ﺗﯧﻤﺎ ﻳﯧﺰﯨﺸﻨﯩﯔ ﺋﺎﺩﺩﯨﻲ ﺋﻪﭘﻠﯩﺮﻯ
ﻗﻮﻟﻨﯩﯔ ﺋﻮﯕﻰ – ﭼﯧﭙﻰ ﺑﻮﻟﯩﻐﺎﻧﺪﻩﻙ، ﮬﻪﺭﻗﺎﻧﺪﺍﻕ ﺋﯩﺸﻨﯩﯖﻤﯘ ﺋﯧﭙﻰ – ﺋﯘﺳﯘﻟﻰ ﺑﻮﻟﯩﺪﯗ. ﺑﯩﺰ ﺋﯩﺸﻼﺭﻧﻰ ﻗﺎﻣﻼﺷﺘﯘﺭﺍﻻﻳﺪﯨﻐﺎﻥ ﻛﯩﺸﯩﻠﻪﺭﻧﻰ ﺋﯩﺸﻼﺭﻏﺎ ﺋﯩﭙﻰ ﺑﺎﺭ ﺋﺎﺩﻩﻡ ﺑﯘ ، ﺩﻩﭖ ﻗﻮﻳﯩﻤﯩﺰ. ﺟﯜﻣﻠﯩﺪﯨﻦ ﻣﯘﺷﯘ ﺗﯧﻤﺎ ﻳﯧﺰﯨﺶ ﻳﺎﻛﻰ ﺑﻠﻮﮒ ﻳﯧﺰﯨﺸﻼﺭﻧﯩﯖﻤﯘ ﺋﯚﺯﯨﮕﻪ ﭼﯘﺷﻠﯘﻕ ﺋﻪﭘﻠﯩﺮﻯ ﺑﻮﻟﯩﺪﯗ. ﮬﻪﻣﻤﻪﻳﻠﻪﻧﮕﻪ ﺋﺎﻳﺎﻥ ﺑﻮﻟﻐﯩﻨﯩﺪﻩﻙ، ﺋﯩﺰﺩﯨﻨﯩﺶ ﻣﯘﻧﺒﯩﺮﯨﺪﻩ ﮬﺎﺯﯨﺮﻏﺎ ﻗﻪﺩﻩﺭ 18 – 20 ﻣﯩﯖﻐﺎ ﻳﯧﻘﯩﻦ ﺋﻪﺯﺍﺳﻰ ﺋﯘﻧﯩﯖﺪﯨﻦ ﺑﯩﺮﻗﺎﻧﭽﻪ ﮬﻪﺳﺴﻪ ﻛﯚﭖ ﺋﻮﻗﯘﺭﻣﻪﻥ ﺗﻮﺭﺩﺍﺵ ﺑﺎﺭ. ﺋﻪﻣﻤﺎ ﮬﻪﻗﯩﻘﯩﻲ ﺗﯧﻤﺎ ﻳﺎﺯﯨﺪﯨﻐﺎﻥ ﺗﻮﺭﺩﺍﺵ 100 ﺩﯨﻦ ﺋﺎﺷﻤﺎﺳﻠﯩﻘﻰ ﻣﯘﻣﻜﯩﻦ، ﺋﯩﻨﻜﺎﺳﭽﯩﻼﺭ ﺑﻮﻟﺴﺎ 500ﮔﻪ ﻳﻪﺗﻤﻪﺳﻠﯩﻜﻰ ﻣﯘﻣﻜﯩﻦ. ﺋﯘﻧﺪﺍﻕ ﺯﻭﺭ ﻛﯚﭘﭽﯩﻠﯩﻚ ﺗﻮﺭﺩﺍﺷﻨﯩﯔ ﺗﯧﻤﺎ ﻳﺎﺯﻏﯘﺳﻰ ﻳﻮﻗﻤﺎ ؟ ﻳﺎﻕ، ﻣﯧﻨﯩﯖﭽﻪ ﺋﯘﻻﺭﻧﯩﯔ ﮬﻪﻣﻤﯩﺴﯩﻨﻰ ﺗﯧﻤﺎ ﻳﺎﺯﻏﯘﺳﻰ ﻳﻮﻕ ﺩﯦﺴﻪﻙ ﺧﺎﺗﺎﻻﺷﻘﺎﻥ ﺑﻮﻟﯩﻤﯩﺰ. ﺋﯘﻻﺭﻧﯩﯔ ﺧﯧﻠﻰ ﺯﻭﺭ ﻛﯚﭘﭽﯩﻠﯩﻜﯩﻨﯩﯔ ﺗﯧﻤﺎ ﻳﺎﺯﻏﯘﺳﻰ ، ﺋﯚﺯ ﻛﯚﯕﻪﻟﻠﯩﺮﯨﺪﯨﻜﯩﻨﻰ ﻣﯘﻧﺒﻪﺭﮔﻪ ﻳﻮﻟﻼﭖ ﺗﻮﺭﺩﺍﺷﻼﺭ ﺑﯩﻠﻪﻥ ﺑﻪﺩﺍﺷﻘﺎﻥ ﻗﯘﺭﯗﭖ ﺋﻮﻟﺘﯘﺭﯗﭖ ﻣﯘﯕﺪﺍﺷﻘﯘﺳﻰ ﺑﺎﺭ! ﺋﯘﻧﺪﺍﻗﺘﺎ ﻧﯧﻤﻪ ﺋﯜﭼﯜﻥ ﻳﺎﺯﻣﺎﻳﺪﯗ ؟ ﺟﺎﯞﺍﺏ ﺑﯩﺮﻻ ، ﻳﯧﺰﯨﺸﻨﯩﯔ ﺋﯧﭙﯩﻨﻰ ﺑﯩﻠﻤﻪﻳﺪﯗ.
