ﻗﯩﻴﻤﯩﻠﯩﻖ ﺗﺎﻣﺎﻗﻘﺎ ﺋﺎﻣﺮﺍﻕ ﺑﻮﻟﻐﺎﻧﻠﯩﻘﯩﻢ ﺳﻪﯞﻩﺑﻠﯩﻚ ﭘﯩﻴﺎﺯ ﺑﯩﻠﻪﻥ ﻛﯚﭖ ﮬﻪﭘﯩﻠﯩﺸﯩﺸﻜﻪ ﻣﻪﺟﺒﯘﺭﻣﻪﻥ، ﺋﻪﻣﻤﺎ ﭘﯩﻴﺎﺯﻧﻰ ﻛﯚﺭﺳﻪﻡ ﺋﯚﺯﻩﻣﻨﻰ ﺯﺍﺩﯨﻼ ﺗﯘﺗﺎﻟﻤﺎﻳﻤﻪﻥ. ﭘﯩﻴﺎﺯﺧﺎﻥ ﭼﺎﭘﺎﻥ- ﭼﺎﺭﯨﺴﯩﻨﻰ ﺷﯘﻧﺪﺍﻕ ﺳﺎﻟﻐﺎﻥ ﮬﺎﻣﺎﻥ (ﺑﯘ ﺋﯘﭼﺮﯨﺸﯩﺸﺘﯩﻦ ﺑﻪﻙ ﺗﻪﺳﯩﺮﻟﯩﻨﯩﭗ ﻛﯧﺘﯩﻤﻪﻧﻤﯘ ﻗﺎﻧﺪﺍﻕ) ﻛﯚﺯ ﻳﺎﺷﻠﯩﺮﯨﻢ ﺳﻪﻟﺪﻩﻙ ﺋﺎﻗﯩﺪﯗ، ﺑﯘﺭﻧﯘﻡ ﻣﯩﺸﯩﻠﺪﺍﭖ، ﺩﯨﻤﯩﻘﯩﻢ ﺋﯧﭽﯩﺸﯩﭗ……، ﮬﺎﯞﺍ ﺋﯚﺗﯜﺷﯜﭖ ﺗﯘﺭﯨﺪﯨﻐﺎﻥ ﻳﻪﺭﺩﻩ ﭼﺎﻧﺎﭖ ﺑﺎﻗﺘﯩﻢ، ﭘﯩﻴﺎﺯﻏﺎ ﻗﺎﺭﯨﻤﺎﻱ ﺗﯘﺭﯗﭖ ﭼﺎﻧﺎﭖ ﺑﺎﻗﺘﯩﻢ، ﻧﻪﺗﯩﺠﯩﺴﻰ ﺋﻮﺧﺸﺎﺵ: ﺋﯩﻜﻜﻰ ﭘﯩﻴﺎﺯﻧﻰ ﭼﺎﻧﺎﭖ ﺑﻮﻟﻐﯘﭼﻪ ﻳﯩﻐﻼﭖ، ﻗﺎﺵ-ﻗﺎﭘﺎﻕ ﺋﯩﺸﺸﯩﭗ ﻧﻪﺯﯨﺮﺩﯨﻦ ﻳﺎﻧﻐﺎﻧﺪﻩﻙ ﺑﻮﻟﯘﭖ ﻛﯧﺘﯩﺪﯗ ﭼﯩﺮﺍﻳﯩﻢ.
ﻛﯚﺭﮔﻪﻥ- ﺑﯩﻠﮕﻪﻧﻠﻪﺭﺩﯨﻦ ﺑﯘﻧﯩﯔ ﺋﺎﻣﺎﻟﻰ ﺑﺎﺭﻣﯩﺪﯗ ﺩﻩﭖ ﺳﻮﺭﺍﭖ ﺑﺎﻗﺘﯩﻢ، ﺑﯩﺮﻯ ﺋﯧﻴﺘﺘﻰ، ﻣﺎﺳﻜﺎ ﺗﺎﻗﯩﯟﯦﻠﯩﯔ ﺩﻩﭖ، ﺳﯩﻨﺎﭖ ﺑﺎﻗﺘﯩﻢ، ﻣﻪﻥ ﭘﯩﻴﺎﺯﻏﺎ ﺯﯨﻴﺎﺩﻩ ﺳﻪﺯﮔﯜﺭﻣﯘ ﻗﺎﻧﺪﺍﻕ، ﻣﺎﺳﻜﯩﻨﯩﯔ ﮬﯧﭻ ﺗﻪﺳﯩﺮﻯ ﺑﻮﻟﯩﺪﯨﻐﺎﻧﺪﻩﻙ ﺋﻪﻣﻪﺱ.
