بارخاندىن ئاۋاز _ ئەزىز ھېيت [ئۇلانما كۆچۈرۈش]

              تارىمنى  بويلاپ

              ئەزىز ھېيت كۈن


             مەۋجۇتلۇقنىڭ  كۆزىدە
              ساھىلدا تەنھا  تۇرغان مەن ئەمەس،
             بەلكى توغراققا يانداشقان بىر توغراق.
             توغراقلار سەپداشلىق تۇيغۇسى بىلەن
             ماڭا تىكىلىپ قاراشتى ئۇزاق.
             جىمجىتلىقتا تۇتىشىپ كەتتى كۆڭلىمىز
             كەڭ ۋادىدا بولدۇم بىساناق.

            
              يېشىل كارىدۇرمەن تەكلىماكاندا        
              يۈرىكىم –تارىمنى بويلاپ سوزۇلغان.
              ئاققىنى سۇ ئەمەس تۈگىمەس سۆيگۈ
              ھاياتلىققا يېڭى جاننى ئۇلىغان.
              سۆيگۈدە يۆتكەلگەن تاغلارنىڭ روھى
               تۆرەلگەن قەددى تىك ئۆسۈملۈك،ئورمان.
              ئۆركەشلەپ تالمىدى قۇم دولقۇنلىرى
              مەن-يېشىل سېپىلدىن ئۆتەلمەي ھەرئان.
              ئىلاھى ئورمانمەن چۆللۈك ئىچىدە
              مىليۇن-مىليۇن  يىللار زەپەردەس تۇرغان.
              خوتەندىن تا لوپنۇر ۋادىسىغىچە
               قاپ بەلدىن بۆلۈكلىك شۇڭا باياۋان.

               سۆزلىرىم -يوپۇرماق پىچىرلىشىدا،
               زىمىن سۆزى –دەريا شاۋقۇنلىرىدا.
               دەشتكە ۋاقىرغان ئاسماننىڭ قەلبى-
               تەسىرلىك كۆز يېشى-يامغۇرلىرىدا.
               
               تۇيۇقسىز قايتىپ كەلدىم ئۆزۈمگە
               جىرىڭلاپ ئۆچكە بوينىدا قوڭغىراق،
              كۈلۈمسىرىدى كۆمۈش ساقاللىق بىر بوۋاي
               تۇرىدۇ  گىرۋەكتە كەپە ۋە بىر قولۋاق.
               ئويلاپ قالدىم : شۇ بوۋاي كەلگۈسىدىكى مەنمۇ؟
               ياكى مەن شۇ بوۋاينىڭ قىران چېغىمۇ؟
               قارىسام بوۋاي خىزىردەك كېتىپتۇ يوقاپ.
               قايتماقچى بولساممۇ كەلگەن يولۇمغا
                توغراقزارلىق مېنى قۇچاقلىۋېلىپ
                چىلان رەڭ تۇپراق تاپىنىمنى سۆيىۋېلىپ،
                كېتەلمىدىم قەلبىمدىكى توغراقزاردىن ئۇزاپ.
         

          ئون  بىر ھىكمەت

             ئەزىز ھېيت كۈن  


   ئەلا بىل  تىرىكلىك -ساقلىق قەدرىنى.
    ھۆر ھايات باھارى-ياشلىق  قەدرىنى.
   ئار-نومۇس جاندىن ئەزىز ھەم مۇققەدەس،
    بىل  ئۇ يوقالماستا پاكلىق قەدرىنى.
    قاق سەنەم  ئادەم  قاچان بولغان  تىرىك؟
    بىل گاداي بولماستا  بايلىق  قەدرىنى.
    گال،قولى پاكىز كىشى رەسمى خىزىر،
    مەڭگۈ ئۇلۇغ بىل ھالاللىق  قەدرىنى.
    پۇقرالىق-ھۆرلۈكىڭدۇر ،-شاھلىق گويا
    بىلكى قۇل بولماستا شاھلىق قەدرىنى.
    توپتا ئۇچقان  تۇرنىغا  كەلمەس خەتەر،
    تەنھا  قۇشتىن  بىل  ئىناقلىق قەدرىنى.
    سۇ ئىچەر كۆڭۈل كۆڭۈلدىن  ھەر قاچان،
     بىل جۇدا بولماستا  يارلىق قەدرىنى.
     پەيتى كەلسە بەك زۈرۈردۇر  يىڭنىمۇ،
     خار دىمە،بىل بارچە بارلىق  قەدرىنى.
     ياشىماق تەتۈر بىلەن، دوزاق گويا
      بىل يىراق قاچماستا، ئاڭلىق قەدرىنى.
     ئۆلۈم-ئازاپ، دىدار-شادلىق بىز ئۈچۈن،
      بىل ئازاپ  سۆيمەستە شادلىق  قەدرىنى.

