ئاقيول تورىنىڭ خەۋىرى: [فرانسىيە ئاخبارات ئاگېنتلىقى، ۋاشىنگتون، 12-سېنتەبىر تېلېگراممىسى] دۇنيا بانكىسى بۈگۈن«Cornell»ئۇنىۋېرسىتىتىنىڭ پروفىسسورى، ھىندىستان تەۋەلىكىدىكى ئىقتىسادشۇناس كائۇشىك باسۇنى دۇنيا بانكىسىنىڭ يېڭى باش ئىقتىسادشۇناسى ، قوشۇمچە يۇقىرى دەرىجىلىك مۇئاۋىن بانكا باشلىقلىقىغا تەيىنلىدى.
       باسۇ«Cornell»ئۇنىۋېرسىتىتىدىن دەم ئېلىشقا چىققان مەزگىلدە ھىندىستان مالىيە مىنىستىرلىقىنىڭ باش ئىقتىساد مەسلىھەتچىسى بولغان. باسۇ«Cornell»ئۇنىۋېرسىتىتىنىڭ ئىقتىسادشۇناسلىق پروفىسسورى ۋە خەلقئارا تەتقىقات پروفىسسورى بولغان.
          دۇنيا بانكىسىنىڭ باشلىقى كىم يوڭ: كائۇشىك باسۇنىنىڭ مالىيە مىنىستىرلىقىدا خىزمەت قىلىش تارىخى ۋە كىشىنىڭ دىققىتىنى تارتىدىغان پەننىي نەتىجىلىرىگە تايىنىپ، ئەزا دۆلەتلەرنى ئەمەلىي مىساللارنى ئاساس قىلغان ھەل قىلىش لايىھەسى ۋە تەكلىپى بىلەن تەمىنلىشىمىزگە ياردەم بېرىشكە شۇنداقلا يېڭىلىق ياراتقان كۆزگە كۆرۈنگەن ئۇسۇلدا بىزنىڭ تەرەققىيات تەتقىقات خىزمىتىمىزگە يېتەكچىلىك قىلىشقا مۇناسىپ كېلىدۇ، دېدى.
     كىم يوڭ: كائۇشىك ئېلىپ كەلگەن تەرەققىي قىلىۋاتقان دۆلەتلەرنىڭ بىرىنچى قول تەجرىبىسى دۇنيا بانكىسىنىڭ قىممەتلىك مەبلىغى بولۇپ قالىدۇ، دېدى.
      60ياشلىق باسۇ لوندون ئىقتىساد سىياسەت ئىنىستىتۇتىنىڭ دوكتۇرلۇق ئۇنۋانىغا ئېرىشكەن بولۇپ، 1992-يىلى دېھلى ئىقتىسادشۇناسلىق ئىنىستىتۇتىدا تەرەققىيات ئىقتىسادشۇناسلىق مەركىزىنى قۇرغان.
     دۇنيا بانكىسىنىڭ باياناتىدا: ئۇ يەنە«Cornell»ئۇنىۋېرسىتىتىنىڭ ئىقتىسادشۇناسلىق فاكۇلتىتىنىڭ مۇدىرى، «Cornell»ئۇنىۋېرسىتىتى تەھلىل ئىقتىسادشۇناسلىق مەركىزىنىڭ مۇدىرلىقىنى ئۆتىگەن ھەم ۋە سېلىشتۇرما ئىقتىساد تەرەققىيات تۈرلىرىنى خىزمىتىنى ئىشلىگەن.   

     2008-يىلى مايدا، ھىندىستان زۇڭتۇڭى باسۇنىڭ «يۇقىرى دەرىجىلىك كۆزگە كۆرۈنگەن تۆھپىسى»نى تەقدىرلەش ئۈچۈن، ئۇنىڭغا ھىندىستاننىڭ ئەڭ يۇقىرى دەرىجىلىك گراژدانلار شەرەپ مۇكاپاتى «نىلوفەر ئوردىنى»بەرگەن.
      باسۇ بۇ يىل 1-ئۆكتەبىردىن باشلاپ ۋەزىپە ئۆتەيدۇ.