ﻗﯩﻴﻤﯩﻠﯩﻖ ﺗﺎﻣﺎﻗﻨﯩﯔ ﻣﻪﺭﯨﺪﯨﻦ ﻳﺎ ﻛﯧﭽﻪﻟﻤﻪﻱ، ﻳﺎ ﻳﯩﻐﻠﯩﻤﺎﻱ ﺗﯘﺭﯗﭖ ﭘﯩﻴﺎﺯ ﭼﺎﻧﺎﺷﻨﻰ ﺋﯚﮔﯩﻨﻪﻟﻤﻪﻱ ﻳﯘﺭﮔﻪﻥ ﻛﯜﻧﻠﯩﺮﯨﻤﺪﻩ ﻗﻮﻟﯘﻣﻐﺎ ﺑﯩﺮ ﮊﻭﺭﻧﺎﻝ ﭼﯩﻘﺘﻰ، ﺋﯘﻧﯩﯖﺪﺍ ﺩﻩﻝ ﻣﻪﻧﺪﻩﻙ ﺩﻩﺭﺩﻯ ﺑﺎﺭ ﺋﺎﺩﻩﻣﻠﻪﺭ ﺋﯜﭼﯜﻥ ﭘﯩﻴﺎﺯ ﭼﺎﻧﺎﺷﻨﻰ ﺗﻪﭘﺴﯩﻠﻰ ﺗﻮﻧﯘﺷﺘﯘﺭﯗﭘﺘﯘ. ﺷﯘ ﮬﺎﻣﺎﻥ ﺳﯩﻨﺎﭖ ﺑﺎﻗﺘﯩﻢ، ﻗﺎﻟﺘﯩﺲ! ﻛﯩﺸﻰ ﺑﯩﻠﻪﻥ ﻳﯩﻐﺎ-ﺯﺍﺭﻩ ﻗﯩﻠﯩﺸﻤﺎﻱ ﺗﯘﺭﯗﭖ ﻳﯜﺯ ﻛﯚﺭﯛﺷﻤﻪﻳﺪﯨﻐﺎﻥ ﭘﯩﻴﺎﺯﻧﻰ ﺑﯩﺮ ﺗﯧﻤﯩﻢ ﻳﺎﺵ ﺗﯚﻛﻤﻪﻱ ﺗﯘﺭﯗﭖ15-20 ﻣﯩﻨﯘﺕ ﭼﺎﻧﺎﭘﺘﯩﻤﻪﻥ. “ ﺑﯩﻠﮕﯩﻨﯩﯖﻨﻰ ﺋﻪﻟﺪﯨﻦ ﺋﺎﻳﯩﻤﺎ“ ﺩﻩﭘﺘﯩﻜﻪﻥ، ﺋﯩﺰﺩﯨﻨﯩﺶ ﺋﻪﮬﻠﯩﮕﻪ ﺩﻩﭖ ﺑﯧﺮﯨﯟﯦﺘﻪﻱ، ﻳﻪﻧﻪ ﻣﻪﻧﺪﻩﻙ ﻳﯩﻐﻼﯕﻐﯘﻻﺭ ﺑﻮﻟﺴﺎ ﺩﻩﺭﺩﯨﮕﻪ ﺩﻩﺭﻣﺎﻥ ﺑﻮﻻﺭ:

ﺗﻪﺗﻘﯩﻘﺎﺗﻼﺭﺩﯨﻦ ﺋﯩﺴﭙﺎﺗﻠﯩﻨﯩﺸﯩﭽﻪ، ﭘﯩﻴﺎﺯ ﻛﯚﺯﻧﻰ ﺋﻪﻣﻪﺱ، ﺑﯘﺭﯗﻧﻨﻰ ﻏﯩﺪﯨﻘﻼﻳﺪﯨﻜﻪﻥ.