                 بىخ ناخشىسى

               ئەزىز ھېيت كۈن


          مەن- چوغ،قاخشال ياغاچتا  پورەكلىگەن قىزىل گۈل.
          مەن –بىمارنىڭ كۆزىدە يېنىپ تۇرغان ئاجىز ئۈمىد.
          مەن-مەن دۇنياغا كۆز ئاچقان  مەسۇم  بوۋاق.
          مەن-ئۇلۇغ دەريانىڭ بېشى –سۈزۈك  بۇلاق.
          مەن-چولپان،تاڭدا  يېنىپ تۇرغان قىزىل چوغ.
          مەن-سەبىلەرنىڭ  كۆزىدىكى شوخ  نۇر.
         مەن-دۇنيانىڭ كىچىك شولىسى-تەڭگە پۇل.
         مەن-قاراڭغۇلۇقتا ئېتىلغان تۇنجى زەررە نۇر.
         مەن—يېشىل رەڭلىك پەرىزات-باھارنىڭ ساپ كۈلكىسى.
         مەن-جاسارەتنىڭ  قورام تاشنى  چېچەكلىتىشى.
         مەن-ئادەملەرگە  يول باشلىغان ئارزۇ.
         مەن-ھايات ناملىق كىتاپقا قويۇلغان ماۋزۇ.
         مەن-مۇقەددەس زىمىننىڭ چىمدىم توپىسى.
         مەن-دانالارنىڭ  ئەڭ  دەسلەپكى خىيالى.
         مەن-جىمى بەختنىڭ     يىلتىزى.
         مەن-خوشاللىقنىڭ باشلانغان جايى.
         مەن-ئەتىنى يورۇتقۇچى نۇر.
         مەن-يۈرەك،گۆش رەڭلىك چوغ.
         مەن-جۇشقۇن بوۋاينىڭ روھىدىكى ياشلىق.
         مەن –غەلبىنىڭ  بىرىنچى ئوقى.
         مەن-ئەبەدىي ھاياتلىق بوسۇغۇسى.

         ئېسىل  ئادەم  قەسىدىسى
                   ( مەسنىۋى)

             ئەزىز ھېيت كۈن


  ئۆتتى ئالتۇندەك ئادەملەر نۇرانە  ئىز قالدۇرۇپ.
  تۇرىدۇ تاڭدەك سىماسى قەلبىمىزدە  نۇرلۇنۇپ.

ئەل-ۋەتەننىڭ ئۈمىدىدۇر  ساپ،ئېسىل –ئالتۇن ئادەم.
جانغا جان ئۇلاشتا  ئۇلار  ئەل  ئۈچۈن  مەۋجۇت  ھاتەم.

دەلمۇ-دەل  بولار  ئۇلارنى  باھاسىز  تىللا  دىسە.
يەرگە ئاپتاپ،دىلغا  مېھىر، كۆزگە  تۇتىيا  دىسە.

ئاتىلار بار كارامەت  خىزىرغا  ئۇستاز  بولغاندەك.
ئانىلار بار بەك ئۇلۇغ  ئومايغا  ئەنداز  بولغۇدەك.

مۇققەدەس  ئالتۇن زىمىندا  ئۆتتى  ئۇلۇغلار  ياشاپ،
كۆرىمىز ھەر چاغ بۈيۈك  قەددىنى  تاغلارغا قاراپ.

بەكمۇ  يۈكسەك پەللىدۇر  بولماق ئۆزى، قەلبى ئېسىل.
بايقىلار  مۈشكۈل سىناق-ئۆتكەلدە  ھەققىقى  ئېسىل.

بەكمۇ تەس ئۆمۈر  بويى دۇرۇس ۋە ھالال  ياشىماق.

مەڭگۈلۈك كاتتا  مىزاندۇر تىلدا-دىلدا  ئوخشىماق.

بارچە ھايۋاننىڭ  ئىچى تېشىدا  نەق  ئايان  بولار.
تىلى ھەسەل لەنىتىلەر  غەرىزى  پىنھان  بولار.

زىل ۋاقىت –غەلۋىر گويا  ھەر كىم  ئۆتىدۇ  تاسقىلىپ.
قۇم بىلەن ئالتۇن چىقار دانىمۇ –دانە ئايرىلىپ.

ئادىمىيلىككە  ئورالغان  كىشى چىن  ھۆرمەت  تاپار.
ئالى جاناپلىقىدىن ئالتۇن  كەبى  قىممەت تاپار.

يېڭى يەر- مەسۈم  كۆڭۈلدە  ئۆسكۈسى گۈل يا تىكەن.
يېتىلەر  قالتىس ئوغۇل-قىز  روھنى  سىڭدۈرمەك  بىلەن.