ﺗﯚﯞﻩﻧﺪﻩ ﻣﻪﻥ ﺋﺎﺩﺩﯨﻲ ﻗﯩﻠﯩﭗ ﺗﯧﻤﺎ ﻳﯧﺰﯨﺸﻨﯩﯔ ﺑﯩﺮﻗﺎﻧﭽﻪ ﺋﻪﭘﻠﯩﺮﯨﻨﻰ ﺳﯚﺯﻟﻪﭖ ﺑﯧﺮﻩﻱ ، ﺗﻮﺭﺩﺍﺷﻼﺭ ﻣﯘﺷﯘ ﺑﻮﻳﯩﭽﻪ ﺑﻮﻟﻐﺎﻧﺪﺍ ﭼﻮﻗﯘﻡ ﺋﺎﺯ ﻛﯜﻧﺪﻩ ﻛﺎﺗﺘﺎ ﻳﺎﺯﺍﺭﻣﻪﻥ ﺑﻮﻟﯘﭖ ﻛﯧﺘﯩﺸﯩﺪﻩ ﮔﻪﭖ ﻳﻮﻕ …
1. ﻛﻪﻳﭙﯩﻴﺎﺕ ﺩﯗﺭﯗﺱ ﺑﻮﻟﯘﺷﻰ ﻛﯧﺮﻩﻙ. ﻣﯘﻧﺪﺍﻕ ﺑﯩﺮ ﮔﻪﭖ ﻛﻪﻳﭙﯩﻴﺎﺕ ﮬﻪﻣﻤﯩﻨﻰ ﺑﻪﻟﮕﯩﻠﻪﻳﺪﯗ ، ﺩﻩﻳﺪﯨﻐﺎﻥ ﮬﻪﻕ ﮔﻪﭖ ! ﻛﻪﻳﭙﯩﻴﺎﺕ ﺩﯗﺭﯗﺱ ﺑﻮﻟﻤﺎﻳﺪﯨﻜﻪﻥ ﮬﯧﻠﯩﻐﯘ ﺗﯧﻤﺎ ﺋﯩﻜﻪﻥ ﺟﺎﻳﻼﭖ ﺋﯩﻜﻜﻰ ﻗﯘﺭ ﮔﻪﭘﻤﯘ ﻳﺎﺯﻏﯩﻠﻰ ﺑﻮﻟﻤﺎﻳﺪﯗ. ﺷﯘﯕﺎ، ﻛﻪﻳﭙﯩﻴﺎﺕ ﭼﻮﻗﯘﻡ ﺩﯗﺭﯗﺱ – ﺋﺎﺯﺍﺩﻩ ﺑﻮﻟﯘﺷﻰ ﻛﯧﺮﻩﻙ. ﺋﯚﺯﯨﻤﯩﺰﮔﻪ ﺋﯧﻐﯩﺮ ﺑﯧﺴﯩﻢ ﻗﯩﻠﯩﯟﯦﻠﯩﺸﻘﺎ ﺑﻮﻟﻤﺎﻳﺪﯗ. ﺳﯩﺰﮔﻪ ﺗﯧﺨﻰ ﺑﯩﺮ ﻛﯩﻢ ﺗﯧﻤﺎ ﻳﺎﺯ ﺩﻩﭖ ﺑﯧﺸﯩﯖﯩﺰﺩﺍ ﻗﺎﺭﺍﭖ ﺗﯘﺭﻏﯩﻨﻰ ﻳﻮﻗﻘﯘ ؟ ﮬﻪ ﺷﯘﻧﺪﺍﻕ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﭼﻮﯕﻘﯘﺭ ﻧﻪﭘﻪﺱ ﺋﯧﻠﯧﯟﯨﺘﯩﭗ، ﺩﯦﺮﯨﺰﯨﺪﯨﻦ ﺳﯩﺮﺗﻘﺎ ﻗﯩﻴﺎ ﺑﯧﻘﯩﯟﯦﺘﯩﭗ ( ﻣﯘﻧﺪﺍﻕ ﺩﯦﺴﻪﻡ ، ﺋﯚﺗﻜﻪﻥ ﻛﻪﭼﻜﻪﻧﮕﻪ ﮬﺎﯓ ﺑﺎﻗﻤﺎﻱ ) ﻛﻮﻣﭙﻴﯘﺗﯧﺮ ﺋﺎﻟﺪﯨﻐﺎ ﻛﯧﻠﯩﺶ ﻛﯧﺮﻩﻙ. ﻛﯚﭖ ﺋﻮﻳﻼﻧﻤﺎﯓ، ﺋﻮﻳﻠﯩﻐﺎﻧﺴﯩﺮﯨﯖﯩﺰ ﻳﺎﺯﯨﺪﯨﻐﺎﻥ ﻧﻪﺭﺳﯩﯖﯩﺰ ﺋﺎﺯﻻﭖ ﻛﯧﺘﯩﺪﯗ.