ﺑﯘﺭﯗﻥ ﺋﺎﭼﭽﯩﻖ ﭘﯘﺭﺍﻕ ﺗﻪﺳﯩﺮﯨﮕﻪ ﺋﯘﭼﺮﯨﻐﺎﻧﺪﯨﻦ ﻛﯧﻴﯩﻦ ﻛﯚﺯﺩﯨﻦ ﻳﺎﺵ ﺋﯧﻘﯩﭗ ﭼﯩﻘﯩﺪﯨﻜﻪﻥ. ﺷﯘﯕﺎ ﭘﯩﻴﺎﺯ ﭼﺎﻧﯩﻐﺎﻧﺪﺍ ﺑﯘﺭﯗﻧﻨﻰ ﺋﯧﺘﯩﯟﯦﻠﯩﭗ ﺋﯧﻐﯩﺰ ﺋﺎﺭﻗﯩﻠﯩﻖ ﻧﻪﭘﻪﺳﻠﯩﻨﯩﺶ ﻛﯧﺮﻩﻙ ﺋﯩﻜﻪﻥ. ﺋﺎﯞﺍﻟﻘﻰ ﺋﯘﺳﯘﻟﺪﯨﻜﻰ ﻣﺎﺳﻜﺎ ﺑﯘﺭﯗﻧﻨﻰ ﭘﯜﺗﯜﻧﻠﻪﻱ ﺋﻪﺗﻤﯩﮕﻪﻧﻠﯩﻜﻰ ﺋﯜﭼﯜﻥ ﺗﻪﺳﯩﺮﻯ ﺑﻮﻟﻤﯩﻐﺎﻥ ﺋﯩﻜﻪﻥ.
ﻣﻪﻥ ﺋﺎﺩﻩﺗﺘﻪ ﺟﯩﻖ ﺗﯜﮔﺮﻩ، ﭼﯚﭼﯜﺭﯨﻨﻰ ﻣﻪﺧﺴﯘﺱ ﯞﺍﻗﺖ ﺋﺎﺟﺮﯨﺘﯩﭗ ﺑﯩﺮﺍقلا ﺗﯜﮔﯜﭖ ﺗﻮﯕﻠﯩﺘﯩﯟﺍﻟﯩﻤﻪﻥ. ﺷﯘﯕﺎ ﮬﻪﺭ ﺑﯩﺮ ﻗﯧﺘﯩﻢ ﭘﯩﻴﺎﺯ ﭼﺎﻧﯩﺴﺎﻡ ﺟﯩﻖ ﭼﺎﻧﺎﺷﻘﺎ، ﻳﻪﻧﻰ ﺋﯘﺯﺍﻗﺮﺍﻕ ﯞﺍﻗﺖ ﭼﺎﻧﺎﺷﻘﺎ ﺗﻮﻏﺮﺍ ﻛﯧﻠﯩﺪﯗ. ﺑﯘﻧﺪﺍﻕ ﭼﺎﻏﺪﺍ ﻳﺎﻟﻐﯘﺯ ﺑﯘﺭﯗﻧﻨﻰ ﺋﯧﺘﯩﺶ ﻛﺎﺭ ﻗﯩﻠﻤﺎﻳﺪﯨﻜﻪﻥ. ﻛﯚﺯ ﯞﻩ ﺩﯨﻤﺎﻍ ﺋﻮﭼﯘﻕ ﺑﻮﻟﻐﺎﭼﻘﺎ 4-5 ﻣﯩﻨﯘﺗﻼﺭﺩﯨﻦ ﻛﯧﻴﯩﻦ ﻳﻪﻧﻪ ﻳﯩﻐﻼﺷﻘﺎ ﺑﺎﺷﻼﻳﺪﯨﻜﻪﻧﺴﯩﺰ. ﺑﯘﻧﯩﯔ ﺋﻪﭘﻠﯩﻚ ﭼﺎﺭﯨﺴﻰ ﻛﯚﺯﻧﯩﻤﯘ ﺋﯧﺘﯩﯟﯦﻠﯩﺶ ﺋﯩﻜﻪﻥ، ﺑﻮﻟﺴﺎ ﺳﯘ ﺋﯜﺯﯛﺵ ﺋﻪﻳﻨﯩﻜﯩﻨﻰ ﺗﺎﻗﯩﯟﯦﻠﯩﯔ، ﺑﯘﺭﻧﯩﯖﯩﺰﻧﻰ ﺳﯘ ﺋﯜﺯﮔﻪﻧﺪﻩ ﺋﯩﺸﻠﯩﺘﯩﺪﯨﻐﺎﻥ ﭘﯜﯞﻩﻛﭽﻪ ﺑﯩﻠﻪﻥ ﺋﯧﺘﯩﯟﯦﻠﯩﯔ، ﻗﺎﻧﭽﻪ ﺋﯘﺯﯗﻥ ﯞﺍﻗﺖ ﭼﺎﻧﯩﺴﯩﯖﯩﺰﻣﯘ ﻳﯩﻐﻠﯩﻤﺎﻳﺪﯨﻜﻪﻧﺴﯩﺰ، ﻗﺎﺭﯨﺴﺎﻡ ﺳﯘﻏﺎ ﺳﻪﻛﺮﻩﻳﺪﯨﻐﺎﻧﺪﻩﻙ ﺗﻪﻳﻴﺎﺭ ﺑﻮﭘﺘﯩﻤﯩﺰ، ﮬﻪﺭﺍﺳﺖ، ﺑﻮﻟﻤﯩﺴﺎ ﺳﯘ ﺋﯜﺯﯛﺵ ﺩﻭﭘﭙﯩﺴﯩﻨﯩﻤﯘ ﻛﯩﻴﯩﯟﯦﻠﯩﯔ، ﭼﯧﭽﯩﯖﯩﺰﻧﻰ ﺋﺎﺷﺨﺎﻧﯩﺪﯨﻜﻰ ﺋﯩﺲ- ﺑﯘﺳﺘﯩﻦ ﺳﺎﻗﻼﻳﺪﯗ.

ﺋﻪﮔﻪﺭ ﺋﯚﻳﯩﯖﯩﺰﺩﻩ ﺳﯘ ﺋﯜﺯﯛﺵ ﺟﺎﺑﺪﯗﻗﻠﯩﺮﻯ ﻳﻮﻕ ﮬﺎﻳﺎﻟﯩﻖ ﻛﯩﺸﻰ ﺑﻮﻟﺴﯩﯖﯩﺰ ﻛﯚﺯﻧﻰ ﺋﯧﺘﯩﺸﻜﻪ ﺋﺎﺷﺨﺎﻧﯩﺪﺍ ﺋﻮﺭﺍﻕ ﺋﯜﭼﯜﻥ ﺋﯩﺸﻠﯩﺘﯩﻠﯩﺪﯨﻐﺎﻥ ﻧﯧﭙﯩﺰ ﻳﺎﻟﺘﯩﺮﺍﻗﻨﻰ ( ﺑﺎﯞﺷﻴﻪﻧﻤﻮ ﺩﻩﭖ ﻗﻮﻳﯩﻤﯩﺰﻏﯘ) ﻛﯚﺯﯨﯖﯩﺰﮔﻪ ﭼﺎﭘﻼﺷﺘﯘﺭﯨﯟﺍﻟﺴﯩﯖﯩﺰ، ﺗﺎﺯﯨﻠﯩﻖ ﻗﻪﻏﯩﺰﯨﻨﻰ ﺗﯜﺭﻣﻪﻛﻠﻪﭖ ﺑﯘﺭﻧﯩﯖﯩﺰﻧﻰ ﺋﯧﺘﯩﯟﺍﻟﺴﯩﯖﯩﺰﻣﯘ ﺑﻮﻟﯩﺪﯗ، ﺋﻮﺧﺸﺎﺷﻼ ﻳﯩﻐﻠﯩﻤﺎﻳﺴﯩﺰ، ﺑﯩﺮﺍﻕ ﺋﻮﺑﺮﺍﺯﯨﯖﯩﺰﻏﺎ ﺋﯧﻐﯩﺮ ﺩﻩﺭﯨﺠﯩﺪﻩ ﻧﯘﻗﺴﺎﻥ ﻳﯧﺘﯩﺪﯗ، ﺷﯘﯕﻼﺷﻘﺎ ﺑﯘ ﭼﯩﺮﺍﻳﯩﯖﯩﺰﻧﻰ ﺑﺎﺷﻘﯩﻼﺭﻏﺎ ﻛﯚﺭﺳﻪﺗﻤﻪﺳﻠﯩﻚ ﺋﯜﭼﯜﻥ ﺋﺎﺷﺨﺎﻧﯩﻐﺎ ﮬﯧﭽﻜﯩﻤﻨﻰ ﻛﯩﺮﮔﯜﺯﻣﻪﯓ.
