قىستۇرما ماتىرىيال رەسىم

ئاسىيا كىندىكى تورى خەۋىرى : يېقىندا ، شىنجاڭدا ئارقا - ئارقىدىن ئېغىر ، بىر قەدەر ئېغىر قاتناش ھادىسىسى يۈز بېرىپ 14 ئادەم ئۆلۈپ ، بەش ئادەم يارىلانغان . شىنجاڭ ئۇيغۇر ئاپتونوم رايونلۇق بىخەتەرلىك  كومىتېتى ئىشخانىسى ھەر قايسى جايلارھەر قايسى تارماقلار ۋە ھەر قايسى ئورۇنلاردىن قاتناش بىخەتەرلىك چوڭ تەكشۈرۈش خىزمىتىنى قانات يايدۇرۇشنى ئورۇنلاشتۇرۇپ ، پەۋقۇلئاددە ئېغىر يول قاتناش ۋەقەلىرى يۈز بېرىشنىڭ ئالدىنى ئېلىشنى تەلەپ قىلدى .

19 - سېنتەبىر ئاپتونوم رايونلۇق بىخەتەرلىك كومىتېتى ئىشخانىسى چىقارغان ئومۇمى ئۇقتۇرۇشتا ، 24 - ئاۋغۇست سائەت 17 دىن 55 مىنۇت ئۆتكەندە قەشقەر ۋىلايىتىنىڭ يوپۇرغا ناھىيىسىدىكى 315 - دۆلەت تاشيولىنىڭ 85 كىلومېتىرلىق بۆلىكىدىكى 150 ئورۇندا بىر قېتىملىق قاتناش ھادىسىسى يۈز بېرىپ تۆت ئادەم ئۆلۈپ ، ئۈچ ئادەم يارىلانغان . 25 - ئاۋغۇست سائەت 7 دىن 49 مىنۇتلار ئەتراپىدا بورتالا شەھىرىنىڭ چڭدالا ھەق ئېلىش پونكىتىدا بىر قېتىملىق قاتناش ھادىسىسى يۈز بېرىپ بەش ئادەم ئۆلۈپ ، ئىككى ئادەم يارىلانغان . 25 - ئاۋغۇست سائەت 17 لەر ئەتراپىدا ئاقسۇ شەھىرى تەۋەلىكىدىكى لىق قۇم-شېغىل بېسىلغان بىر ئېغىر تىپتىكى يۈك ئاپتوموبىلى يانچە ئۆرۈلۈپ كېتىپ بىر كىچىك ماشىنىنى قۇم-شېغىلغا كۆمۈۋەتكەن ، شۇنداقلا كىچىك ماشىنىدىكى بەش ئادەمنىڭ ھەممىسىنىڭ نەق مەيداندا ئۆلۈشىنى كەلتۈرۈپ چىقارغان .

شىنجاڭ ئۇيغۇر ئاپتونوم رايونلۇق بىخەتەرلىك كومىتېتى ئىشخانىسىنىڭ مۇناسىۋەتلىك مەسئۇل خادىم يۇقىرىقى ھادىسىلەردىن شۇنى كۆرۈۋېلىشقا بولىدۇكى شوپۇرلارنىڭ سۈرئەتنى چەكتىن ئاشۇرۇپ ھەيدەش ، چارچاپ ماشىنا ھەيدەش قاتارلىق قاتناشقا خىلاپلىق قىلىش مەسىلىلىرى ساقلانغان ، بۇ خىل قىلمىشلارنىڭ مەۋجۇت بولۇشى بىر قىسىم ئوبلاست ، شەھەرلەر ۋە مۇناسىۋەتلىك تارماقلارنىڭ يول قاتناش بىخەتەرلىك باشقۇرۇش  شۇنداقلا شوپۇرلارنىڭ كۈندىلىك بىخەتەرلىك تەربىيىسى قاتارلىق جەھەتلەردە روشەن ھالقىلىق مەسىلىلەر ساقلانغانلىقى ئايان بولغان دېدى . بىخەتەرلىك كومىتېتى ھەر قايسى جايلاردىن ترانسپورت كارخانىلىرىغا قارىتا بىخەتەرلىك تەكشۈرۈش خىزمىتىنى قانات يايدۇرۇشقا تەشكىللەشنى تەلەپ قىلغان . كېچىدە يول يۈرۈش شەرتىگە توشمىغان يول بۆلەكلىرىدە ، ترانسپورت باشقۇرۇش ئورۇنلىرى كېچىدە يول يۈرىدىغان يولۇچىلار توشۇش لىنىيىسىدە يول يۈرۈشكە تەستىقلاپ بېرىلمەيدىكەن .

بۇنىڭدىن باشقا يول بىخەتەرلىك قاتناش ھادىسىسى جاۋابكارلىقى قاتتىق سۈرۈشتە قىلىنىدىكەن ، ساقلانغان مەسىلىلەرنى ئۈزۈل كېسىل تەكشۈرۈپ خەۋپنى تۈگەتمىگەن بولسا ، قاتناش ھادىسىسى مۇداپىئە كونترول قىلىش خىزمەت لاھىيسىنى ئەمەلىيلەشتۈرمىگەن بولسا ئۆزگەرتىپ تۈزىتىش بۇيرۇقى بېرىلىدىكەن . مۇناسىۋەتلىك خىزمەتنىڭ تەلىپى بويىچە خىزمەتلەرنى ئەستايىدىللىق بىلەن ئەمەلىيلەشتۈرمەي ، ئېغىر بىخەتەر ئىشلەپچىقىرىش مەسئۇلىيەت ھادىسىسى پەيدا قىلغانلار بولسا ، ھادىسە سادىر قىلغان ئورۇن ۋە شەخسلەرنىڭ جاۋابكارلىقى قاتتىق سۈرۈشتە قىلىنىپ ، ئەڭ يۇقىرى چەكتە جەرىمانە قويۇلىدىكەن .