2. ﻳﺎﻣﺎﻥ ﺋﻪﻣﻪﺱ ﺑﯩﺮ ﺗﯧﻤﯩﻨﯩﯔ ﺭﻭﻳﺎﭘﻘﺎ ﭼﯩﻘﯩﺸﯩﺪﺍ ﻣﯘﮬﯩﺖ ﺋﺎﻣﯩﻠﯩﻤﯘ ﺋﯩﻨﺘﺎﻳﯩﻦ ﻣﯘﮬﯩﻤﺪﯗﺭ. ﻣﻪﻥ ﺳﯩﺰﻧﻰ ﺑﺎﻏﭽﯩﻼﺭﻏﺎ ﺑﯧﺮﯨﭗ ، ﺳﺎﻳﺎﮬﻪﺗﻜﻪ ﭼﯩﻘﯩﭗ ﺗﯧﻤﺎ ﻳﯧﺰﯨﯔ ﺩﯨﻤﯩﺪﯨﻢ . ﭘﻪﻗﻪﺕ ﺋﺎﯞﯗ ﭼﯩﭽﯩﻠﺪﺍﭖ ﺋﺎﺭﺍﻡ ﺑﻪﺭﻣﻪﻳﺪﯨﻐﺎﻥ ﻛﻴﯘ ﻛﻴﯘ ﺩﻩﻣﺪﯗ ﯞﻩ ﻳﺎﻛﻰ ﺑﺎﺷﻘﺎ ﺩﯨﻘﻘﻪﺗﻨﻰ ﭼﺎﭼﯩﺪﯨﻐﺎﻥ ﻧﻪﺭﺳﻪ ﻛﯧﺮﻩﻛﻠﻪﺭﻧﯩﯔ ﺯﯗﯞﺍﻧﯩﻨﻰ ﺋﯚﭼﯜﺭﯛﺵ ﻛﯧﺮﻩﻙ. ﺋﻪﮔﻪﺭ ﺋﻪﺭﺯﯨﻴﺪﯗ ﺩﻩﭖ ﻗﺎﺭﯨﺴﯩﯖﯩﺰ ﺗﯧﻠﯧﻔﻮﻧﻨﯩﻤﯘ ﺗﺎﻗﺎﭖ ﻗﻮﻳﯘﯓ. ﺷﯘﻧﯩﯖﻐﺎ ﭼﻮﯕﻘﯘﺭ ﺋﯩﺸﯩﻨﯩﯖﻜﻰ، ﺩﻩﺧﻠﻰ ﻗﺎﻧﭽﻪ ﺋﺎﺯ ﺑﻮﻟﺴﺎ ، ﺗﯧﻤﯩﻨﯩﯔ ﺳﯜﭘﯩﺘﻰ ﺷﯘﻧﭽﻪ ﻳﯘﻗﯩﺮﻯ ﺑﻮﻟﯩﺪﯗ.