ﮊﻭﺭﻧﺎﻟﺪﺍ ﺋﯧﻴﺘﻠﯩﺸﯩﭽﻪ ﺋﺎﻣﯧﺮﯨﻜﯩﻠﯩﻘﻼﺭ ﺷﯘﻧﺪﺍﻕ ﺑﯩﺮ ﺗﻪﺟﺮﯨﺒﻪ ﺋﯧﻠﯩﭗ ﺑﺎﺭﻏﺎﻧﻤﯩﺶ، ﺑﯩﺮ ﻛﯩﺸﯩﻨﯩﯔ ﺑﯘﺭﻧﯩﻨﻰ ﺋﯧﺘﯩﭗ ﻗﻮﻳﯘﭖ، ﻛﯚﺭﺳﻪﺗﻤﻪﻱ ﺗﯘﺭﯗﭖ ﺑﯩﺮ ﭘﯩﻴﺎﺯﻧﻰ ﭼﯩﺸﻠﯩﮕﯜﺯﯛﭘﺘﯘ، ﺋﺎﻧﺪﻯ ﺋﯘﻧﯩﯖﺪﯨﻦ ﺑﺎﻳﺎ ﻳﯧﮕﯩﻨﯩﻨﯩﯔ ﻧﯧﻤﻪ ﺋﯩﻜﻪﻧﻠﯩﻜﯩﻨﻰ ﺳﻮﺭﺍﭘﺘﯩﻜﻪﻥ، ﺋﯘ ﻛﯩﺸﻰ( ﭘﯩﻴﺎﺯ ﺑﻪﻙ ﺗﯧﺘﯩﭗ ﻛﻪﺗﻜﻪﻧﻤﯘ ﻗﺎﻧﺪﺍﻕ) ”ﺋﺎﻟﻤﺎ“ ﺩﻩﭖ ﺟﺎﯞﺍﭖ ﺑﯧﺮﯨﭙﺘﯘ.
ﻳﻪﻧﻪ ﻣﯘﻧﺪﺍﻕ ﺑﯩﺮ ﺋﺎﻣﺎﻟﻤﯘ ﺗﻮﻧﯘﺷﺘﯘﺭﯗﻟﻐﺎﻥ ﺋﯩﻜﻪﻥ:
ﭘﯩﻴﺎﺯﻧﻰ ﺋﺎﻗﻼﭖ،ﻳﯘﻳﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯘﻧﯔ ﺗﻮﯕﻼﺗﻘﯘﻧﯩﯔ ﻣﯘﺯﻟﯩﺘﯩﺶ ﺑﯚﻟﯜﻣﭽﯩﺴﯩﮕﻪ 20 ﻣﯩﻨﯘﺕ ﻗﻮﻳﯘﭖ ﻗﻮﻳﯩﺪﯨﻜﻪﻧﻤﯩﺰ. ﭘﯩﻴﺎﺯﻧﯩﯔ ﺋﺎﭼﭽﯩﻖ ﭘﯘﺭﺍﻕ ﺗﺎﺭﯨﺘﯩﺪﯨﻐﺎﻥ ﺳﯘﻳﯘﻗﻠﯘﻗﻰ ﻗﯧﺘﯩﺸﻘﺎﻧﺪﯨﻦ ﻛﯧﻴﯩﻦ ﭼﺎﻧﯩﺴﯩﻤﯘ ﺋﺎﺳﺎﻥ ﺑﻮﻟﯩﺪﯨﻜﻪﻥ. ﺩﯨﻘﻘﻪﺕ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻳﯧﺮﻯ: ﭘﯩﻴﺎﺯ ﺗﻮﯕﻼﺗﻘﯘﺩﺍ ﺋﯘﺯﯗﻥ ﺗﯘﺭﯗﭖ ﻣﯘﺯﻻﭖ ﻗﯧﺘﯩﭗ ﻗﺎﻟﻤﯩﺴﯘﻥ، ﭘﯩﭽﺎﻕ ﺋﯚﺗﻤﻪﻳﺪﯗ؛ ﺗﻮﯕﻼﺗﻘﯘﺩﯨﻦ ﯞﺍﻗﺘﯩﺪﺍ ﭼﯩﻘﯩﺮﯦﯟﯦﻠﯩﭗ ﺑﯩﺮ ﭼﻪﺗﻜﻪ ﻗﻮﻳﯘﭖ ﻗﻮﻳﯘﭖ ﺧﯧﻤﯩﺮ ﭼﻪﻳﻠﻪﺷﻜﻪ ﭼﯜﺷﯜﭖ ﻛﻪﺗﻤﻪﻱ ﺗﯧﺰ-ﺗﯧﺰ ﭼﺎﻧﯩﯟﯦﻠﯩﯔ، ﺑﻮﻟﻤﯩﺴﺎ ﺋﯧﺮﯨﭗ ﻛﯧﺘﯩﺪﯗ.
