شىنجاڭ مەركىزىي شەھەر گېزىتى خەۋىرى . 12-ئاينىڭ 13-كۈنى ، شىنجاڭ مەركىزىي شەھەر گېزىتى مۇخبىرىنىڭ ئۈرۈمچى تۆمۈر يول ئىدارىسىدىن ئىگىلىشىچە ، لەنجۇ-شىنجاڭ تۆمۈر يولى شىنجاڭ بۆلۈكىنى ئېلېكتىرلەشتۈرۈپ ئۆزگەرتىش قۇرۇلۇشى ئاللىقاچان تاماملانغان بولۇپ ، يىل ئاخىرىدا پۈتۈن لىنىيەدە توشۇش تىجارىتى ئەسلىگە كەلتۈرۈلىدىكەن .
ئىگىلىنىشچە ، 12-ئاي كىرگەندىن بۇيان ، شىنجاڭ بېكەتلىرىدىكى ھەرقايسى بۆلەكلەردە مەخسۇس يولۇچىلار پويىزىنىڭ پۈتۈن لىنىيەلىك سوغۇقتىن سىيرىلىش سىنىقى تەكشۈرۈشى ئېلىپ بېرىلغان بولۇپ ، سىناق ئاخىرلاشقاندىن كېيىن ، يەنە ئايرىم -ئايرىم ھالدا ئىسسىقتىن سىيرىلىش سىنىقى ۋە ئېلېكتىر گېنىراتورىنىڭ يۈك بېسىش سىنىقى ئېلىپ بېرىلىدىكەن ، ھەمدە يىل ئاخىرىدا لەنجۇ -شىنجاڭ ئېلېكتىرلەشكەن تۆمۈر يولىدا پىلاندىكى سۈرئەت بويىچە توشۇش خىزمىتى باشلىنىدىكەن .
ئۆزگەرتىلگەندىن كېيىنكى لەنجۇ-شىنجاڭ تۆمۈر يولى يولۇچى توشۇش بىلەن يۈك توشۇشقا تەڭ ئېتىبار بېرىدىغان تۆمۈر يول لىنىيەسى قىلىپ ئۆزگەرتىلگەن ئىكەن . پۈتۈنلەي توشۇلۇشقا كىرىشتۈرۈلگەندىن كېيىن ، ھازىرقى لىنىيە تېخنىكا ئۆلچىمى تۆۋەن بولۇش ، توشۇش ئىقتىدارى كەمچىل بولۇشتەك ئەھۋاللار تۈپتىن ئۆزگەرتىلىدىكەن ، يولۇچىلار پويىزىنىڭ توشۇش سۈرئىتى ئاشۇرۇلىدىكەن ، يۈك توشۇش ئىقتىدارىمۇ كۈچىيىدىكەن .