3. ﮬﻪﺭ ﺑﯩﺮ ﺗﯧﻤﯩﺪﺍ ﭼﻮﻗﯘﻡ ﺑﯩﺮ ﺋﯩﺪﯨﻴﯩﻨﻰ ﺋﯩﭙﺎﺩﯨﻠﯩﺸﯩﻢ ﻛﯧﺮﻩﻙ ﻳﺎﻛﻰ ﭼﻮﻗﯘﻡ ﺑﯩﺮ ﻳﻪﻛﯜﻥ ﭼﯩﻘﯩﺮﯨﺸﯩﻢ ﻛﯧﺮﻩﻙ ﺩﻩﭖ ﻗﺎﺭﺍﺵ ﻧﯘﺭﯗﻏﯘﻧﻠﯩﻐﺎﻥ ﺋﯧﺴﯩﻞ ﺗﯧﻤﯩﻼﺭﻧﻰ ﺑﯚﺷﯜﻛﯩﺪﻩ ﺑﻮﻏﯘﭖ ﻗﻮﻳﯩﺪﯗ. ﺷﯘﯕﺎ، ﺳﯩﺰ ﮬﻪﺭﮔﯩﺰﻣﯘ ﻳﻪﻛﯜﻧﭽﻰ ﻳﺎﺯﻣﯩﻜﻪﺵ ﺑﻮﻟﯘﺵ ﻳﻮﻟﯩﻨﻰ ﺗﺎﻟﻠﯩﻤﺎﯓ، ﻧﻪﻕ ﺋﯩﺸﻨﻰ ﻳﯧﺰﯨﯖﺪﻩ ﻣﯘﮬﺎﻛﯩﻤﯩﻨﻰ ﻛﯚﭘﭽﯩﻠﯩﻜﻨﯩﯔ ﺋﺎﻟﺪﯨﻐﺎ ﺗﺎﺷﻼﯓ ، ﻳﻪﻛﯜﻥ ﺋﻪﻝ ﭼﯩﻘﯩﺮﯨﺪﯗ. ﺷﯘﻧﺪﺍﻕ ﺑﻮﻟﻐﺎﻥ ﺗﯧﻤﯩﯖﯩﺰ ﻗﯩﺰﺯﯨﻴﺪﯗ. ﺑﻮﻟﻤﯩﺴﺎ ﺷﻪﮬﻪﺭﻟﯩﻚ ﻗﺎﺯﻯ ﻣﻪﮬﻜﯩﻤﯩﺴﯩﻨﯩﯔ ﻗﺎﺯﯨﺴﯩﺪﻩﻙ ﮬﻪﺭ ﺑﯩﺮ ﺗﯧﻤﯩﺪﺍ ﺑﯩﺮﺩﯨﻦ ﻳﻪﻛﯜﻥ ﺋﯩﺸﻠﻪﭖ ﭼﯩﻘﻘﯩﻠﻰ ﺗﯘﺭﺳﯩﯖﯩﺰ ﺗﯧﻤﯩﯖﯩﺰﻧﯩﯔ ﺟﻪﻟﯩﺒﻜﺎﺭﻟﯩﻘﻰ ﻗﺎﻟﻤﺎﻳﺪﯗ. ﮬﻪﺗﺘﺎ ، ﻛﯚﭘﭽﯩﻠﯩﻚ ﺋﯩﺴﻤﯩﯖﯩﺰﻧﻰ ﻳﺎﻛﻰ ﺗﯧﻤﺎ ﺋﯩﺴﻤﯩﻨﻰ ﺋﻮﻗﯘﭘﻼ ﻧﯧﻤﻪ ﮔﻪﭘﻠﯩﻜﯩﻨﻰ ﺑﯩﻠﯩﭗ ﺑﻮﻟﯩﺪﯗ – ﺩﻩ ﺗﯧﻤﯩﯖﯩﺰﻧﻰ ﺋﻮﻗﯘﻣﺎﻱ ﺗﺎﺷﻼﭖ ﻗﻮﻳﯘﺷﯩﻤﯘ ﻣﯘﻣﻜﯩﻦ .
4. ﺳﯩﺰﺩﻩ ﺗﻪﻧﻘﯩﺪ ﻳﺎﻛﻰ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﮔﻪ ﺗﻮﻏﺮﺍ ﻣﯘﺋﺎﻣﯩﻠﻪ ﻗﯩﻼﻻﻳﺪﯨﻐﺎﻥ ﭘﺴﯩﺨﯩﻚ ﺳﺎﭘﺎ ﺑﻮﻟﺴﯘﻥ، ﮬﯧﭻ ﺑﻮﻟﻤﯩﻐﺎﻧﺪﺍ ﺗﻪﻧﻘﯩﺪﮔﻪ ﭼﯩﺪﺍﻻﻳﺪﯨﻐﺎﻥ ﺑﻪﺭﺩﺍﺵ ﺑﻮﻟﺴﯘﻥ. ﺑﻮﻟﻤﯩﺴﺎ ﻳﯧﺘﯩﻠﺪﯛﺭﯛﯓ. ﻳﯧﺘﻠﺪﯛﺭﻩﻟﻤﯩﺴﯩﯖﯩﺰ ﺗﯧﻤﺎ ﻳﺎﺯﯨﻤﻪﻥ ﺩﯦﻤﻪﻱ ﺧﻪﻕ ﻳﺎﺯﻏﺎﻧﻨﻰ ﺋﻮﻗﯘﯓ . ﺑﻮﻟﻤﯩﺴﺎ ﺋﯚﺯﯨﯖﯩﺰﻧﯩﯔ ﺗﯧﻤﯩﺴﻰ ﺋﯚﺯﯨﯖﯩﺰﮔﻪ ﺩﯛﺷﻤﻪﻥ ﺑﻮﻟﯘﭖ، ﺋﺎﺯ ﻛﯜﻧﺪﻩ ﻳﯜﺭﻩﻙ ﺳﺎﻧﺠﯩﻘﻰ ﺑﻮﻟﯘﭖ ﻗﯧﻠﯩﺸﯩﯖﯩﺰ ﻣﯘﻣﻜﯩﻦ.
