ئاقيول تورىنىڭ خەۋىرى:تېڭشۈن تورىنىڭ 9-ئاينىڭ 11-كۈنىدىكى خەۋىرى، ئامېرىكا دۆلەت مۇداپىئە مىنىستىرلىكى تۇنجى قېتىم بىر پارچە باھالاش دوكلاتىدا، جۇڭگونىڭ قولىدىكى ئامېرىكا دۆلەت زايومىنىڭ قىممىتى 1 تىرىليون ئامېرىكا دوللىرىدىن ئېشىپ كەتتى، لېكىن جۇڭگو تۇيۇقسىز ئامېرىكا زايومىغا سالغان مەبلىغىنى زور مىقداردا قايتۇرۇپ ئېلىپ چىققان تەقدىردىمۇ، بۇ ئامېرىكىغا دۆلەت دەرىجىلىك تەھدىت ئېلىپ كېلەلەيدۇ، دەپ كۆرسەتكەن.
بامبۇ ئاگېنتلىقى ئېرىشكەن 7-ئاينىڭ 20-كۈنىدىكى بىر پارچە باھالاش دوكلاتىدا: «بۇنداق زور كۆلەمنى نەزەردە تۇتقاندا، ئامېرىكا دۆلەت زايومىغا مەبلەغ سالغاندىن سىرت، جۇڭگونىڭ باشقا جەلپ قىلىش كۈچىگە ئىگە مەبلەغ سېلىش يوللىرى ئارقىلىق بۇنداق زور سوممىدىكى تاشقى پېرېۋوت زاپىسىنى بىر تەرەپ قىلىشى ئانچە ئاسان ئەمەس.» دەپ كۆرسىتىلگەن.
ستاتىستىكا مەلۇماتىدا كۆرسىتىلىشىچە، جۇڭگونىڭ نۆۋەتتىكى ئامېرىكا دۆلەت زايومىغا ئىگە بولۇش نىسبىتى ئامېرىكا فېدېراتسىيە ئامانىتىدىن قالسىلا ئىككىنچى ئورۇندا تۇرىدىكەن. ئامېرىكا پارلامېنتىنىڭ كۆرسەتمىسىگە ئاساسلانغاندا، ئامېرىكا دۆلەت مۇداپىئە مىنىستىرلىقى جۇڭگونىڭ ئامېرىكا دۆلەت زايومىغا بۇنداق كۆپ مەبلەغ سېلىشىنىڭ سەۋەبى شۇنداقلا جۇڭگونىڭ زور مىقداردا ئامېرىكا دۆلەت زايومىنى سېتىۋېلىشىنىڭ جۇڭگونى سىياسىي ۋە ھەربىي ئىشلار كرىزىسىدا بىر خىل ئالاھىدە پىشاڭغا ئىگە قىلالايدىغان ياكى قىلالمايدىغانلىقى ئۈستىدە تەتقىقات ئېلىپ بارىدىكەن. ئامېرىكا جۇمھۇرىيەتچىلەر پارتىيىسى بولسا بۇ يىلىدىكى زۇڭتۇڭ رىقابىتىدە جۇڭگونىڭ قولىدىكى زور سوممىلىق ئامېرىكا دۆلەت زايومىنى نۆۋەتتىكى ئامېرىكىنىڭ بىر ئاجىز ھالقىسى دەپ قاراپ ئىزاھلىغان.
ئامېرىكا جۇمھۇرىيەتچىلەر پارتىيىسىنىڭ زۇڭتۇڭ نامزاتى رومىنېي 8-ئاينىڭ 30-كۈنى: «ئامېرىكا خەلقى جۇڭگودىن 1 تىرىليون ئامېرىكا دوللىرى مەبلەغ قەرز ئېلىشنى خالامدۇ؟ ياق، ھەرگىزمۇ ئۇنداق ئەمەس.» دېگەن.
ئامېرىكا مالىيە مىنىستىرلىقى بۇ يىلى 8-ئاينىڭ 15-كۈنى ئېلان قىلغان بىر سانلىق مەلۇماتتا كۆرسىتىلىشىچە، بۇ يىلى 6-ئايغىچە بولغان مەزگىلدە، جۇڭگو ئېرىشكەن ئامېرىكا دۆلەت زايومى 1 تىرىليون 164 مىليارد ئامېرىكا دوللىرىغا يەتكەن. بۇ يىلى، جۇڭگو قولىدىكى ئامېرىكا دۆلەت زايومى مىقدارىنى ئاشۇرغان، لېكىن نۆۋەتتە ئامېرىكا ئىقتىسادىدا توختاپ قېلىشتەك ئەھۋال كۆرۈلمەكتە، ياۋروپانىڭ ئىگىلىك ھوقۇق كرىزىسى بولسا تېخىمۇ چوڭقۇرلىشىپ بارماقتا. دېمەك مانا مۇشۇنداق ئەھۋال ئاستىدا، ئامېرىكا تەرەپ جۇڭگونىڭ تېخىمۇ كۆپ دۆلەت زايومى سېتىۋېلىشى بىزگە قىلچە تەھدىت ئېلىپ كېلەلمەيدۇ، دېگەن.