ئەسسالامۇ ئەلەيكۇم، تورداشلار!
ئالدى بىلەن بارلىق تورداشلارنىڭ نورۇز بايرىمىنى بارچە گۈزەل تىلەكلەر بىلەن قىزغىن قۇتلۇقلايمىز، ھەممەيلەننىڭ نورۇز بايرىمىغا مۇبارەك بولسۇن!
«ئەلداۋا ساغلاملىق ئېكرانى» پروگراممىسىنى نورۇز پەيتىدە تورداشلار ھوزۇرىغا سۇنىدىغانلىقىمىز ھەققىدە تور، رادىئو-تېلېۋىزىيە قاتارلىق تاراتقۇلاردا كۆپ قېتىم ۋەدە بەرگەن ئىدۇق. بۈگۈن مانا شۇ قۇتلۇق مىنۇتلاردا «ئەلداۋا ساغلاملىق ئېكرانى» پروگراممىسىنىڭ تۇنجى سانىنى تورداشلارنىڭ ھوزۇرىغا نورۇزلۇق سۈپىتىدە سۇندۇق.
شارائىتنىڭ چەكلىك، تەجرىبىمىزنىڭ كەمچىل بولۇشى تۈپەيلى تورداشلار بىزدىن كۈتكەن ئۈنۈم ۋە سۈپەتكە يېتەلمىگەن بولۇشىمىز مۇمكىن. ئەمما، بىز بۇندىن كېيىن تەجرىبىلەرنى ئەستايىدىل يەكۈنلەپ، شارائىتىمىزنى پەيدىنپەي ياخشىلاپ، «ئەلداۋا ساغلاملىق ئېكرانى» نى ساغلاملىق سۆيەر تورداشلارنىڭ ھەقىقى سىرداش دوستى بولۇشقا يارايدىغان، مۇنەۋۋەر تور ئىكرانى پروگراممىسى قىلىپ ئىشلەپ چىقىشقا تىرىشىمىز! سىزنىڭ قوللىشىڭىز، رېغبىتىڭىز، تەكلىپ-تەنقىدلىرىڭىز بىز ئۈچۈن تولىمۇ قىممەتلىك، ئەلۋەتتە.
كامالىي ئېھتىرام بىلەن
2012-يىلى 3-ئاينىڭ 21-كۈنى
مەنبە: يۈكسەل بلوگى ، يازما : تورداشلارغا نورۇزلۇق – ئەلداۋا ساغلاملىق ئېكرانى
يۈكسەل ئەپەندىم، نوۋرۇز بايرىمىڭىزغا مۇبارەك بولسۇن! يېڭى بىر يىلدا تېخىمۇ يېڭى-يېڭى ئۇتۇقلارغا ئېرىشكەيسىز! مەن ۋە بارلىق غۇلجىلىق تۇققانلىرىڭىز سىزگە چىن كۆڭلىمىزدىن تىلەكداشمىز!
ئەسسالامۇ ئەلەيكۇم، غۇلجا دىيارىدىكى ئەنۋەر «داموللا قارىھاجىم» باشچىلىقىدىكى بارلىق ئۇرۇق-تۇغقانلارغا سېغىنىشلىق سالام!
سىلەرنىڭ دۇئايى-تېلەكلىرىڭىلارنىڭ بەركاتىدا ئىشلىرىمىز ئوبدان يۈرىشىۋاتىدۇ، رەھمەت!
يە چۆچۆ پىشىپ قالدى، مەۋزىگە كەلمەملا يۈكسەل بەي!
بۇ ھەقىقەتەن ئېسىل باشلىنىش بولۇپتۇ ، ئۇيغۇر تورچىلىقىدىكى يېڭى بىر بوشلۇق سىلەرنىڭ ئەجرىڭلار تەرىپىدىن تولدۇرۇلۇپ مېڭىلىۋاتىدۇ ، يۈكسەل بلوگى شۇنداقلا ئەلداۋا ساغلاملىق تورىنىڭ بۇندىن كىيىنكى ئىشلىرىنىڭ تېخىمۇ مۇۋاپىقىيەتلىك بولۇشىغا تىلەكداشبىز!
بۇ بەك ياخشى ئىش بولدى،داۋاملىق مۇشۇنداق پروگراممىلارنى داۋاملىق ئورۇنلاشتۇرۇپ بەرسەڭلار بىز تېخىمۇ كۆپلىگەن بىلىملەرنى بىلىۋالاتتۇق،ئەجرىڭلەرگە كۆپ رەھمەت،بۇ قېتىمقې زىيارەت مەندەك بالىسى كىىچىكلەر ئۈچۈن بەك بەلەن ئىش بولدى،گەرچە ۋاقىت قىسقا بولسىمۇ