5. ﺋﯩﻠﮭﺎﻡ ﻗﯘﺷﯩﻨﻰ ﺗﯘﺗﯘﺷﻘﺎ ﻣﺎﮬﯩﺮ ﺑﻮﻟﯘﯓ. ﺋﻪﻟﯟﻩﺗﺘﻪ ﺑﯘ ﻗﯘﺷﻨﻰ ﻗﺎﭘﻘﺎﻥ ﻗﯘﺭﯗﭖ ﺗﯘﺗﻘﯩﻠﻰ ﻳﺎﻛﻰ ﺭﻩﮔﻪﺗﻜﻪ ﺑﯩﻠﻪﻥ ﺋﯧﺘﯩﭗ ﭼﯜﺷﯜﺭﯞﺍﻟﯩﻐﯩﻠﻰ ﺑﻮﻟﻤﺎﻳﺪﯗ. ﺳﯩﺰﻧﯩﯔ ﺋﯩﺠﺘﯩﻤﺎﺋﯩﻲ ﮬﺎﺩﯨﺴﯩﻠﻪﺭﺩﯨﻦ ﻏﯩﺪﯨﻘﻠﯩﻨﯩﺶ ﻛﯚﺭﺳﻪﺗﻜﯜﭼﯩﯖﯩﺰ ﯞﻩ ﺑﯘ ﺧﯩﻞ ﻏﯩﺪﯨﻘﻘﺎ ﺑﻮﻟﻐﺎﻥ ﺳﯩﺰﯨﺪﻛﻰ ﺳﯩﺰﯨﻤﭽﺎﻧﻠﯩﻘﻨﯩﯔ ﺳﯜﭘﻪﺕ ﻛﯚﺭﺳﻪﺗﻜﯜﭼﯩﺴﻰ ﺋﯩﻠﮭﺎﻡ ﻗﯘﺷﯩﻨﯩﯔ ﺳﯩﺰﻧﯩﯔ ﺑﯧﺸﯩﯖﯩﺰﻏﺎ ﻗﻮﻧﯘﺵ ﻗﻮﻧﻤﺎﺳﻠﯩﻘﯩﻨﻰ ﺑﻪﻟﮕﯩﻠﻪﻳﺪﯗ. ﺋﯩﻠﮭﺎﻡ ﻗﯘﺷﻰ ﺷﯘﻧﺪﺍﻕ ﻗﯘﺷﻜﻰ ﺗﯘﺗﺎﻱ ﺩﯦﮕﻪﻧﺪﻩ ﺗﯘﺗﻘﯩﻠﻰ ﺑﻮﻟﻤﺎﻳﺪﯗ، ﻧﯧﺮﻯ ﺗﯘﺭ ﺩﯦﮕﻪﻧﺪﻩ ﺑﯧﺸﯩﯖﯩﺰﺩﺍ ﭼﯚﺭﮔﯩﻠﻪﭖ ﻗﺎﻟﯩﺪﯗ، ﺧﯘﺩﺩﯨﻲ ﭼﯚﭼﻪﻛﻠﻪﺭﺩﯨﻜﻰ ﮬﯘﻣﺎ ﻗﯘﺷﯩﺪﻩﻙ. ﺋﻪﻣﻤﺎ ، ﺋﯘﻧﯩﯔ ﯞﺍﻗﺘﻰ ﺗﻮﻟﯩﻤﯘ ﻗﯩﺴﻘﺎ ﺑﻮﻟﯘﭖ، ﺗﯘﺗﯘﺷﻘﺎ ﻣﺎﮬﯩﺮ ﺑﻮﻟﻤﯩﺴﯩﯖﯩﺰ ﻣﻪﯕﮕﯜ ﺋﯧﺴﯩﻞ ﺗﯧﻤﺎ ﻳﺎﺯﺍﻟﻤﺎﻳﺴﯩﺰ. ﺋﯘﻧﺪﺍﻗﺘﺎ ﻗﺎﻧﺪﺍﻕ ﻗﯩﻠﻐﺎﻥ ﺗﯘﺗﯘﺷﻘﺎ ﻣﺎﮬﺮﻯ ﺑﻮﻟﻐﯩﻠﻰ ﺑﻮﻟﯩﺪﯗ. ﺋﯩﻠﮭﺎﻣﻨﯩﯔ ﮬﯩﺪﻯ ﻛﻪﻟﮕﻪﻥ ﮬﺎﻣﺎﻥ ﻳﯧﺰﯨﺶ ﻛﯧﺮﻩﻙ. ﺗﯧﻠﯧﻔﻮﻧﻐﺎ ﺋﯘﭼﯘﺭ ﻗﯩﻠﯩﭗ ﻛﯩﺮﮔﯜﺯﯛﭖ ﻗﻮﻳﺴﯩﯖﯩﺰﻣﯘ، ﺋﺎﻕ ﻗﻪﻏﻪﺯﮔﻪ ﻳﯧﺰﯨﭗ ﻗﻮﻳﺴﯩﯖﯩﺰﻣﯘ ﺑﻮﻟﯩﺪﯗ. ﻳﺎﺯﺳﯩﯖﯩﺰﻻ ﺑﻮﻟﻐﯩﻨﻰ. ﺩﻩﻝ ﯞﺍﻗﺘﯩﺪﺍ ﺧﺎﺗﯩﺮﯨﻠﻪﭖ ﻗﻮﻳﻤﺎﻱ ﮬﯧﻠﻰ ﻳﺎﺯﻣﺎﻗﭽﻰ ﺑﻮﻟﻐﺎﻥ ﻧﻪﺭﺳﯩﯖﯩﺰﻧﻰ ﻣﻪﯕﮕﯜ ﻳﺎﺯﺍﻟﻤﺎﻳﺴﯩﺰ ﺋﻪﺧﻤﺎﻕ ﺑﻮﻟﻤﺎﯓ …
6. ﻳﺎﺯﻣﺎﻗﭽﻰ ﺑﻮﻟﻐﺎﻥ ﺗﯧﻤﯩﯖﯩﺰ ﺋﯩﻤﻜﺎﻧﻘﻪﺩﻩﺭ ﻛﺎﻟﺘﻪ ﺑﻮﻟﺴﯘﻥ. ﺳﯩﺰ ﺑﯘ ﻳﻪﺭﺩﻩ ﺋﯩﻠﻤﯩﻲ ﻣﺎﻗﺎﻟﻪ ﻳﺎﻗﯩﻠﯩﻤﺎﻳﺪﯨﻐﺎﻥ ﺑﻮﻟﻐﺎﻧﺪﯨﻦ ﻛﯧﻴﯩﻦ ( ﭘﻮﯞﺳﯩﯧﺖ ﻳﺎﺯﯨﻤﻪﻥ ﺩﻩﭖ ﺗﯘﺭﯞﺍﺳﯩﯖﯩﺰ ﺋﯘﻣﯘ ﻣﻪﻳﻠﻰ ) ، ﺗﯧﻤﯩﻼﺭﻧﻰ ﻛﺎﻟﺘﻪ ﻳﯧﺰﯨﯔ، ﺋﯘﺯﯗﻥ ﭼﯩﻘﯩﭗ ﻛﻪﺗﻜﻪﻧﻠﯩﺮﯨﻨﻰ ﻧﻪﻕ ﺋﻮﺗﺘﯘﺭﯨﺪﯨﻦ ﺋﯩﻜﻜﻰ ﺋﺎﻳﺮﯨﭗ ، ﺩﺍﯞﺍﻣﻰ ﺑﺎﺭ ﺩﯦﮕﻪﻥ ﺋﯘﻟﯘﻍ ﺷﯘﺋﺎﺭ ﺋﺎﺳﺘﯩﺪﺍ ﺋﯩﻜﻜﻰ ﻗﯧﺘﯩﻤﻐﺎ ﺑﯚﻟﯜﭖ ﺋﯧﻼﻥ ﻗﯩﻠﯩﯔ. ﻧﯧﻤﺸﻘﺎ ﺩﻩﻣﺴﯩﺰ ؟ ﺋﯘﻧﭽﯩﯟﺍﻻ ﺋﯘﺯﯗﻥ ﻣﺎﻗﺎﻟﻪ ﻳﺎﺯﯨﺴﯩﯖﯩﺰ ﻳﺎﺯﺩﯨﻐﺎﻧﻐﺎ ﺳﯩﺰﺩﯨﻦ ﺋﻮﻗﯘﻳﺪﯨﻐﺎﻧﻐﺎ ﺳﯩﺰﺩﯨﻦ ﻧﯘﺭﻏﯘﻥ ﯞﺍﻗﯩﺖ ﺳﻪﺭﯨﭗ ﺑﻮﻟﯩﺪﯗ ﺋﻪﻣﻪﺳﻤﯘ ؟ … ﯞﺍﻗﯩﺖ ﻳﻪﻧﯩﻼ ﺋﺎﻟﺘﯘﻧﺪﯨﻦ ﻗﯩﻤﻤﻪﺗﻠﯩﻚ ! ﮬﯧﭽﺒﻮﻟﻤﯩﻐﺎﻧﺪﺍ ﺋﺎﻟﺘﯘﻧﺪﯨﻨﻤﯘ ﻗﯩﻤﻤﻪﺗﻠﯩﻚ ﯞﺍﻗﯩﺖ ﺯﺍﻳﺎ ﻛﻪﺗﺴﻪ ﺋﻪﺭﺯﯨﮕﯜﺩﻩﻙ ﺑﯩﺮ ﻧﯧﻤﻪ ﻳﺎﺯﻏﯘﭼﻪ ﻣﻪﻥ ﺩﯦﮕﻪﻧﺪﻩﻙ ﻗﯩﻠﯩﭗ ﺗﯘﺭﯗﯓ.
7. ﭘﺎﺕ – ﭘﺎﺕ ﺗﯧﻤﺎ ﻳﯧﺰﯨﭗ ﺗﯘﺭﯗﺵ ﺋﺎﺩﯨﺘﯩﻨﻰ ﻳﯧﺘﯩﻠﺪﯛﺭﯛﯓ. ﺋﻪﻣﻤﺎ، ﻳﯧﺰﯨﺶ ﺳﯩﺰﮔﻪ ﻳﯜﻙ ﺑﻮﻟﯘﭖ ﻗﺎﻟﻤﯩﺴﯘﻥ ، ﭼﯜﻧﻜﻰ ﺋﯩﻠﮭﺎﻡ ﺳﯩﻘﻤﺎﻕ ﻣﺎﻱ ﺋﻪﻣﻪﺱ ﺳﯩﻘﺴﺎﻕ ﭼﯩﻘﯩﯟﯦﺮﯨﺪﯨﻐﺎﻥ.
8. ﺋﯚﮔﯩﻨﯩﺸﻜﻪ ﻣﺎﮬﺮﻯ ﺑﻮﻟﯘﯓ . ﻧﯧﻤﯩﮕﻪ ﺩﻩﻣﺴﯩﺰ؟ ﺑﺎﺷﻘﯩﻼﺭﻧﯩﯔ ﺗﯧﻤﺎ ﻳﯧﺰﯨﺶ ﺩﯨﺘﻰ ، ﺗﯧﻤﺎ ﺗﺎﻟﻼﺵ ﻣﺎﮬﺎﺭﯨﺘﻰ ﺩﯦﮕﻪﻧﺪﻩﻛﻠﻪﺭﭼﯘ ، ﺑﯘﻻﺭﻧﻰ ﺋﯚﮔﯩﻨﯩﺸﻨﯩﯔ ﺑﯩﺮﺩﯨﻦ ﺑﯩﺮ ﺋﯘﺳﯘﻟﻰ ﻛﯚﭘﺮﻩﻙ ﺋﻮﻗﯘﺵ . ﺷﯘﯕﺎ، ﯞﺍﻗﺘﯩﯖﯩﺰ ﻳﺎﺭ ﺑﻪﺭﮔﻪﻥ ﺷﺎﺭﺋﯩﺘﺘﺎ ﺑﺎﺷﻘﯩﻼﺭﻧﯩﯔ ﺗﯧﻤﯩﻠﯩﺮﯨﻨﻰ ﺋﻮﻗﯘﭖ ﺗﯘﺭﯗﯓ. ﻛﯚﯕﻠﯩﯖﯩﺰ ﺗﺎﺭﺗﻘﺎﻥ ﺗﯧﻤﯩﻼﺭﻏﺎ ﻛﻪﻟﺘﯜﺭﯛﭖ ﺋﯩﻜﻜﻰ ﻛﻪﻟﯩﻤﻪ ﺋﯩﻨﻜﺎﺱ ﻳﺎﺯﺳﯩﯖﯩﺰﻣﯘ ﺗﯧﻤﺎ ﻳﯧﺰﯨﺶ ﻣﻪﺷﻘﯩﺪﯨﻦ ﺑﯩﺮﻧﻰ ﺗﺎﻣﺎﻣﻠﯩﻐﺎﻥ ﺑﻮﻟﯩﺴﯩﺰ …