ﻣﺎﻧﺎ ﻣﻪﻥ ﻳﯘﻗﺎﺭﻗﻰ ﺋﯘﺳﯘﻟﻼﺭﻧﯩﯔ ﮬﻪﻣﻤﯩﺴﯩﻨﻰ ﺗﻪﯓ ﻗﻮﻟﻼﻧﺪﯨﻢ، ﺗﻮﯕﻠﯩﻐﺎﻥ ﭘﯩﻴﺎﺯﻧﻰ ﻛﯚﺯ-ﺑﯘﺭﯗﻧﻨﻰ ﺗﻪﯓ ﺋﯧﺘﯩﭗ ﺗﯘﺭﯗﭖ ﭼﺎﻧﯩﺪﯨﻢ، ﺷﯘﻧﭽﻪ ﺑﻪﮬﻮﺯﯗﺭ، ﺳﻮﻏﯘﻗﻘﺎﻥ ﮬﺎﻟﺪﺍ……
ﮬﻪﻣﻤﻪﻳﻠﻪﻧﮕﻪ ﻛﯚﯕﯜﻟﻠﯜﻙ ﺗﯘﺭﻣﯘﺵ ﻳﺎﺭ ﺑﻮﻟﻐﺎﻱ!
ئىزدىنىش مۇنبىرىدىن دىلرۇبا تەييارلىغان.

* ﺋﺎﺩﺩﯨﻲ ﺋﯘﺳﯘﻝ ﭘﯩﻴﺎﺯﻧﻰ ﺗﻮﻏﺮﺍﭖ ﺑﯘﻟﯘﭖ ﺋﯘﺳﺘﯩﮕﻪ ﺋﺎﺯﺭﺍﻕ ﺳﯘ ﭼﯧﭽﯩﯟﯨﺘﯩﭗ ﺋﺎﻧﺪﯨﻦ ﭼﺎﻧﯩﺴﺎ ﮬﻪﺭﮔﯩﺰ ﻳﺎﺵ ﭼﯩﻘﺎﺭﻣﺎﻳﺪﯗ .