تاغ كەبى  بولدى ئۇيۇل ھىملەنسە  ئالتۇن  ئۇۋىغى.
قىلدى ئاق دىلنى  ئالەمچە  كەڭ  ئېسىل روھ  بۇلىغى.

ساپ، ئېسىل  روھ  شەنى  ئۈچۈن  مەڭگۈ  بولماس سۆز تامام.
چىن ئېسىل زاتلار شۇ  روھنى  قىلغۇسى ئۈزمەي داۋام.


بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:17  

       كۆرۈنمەس ھاڭنىڭ ئېيتقانلىرى  


           ئەزىز ھېيت كۈن

                                                      
       پەرقىم  يوق  دىسە ئورنى يەتمەيدۇ،
         تەڭ بولاي دىسە بويى يەتمەيدۇ،
         كۆرىشەي دىسە قولى يەتمەيدۇ،
         كەڭ خەجلەي دىسە پۇلى يەتمەيدۇ،
         پەستىكى جىلغا –ئاددى خەلقنىڭ.

         پەشتاقتۇر رەت-رەت دەرىجە دىگەن،
         بىر مۈرىگە بىر سۆڭگەچ مىنگەن.
         ئىگىزگىچە شۇنداق ئۆرلىگەن،
         بېشىغا زور تاغلار يۈكلەنگەن
         پەستىكى جىلغا –ئاددى خەلقنىڭ.
        
         «چاكارلىرى» بار بەگ قىياپەتلىك
         تۆردىن چۈشمەس چوڭ ئىناۋەتلىك،
         ۋالى،ھاكىمغا خاس سالاپەتلىك،
         گېپى ئۆتكۈر تىغدىن دەشھەتلىك
         پەستىكى جىلغا-ئاددى خەلقنىڭ.

       «چاكارلىرى»غا تىل –ئۈنى يەتمەس،
        ھەر پەشتاق قېلىن ئۈن-ئاۋاز ئۆتمەس.
       «چاكارلار» ئىگىز،«خوجايىنلار» پەس،
        ئالماشقان نامى قىل توغرا ئەمەس،
        پەستىكى جىلغا-ئاددى خەلقنىڭ.

        نىيەت،كوڭلى تۈز،مىجەزىدۇر قوي،
        يوقتۇر ھارامنى يۇتاي دىگەن ئوي،
         سايىسى ئېتىز ئاغدۇرۋاتقان ئۇي،
        چىلىق ھۆل تەردۇر ئۈستىۋېشى-بوي،
         پەستىكى جىلغا –ئاددى خەلقنىڭ.

        كۆڭلى ئالقىشلار « ئۆسەي» دىگەننى،
        توغرا چۈشىنەر غۇلاپ چۈشكەننى.
        قىلچە ئايىماس تاپقان-تەرگەننى،
        ئۆزىگە قوشار يەكلەنگەننى،
        پەستىكى جىلغا –ئاددى خەلقنىڭ.

        روھى-زىمىندۇر تاغنى ئۆستۈرگەن،
        ئىگىز ئۆرلىتىپ كۆككە كۆتۈرگەن،
        غەزپىن قوزغىسا تىز دۈم كۆمتۈرگەن،
        ئۆرلەش،چۆكۈشكە ساۋاق يەتكۈزگەن،
        پەستىكى جىلغا –ئاددى خەلقنىڭ.
              
بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:13  

                          ئۇيغۇر نېنى

                          ئەزىز ھېيت كۈن


               نان دىسە ئەسكە كېلەر ئۇيغۇر تەبى.
               بەلگىدۇر ئۇيغۇرغا نان دوپپا كەبى.
               بۇ جاھاندا بىرلامەن-ئۇيغۇر نېنى.
               شۇڭا مەندىن سۆيۈنەر ئۇيغۇر جېنى.
               بارسا ئۇيغۇر نەگە دەل شۇ يەردەمەن.
               نام قازاندىم تونۇلۇپ چەتئەلدەمەن.
               مېنى چەتئەللىكمۇ تەملىككەن دىدى.
               مەن بىلەن تارالدى يۇرت- ۋەتەن ھىدى.
               قۇرىغار-شىنجاڭ ئەۋەتكەن سوغامەن.
               يەتكۈزۈلدۈم ھەتتا تورىنتوغامەن.
               قولىغا ئالغاندا ھەر ئۇيغۇر مېنى
               ھاياجاندا تىترىدى ۋۇجۇد-تېنى.
               قۇرىغارنى ئەسلىدى ماڭا قاراپ،
              يۈرىكى بولدى  تارىمدا بىر كاراپ...
               مېنى ئاياپ ساقلىدى گۆھەر كۆرۈپ،
               يۇرتنى ئەسلىگەندە كۆزىگە سۈرۈپ.
               تىلىدى ئەل-يۇرت،-ۋەتەنگە خەيىر ئېسەن،
               قەلبىدە سالامىنى يوللاپ تۈمەن.
               بەلگەمەن،چىڭ رىشتەمەن ئۇيغۇر ئۈچۈن.
               دىل پۈتۈن،زىمىن پۈتۈن،مەنمۇ پۈتۈن.