9. ﻳﯘﻗﯩﺮﯨﻘﯩﻼﺭﻧﻰ ﭼﻮﻗﯘﻡ ﻗﯩﻠﯩﺸﻘﺎ ﺗﯩﺮﯨﺸﯩﯔ. ﻗﯩﻼﻟﻤﯩﺴﯩﯖﯩﺰ ﺗﻪﺭﺟﯩﻤﻪ ﻗﯩﻠﯩﺶ ﻳﻮﻟﯩﻨﻰ ﺗﯘﺗﯘﯓ. ﺑﻮﻟﺴﺎ ﺋﯧﻨﮕﯩﻠﯩﺰﭼﯩﺪﯨﻦ ﻗﯩﻠﯩﯔ، ﺑﻮﻟﻤﯩﺴﺎ ﺧﻪﻧﺰﯗﭼﯩﺪﯨﻦ ، ﺋﯘﻣﯘ ﺑﻮﻟﻤﯩﺴﺎ ﻗﺎﺯﺍﻗﭽﻪ ﺑﻮﻟﺴﯩﻤﯘ ﺑﻮﻟﯩﺪﯗ. ﺋﯩﺸﻘﯩﻠﯩﭗ ﺑﯩﺰﻧﯩﯔ ﺗﯩﻠﯩﻤﯩﺰﻏﺎ ﻳﺎﺕ ﺑﻮﻟﻐﺎﻥ ﺑﯩﺰ ﻛﯚﺭﯛﺵ ﺷﺎﺭﺋﯩﺘﯩﻐﺎ ﺋﯩﮕﻪ ﺑﻮﻟﻤﯩﻐﺎﻥ ﺗﯧﻤﯩﻼﺭﻧﻰ ﺗﻪﺭﺟﯩﻤﻪ ﻗﯩﻠﯩﭗ ﻳﻮﻟﻠﯩﺴﯩﯖﯩﺰﻣﯘ ﺑﻮﻟﯩﺪﯗ. ﺑﯘ ﺟﻪﺭﻳﺎﻧﺪﺍ ﺗﯧﻤﺎ ﻳﯧﺰﯨﺸﻨﯩﯔ ﺩﯨﺘﯩﻨﯩﻤﯘ ﺋﯚﮔﯩﻨﯩﭗ ﻗﺎﻟﯩﺴﯩﺰ !
10. ﺋﻪﮔﻪﺭ ﺗﻪﺭﺟﯩﻤﯩﮕﯩﻤﯘ ﺑﻮﻟﻤﯩﺴﯩﯖﯩﺰ، ﻛﯧﺘﺎﺏ، ﮔﯧﺰﯨﺖ – ﮊﯗﺭﻧﺎﻟﻼﺭﺩﯨﻦ ﺑﻮﻟﯩﺪﯨﻜﻪﻥ ﺩﯦﮕﻪﻥ ﺗﯧﻤﯩﻼﺭﻧﻰ ﺋﯘﺭﯗﭖ ﻳﻮﻟﻼﯓ. ﺋﻪﻣﻤﺎ، ﻧﻪﺷﯩﺮ ﮬﻮﻗﯘﻗﯩﻐﺎ ﺩﻩﺧﻠﻰ ﻳﻪﺗﻜﯜﺯﯛﭖ ﻗﻮﻳﯘﺵ ﺗﯜﭘﻪﻳﻠﻰ ﻛﯧﻠﯩﺪﯨﻐﺎﻥ ﺧﻪﯞﭘﻨﻰ ﻛﯚﺗﯜﺭﯛﺷﭽﺎﻥ ﺑﻮﻟﯘﺷﯩﯖﯩﺰ ﻛﯧﺮﻩﻙ.
ﺋﻪﯓ ﺋﺎﺧﯩﺮﯨﺪﺍ ﺳﯩﺰﻧﯩﯔ ﺗﯧﻤﺎ ﻳﯧﺰﯨﺸﺘﺎ ﺗﻮﺧﺘﯩﻤﺎﻱ << ﻳﯜﻛﺴﻪﻝ >> ﯨﭗ، ﻛﺎﺗﺘﺎ ﻳﺎﺯﺍﺭﻣﻪﻧﻠﻪﺭﺩﯨﻦ ﺑﻮﻟﯘﭖ ﭼﯩﻘﯩﺸﯩﯖﯩﺰﻏﺎ ﺗﯩﻠﻪﻛﺪﺍﺷﻤﻪﻥ!