* ﭼﻮﯕﻼﺭ ﻛﯘﻧﻠﻜﻰ ﻛﯜﭼﻠﯜﻙ ﺋﺎﺩﻩﻣﻠﻪﺭ ﭘﯩﻴﺎﺯ ﭼﻮﻗﯘﻏﺎﻧﺪﺍ ﻛﯚﺯﺩﯨﻦ ﻳﺎﺵ ﭼﯩﻘﯩﺪﯗ ﺩﻩﻳﺪﯨﻐﺎﻥ ، ﺑﯘﻏﯘ ﺭﺍﺱ ﮔﻪﭖ ﺋﻪﻣﻪﺱ ﺑﻪﻟﻜﯩﻢ بەﺯﻯ ﺋﺎﺩﻩﻣﻠﻪﺭ ﭘﯩﻴﺎﺯ ﭼﻮﻗﯘﻏﺎﻧﺪﺍ ﻛﯚﺯﺩﯨﻦ ﺯﺍﺩﯨﻼ ﻳﺎﺵ ﭼﯩﻘﻤﺎﻳﺪﯗ . ﭘﯩﻴﺎﺯ ﭼﻮﻗﯘﻏﺎﻧﺪﺍ ﺋﯘﻧﭽﻪ ﺟﺎﭘﺎ ﺗﺎﺭﺗﯩﺶ ﻛﻪﺗﻤﻪﻳﺪﯗ . ﻣﻪﻧﻤﯘ ﺋﯩﻠﮕﯩﺮﻯ ﭘﯩﻴﺎﺯﭼﻮﻗﯘﻏﺎﻧﺪﺍ ﺑﻪﻙ ﻳﯩﻐﻼﭖ ﻛﯧﺘﻪﺗﺘﯩﻢ . ﻛﯚﺯﯛﻡ ﺗﯧﺰﻻ ﻗﯩﺰﯨﺮﯨﭗ ﻛﻪﺗﻜﻪﭺ ﺑﯩﺮ ﭘﯩﻴﺎﺯ ﭼﻮﻗﺴﺎﻡ ﺷﯘﻧﺪﺍﻕ ﺳﻪﺗﻠﯩﺸﯩﭗ ﻛﯧﺘﻪﺗﺘﯩﻢ . ﺑﯩﺮ ﻗﯧﺘﯩﻢ ﺑﯩﺮ ﺗﺎﻏﺎﻣﯩﻨﯩﯔ ﺋﺎﻳﺎﻟﻰ ﭘﯩﻴﺎﺯ ﭼﻮﻗﯘﻏﺎﻧﺪﺍ ﻳﯧﻨﯩﺪﺍ ﺑﺎﺭ ﺋﯩﺪﯨﻢ . ﭘﯩﻴﺎﺯ ﭼﻮﻗﯘﻏﺎﻥ ﺋﺎﺩﻩﻡ ﻳﯩﻐﻠﯩﻤﺎﻱ ﻣﻪﻥ ﻳﯩﻐﻼﭖ ﻛﻪﺗﺘﯩﻢ .ﻣﻪﻥ ﺋﯘ ﺋﺎﭼﺎﻣﯩﺪﯨﻦ ﺳﯩﻠﻰ ﭘﯩﻴﺎﺯ ﭼﻮﻗﯘﻏﺎﻧﺪﺍ ﻛﯚﺯﻟﯩﺮﯨﺪﯨﻦ ﻳﺎﺵ ﭼﯩﻘﻤﺎﻳﺪﯨﻜﻪﻧﻐﯘ ﺩﯦﺴﻪﻡ . ﻣﺎﯕﺎ ﺑﯘﻧﯩﯔ ﺋﺎﻣﺎﻟﯩﻨﻰ ﺩﻩﭖ ﺑﻪﺭﺩﻯ .ﺑﯘ ﺋﻪﯓ ﺋﺎﺳﺎﻥ ﺋﯘﺳﯘﻝ ﻗﯧﻨﻰ ﺳﯩﻨﺎﭖ ﺑﯧﻘﯩﯖﻼﺭ .

1. ﭘﯩﻴﺎﺯﻏﺎ ﭼﻮﻗﯘﺷﺘﯩﻦ ﺑﻮﺭﯗﻥ ﭘﯩﻴﺎﺯﻧﻰ ﺋﺎﻗﻼﭖ ﺑﻮﻟﯘﭖ ﺋﺎﺯﯨﺮﺍﻕ ﺗﯘﺯ ﺳﯩﻠﯩﻨﻐﺎﻥ ﺳﯘﻏﺎ ﭼﯩﻼﭖ ﻗﻮﻳﯘﯓ . ﺋﻪﮔﻪﺭ ﯞﺍﻗﯩﺘﯩﯖﯩﺰ ﻗﯩﺲ ﺑﻮﻟﺴﺎ ﭘﯩﻴﺎﺯﻧﻰ ﻳﺎﻟﭙﺎﻗﻼﭖ ﺑﻮﻟﯘﭖ ﺋﺎﺯﯨﺮﺍﻕ ﺳﯘ ﯞﻩ ﺗﯜﺯ ﺳﯧﭙﯩﭗ ﺗﯘﺭﯗﭖ ﭼﻮﻗﯘﯓ ..ﺷﯘﻧﯩﯖﯩﻐﺎ ﺩﯨﻘﻘﻪﺕ ﻗﯩﻠﯩﯖﻜﻰ ﭘﯩﻴﺎﺯ ﭼﻮﻗﯘﻏﺎﻧﺪﺍ ﭼﻮﻗﯘﻡ ﭘﯩﻴﺎﺯﻏﯩﻼ ﻗﺎﺭﺍﭖ ﺗﯘﺭﯗﭖ .ﺋﯘﻳﺎﻕ ﺑﯘﻳﺎﻗﻘﺎ ﻗﺎﺭﯨﻤﺎﯓ .ﺑﯘ ﺋﻪﯓ ﺋﯜﻧﯜﻣﻠﯜﻙ ﮬﻪﻡ ﺋﺎﺳﺎﻥ ﺋﯘﺳﯘﻝ .ﻗﯧﻨﻰ ﺳﯩﻨﺎﭖ ﺑﯧﻘﯩﯔ …..
ﺋﯧﺴﯩﯖﯩﺰﺩﻩ ﺑﻮﻟﺴﯘﻥ ﭘﯩﻴﺎﺯ ﭼﻮﻗﯘﻏﺎﻧﺪﺍ ﭼﻮﻗﯘﻡ ﭘﯩﻴﺎﺯﻏﯩﻼ ﻗﺎﺭﺍﭖ ﺗﯘﺭﯗﯓ …
* ﭘﯩﻴﺎﺯ ﭼﺎﻧﯩﻐﺎﻧﺪﺍ ﺗﺎﺧﺘﺎ ﺑﯧﺸﯩﻐﺎ ﺑﯩﺮ ﭼﯩﻨﻪ ﺳﻮﻏﯘﻕ ﺳﯘ ﻗﻮﻳﯘﭖ ﻗﻮﻳﺴﺎ، ﻳﺎﺵ ﺋﺎﻗﻘﯘﺯﻣﺎﺳﻠﯩﻘﻘﺎ ﺋﻮﺑﺪﺍﻥ ﺋﯜﻧﯜﻣﻰ ﺑﯘﻟﯩﺪﯗ .
* ﻣﻪﻥ ﺑﯩﺮ ﻛﯩﺘﺎﭘﺘﯩﻦ ﻛﯚﺭﯛﺷﯜﻣﭽﻪ ﭘﯩﻴﺎﺯﻧﻰ ﮬﺎﯞﺍ ﺋﯚﺗﯜﺷﯜﭖ ﺗﯘﺭﯗﺩﯨﻐﺎﻥ ﺟﺎﻳﺪﺍ ﺗﻮﻏﺮﯨﺴﺎ ﻛﯚﺯﺩﯨﻦ ﻳﺎﺵ ﭼﯩﻘﻤﺎﻳﺪﯗ ﺩﻩﭘﺘﯩﻜﻪﻥ،ﻣﯩﻨﯩﯖﭽﻪ ﺋﯘﻧﻰ-ﺑﯘﻧﻰ ﺗﺎﻗﺎﭖ ﻳﯜﺭﮔﯩﭽﻪ ﺷﺎﻣﺎﻟﺪﯗﺭﻏﯘﭼﻨﻰ ﻣﺎﯕﺪﯗﺭﯗﭖ ﻗﯘﻳﯘﭖ، ﺋﺎﺯﺭﺍﻕ ﺳﯘ ﺳﯩﭙﯩﯟﯨﺘﯩﭗ ﺗﻮﻏﺮﯨﺴﺎ ﺋﻪﯓ ﻣﻮﯞﺍﭘﯩﻖ ﺑﻮﻻﻣﺪﯨﻜﯩﻦ ﺩﻩﻳﻤﻪﻥ.ﻣﻪﻥ ﺳﯩﻨﺎﭖ ﺑﺎﻗﻤﯩﺪﯨﻢ ﺑﯩﺮﺍﻕ ﻧﻪﺯﯨﺮﯨﻴﻪ ﺟﻪﮬﻪﺗﺘﯩﻦ ﭼﻮﻗﯘﻡ ﻧﻪﺗﯩﺠﯩﺴﻰ ﻳﺎﺧﺸﻰ ﺑﻮﻟﯩﺪﯗ!!