ئاقيول تورىنىڭ خەۋىرى:
شىنخۇا تورى شىۋىتسارىيە داۋوس 28-يانۋار تېلگراممىسى دۇنيا بانكىسىنىڭ باشلىقى زوئىلىك28-يانۋار داۋوس دۇنيا ئىقتىساد مۇنبىرىنىڭ يىللىق يىغىنىدا مۇنداق دېدى: ئىقتىسادى كىرىزىس دۇنيا ۋەزىيىتىدە ئۆزگۈرۈش پەيدا قىلدى. كىرىزىسكە دۇچ كەلگەندە يېڭىدىن گۈللەنگەن ئىقتىسادى گەۋدىلەر قايتا ئامېرىكا، ياۋروپا ۋە ياپونىيە قاتارلىق تەرەققى قىلغان ئىقتىسادى گەۋدىلەردىن ھەل قىلىش چارىسى ئىزدىمىدى.
شۇ كۈنى زوئىلىك بىر مەيدان «2012-يىللىق يەرشارى ئىقتىسادىغا نەزەر»ناملىق مۇھاكىمە يىغىنىغا قاتناشتى. ئۇ :«كەلگۈسى بىر نەچچە يىللىق ۋەزىيەت قانداق تەرەققى قىلسۇن، كىرىزىستىن ئىلگىرىكى دۇنيا ئەمدى قايتا پەيدا بولمايدۇ.»
زوئىلىك مۇنداق دەپ قارىدى: مەيلى ئىقتىسادى سانلىق مەلۇمات جەھەتتە بولسۇن ياكى ئۇقۇم ۋە پوزىتسىيە جەھەتتە بولسۇن، بۇ كىرىزىس دۇنيادا چوڭقۇر ئۆزگۈرۈش پەيدا قىلدى.«يېڭىدىن گۈللەنگەن ئىقتىسادى گەۋدىلەر تەرەققى قىلغان ئىقتىسادى گەۋدىلەرنىڭ بىردەك ھەرىكەتكە كېلىشنى ساقلاپ ئولتۇرمايدۇ، ئۇلار تەشەببۇسكارلىق بىلەن كىرىزىسكە تاقابىل تۇرىدىغان تەدبىر قوللۇنىدۇ.»
قايسى دۆلەتلەرنىڭ دۇنيا ئىقتىسادىدىكى يېڭى ئۈلگە بولۇش مۇمكىنچىلىكى ئۈستىدە توختالغاندا، زوئىلىك:«گېرمانىيە ئەمەس، بەزى يېڭىدىن گۈللەنگەن ئىقتىسادى گەۋدىلەر بولۇشى ناتايىن، بۇنى تېخى كۆزۈتۈشكە توغرا كېلىدۇ.» دېدى.
بۇنىڭدىن باشقا زوئىلىك ھەرقايسى ئىقتىسادى گەۋدىلەرنى كىرىزىس كەلتۈرۈپ چىقارغان ھالسىراشنى تۈگۈتۈپ، نارودنىكلىق، قورۇقچىلىق ۋە «تەشۋىشلىنىش كەيپىياتى»دىن ئېھتىيات قىلىشنى چاقىرىق قىلدى.
