سوروس مەبلەغ باشقۇرۇش شىركىتىنىڭ باش مۇدىرى سوروس، ياۋروپا دۆلەتلىرىنىڭ ئاجىزلىشىشى 6 ئايدىن كېيىن ياۋروپا رايونىدىكى ئەڭ چوڭ ئىقتىسادىي گەۋدە بولغان گېرمانىيىنىڭ ئاجىزلىشىشىنى كەلتۈرۈپ چىقىرىدۇ ، دېدى. 
سوروس دۈشەنبە كۈنىدىكى بىر نۇتقىدا مۇنداق دېگەن : ئىشسىزلىق نىسبىتىنىڭ ئېشىپ بېرىشى ئاستىدا ، مالىيىنى قىسقارتىش سىياسىتى بىر دەۋرىيلىك ھادىسە بولۇپ ، ياۋروپا قىتئەسىنى تېخىمۇ ئېغىر ۋە ئۇزۇن مەزگىللىك ئىقتىسادىي كرىزىسقا ئېلىپ كىرىدۇ.
ئۇ مۇنداق دېدى : بۇ ھەرگىزمۇ بىر پەرەز ئەمەس ، بەلكى بىر كۆزىتىش . گېرمانىيە ئاھالىلىرى تېخى بۇنى ھېس قىلىپ يىتەلمىدى . بىراق ياۋروپا رايونىنىڭ چەت دۆلەتلىرىدە بۇ ئاللىقاچان بىر ھەقىقەتكە ئايلىنىپ بولدى ، ئىقتىسادىي چېكىنىش 6 ئاي ئىچىدە گېرمانىيىنى ئومۇميۈزلۈك قاپلايدۇ. 
ئۇ گېرمانىيە باشقا دۆلەتلەرنىڭ مالىيىنى قىسقارتىش سىياسىتىنى ئىجرا قىلىشىنى داۋاملىق تەلەپ قىلىپ تۇرۇۋالماسلىقى ،ھەمدە ياۋروپا رايونىنىڭ مالىيە جەھەتتىكى بىردەكلىكىنى ساقلاش ئۈچۈن چىقىم تارتىشقا رازى بولۇشى كېرەك ، ياكى بولمىسا ياۋروپا رايونىدىن ئايرىلىپ چىقىشى لازىم ،دېدى. 
تاراتقۇلارنىڭ «نيۇيورك كىتاب مۇلاھىزىسى» ناملىق ماقالىدىن نەقىل كەلتۈرۈشىچە ، سوروس ئۆزىنىڭ گېرمانىيىنىڭ داۋاملىق ياۋروپا رايونىدا تۇرۇپ قېلىشىنى ھەمدە چارە -تەدبىر قوللىنىپ ياۋروپا ئىقتىسادىنى ئىلگىرى سۈرۈشىنى ، ئورتاق بىر مالىيە ئورگىنى قۇرۇپ چىقىپ ، ياۋروپا رايونىنىڭ قەرزىگە كېپىل بولۇشىنى ئۈمىد قىلىدىغانلىقىنى بىلدۈرگەن.