               قۇرىغار كەڭرى ماكان،ئوتلۇق ماكان.
               تەپتى ئەڭ قىززىق تونۇرغا ئوخشىغان.
               ئېغىزى- لىگەن كەبى ئاسمان ئۇنىڭ.
               گۈمبىزى يەنە كۆپ-كۆك ئاسمان ئۇنىڭ.
               بىر توغاچ-نۇرلۇق قۇياش ،ئالەم قاچان؟
               بىنا بولسا يېقىقلىق شۇندىن بۇيان.
               قۇرىغار ئەلمىساقتىن گويا تونۇر،
               نان-قۇياش تۆكەن ئۇنىڭغا سۆيگۈ نۇر.
               سۆيگۈدە ئىللىپ زىمىن،ئېرىپ زىمىن،
               كۈلدى ھاياتلىق ،گىياھ ئىلگىر-كىيىن.
               ئىرا ئۆتۈپ،كەلدى ئادەم زامانى.
               بولدى بۇ جاي كۈنپەرەس قام ماكانى.
               قام-شامانلار بىلەتى كۆكنى ئۇلۇغ.
               كۆك ئارا نۇر ئىلاھى-كۈننى ئۇلۇغ.
               ئۆتتى ئۇلار كۆكنى چىن قىبلە قىلىپ
               كۆكتە ئىلاھ كۈنگە دەل سەجدە قىلىپ.
               ئۆتتى ئىرا،دەريادەك ئاقتى زامان،
               نۇر ئىمىپ ياشنىدى بۇ ئوتلۇق ماكان.
               بۇ ئالەم كۈن نۇرىدا ئەسلى تونۇر.
               بۇ ماكان تونۇر ئىچىدە بىر تونۇر،



               قالغىنى ئۇيغۇرغا  بەش قولدەك  ئايان....
               ئەيلىمەي شۇڭا ئۆزۈمنى  مەن  بايان.

بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 14:57  

                 بىر   كۆرۈپ

                  ئەزىز ھېيت كۈن


        ھۆسنىڭىزنى  بىر كۆرۈپلا  تاڭ  قالدىم،         
        قېتىپ قالغان ئەينەك بولدى كۆزلىرىم.        
       ئۆزۈم تۈگۈل ئۇنۇتتۇممەن  دۇنيانى،      
        ئەسىر بولدى سىزگە ئوتلۇق  يۈرىكىم.  

        سىز يۇلتۇزمۇ؟سىز ماگنتمۇ؟ سىز  چوغمۇ؟      
        يا مەن ئۈچۈن يارالغان بىر  سېھرىگەر؟         
        بەك يېقىملىق  تاڭدەك  نۇرلۇق  چېھرىڭىز،        
         سىياقىڭىز  قىزىل   گۈلدەك جىلۋىگەر.

        مەن ئەزەلدىن  سىزدەك پەرى  كۆرمىگەن،      
       كۆرەلمەسمەن  بەلكىم  كۆزۈم   يۇمغىچە.      
        سىز  چىن ھايات   ياشاۋاتقان  پەرىزات،         
        كۆرەي دەپمۇ   كۆرەلمىدىم   قانغىچە.   

       مەلۇم ئەمەس تۇيغۇم سىزگە  قىلچىلىك،     
       كۈيۈپ قالدىم  سىزگە پەقەت  يوشۇرۇن.         
       بەكمۇ تاتلىق،بەكمۇ ئاچچىق بۇ ئازاپ،         
       ئالسام دەيمەن  قەلبىڭىزدىن مەن ئورۇن.                     

بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:15  

      توشقان گويا  قىزنىڭ يۈرىكى

          ئەزىز ھېيت  كۈن   
      
       توشقان گويا قىزنىڭ يۈرىكى      
       شوخ تېپىدۇ تىنماي سەكرەيدۇ.           
       ئويناپ تۇرغان شەھلا كۆزلىرى            
       نۇرغا ئوخشاش ھەريان يۈگرەيدۇ.   
      
        توشقان گويا قىزنىڭ يۈرىكى   
        يىگىتلەرگە ئارام بەرمەيدۇ.         
        قىز قىزىرىپ يەرگە باققىچە،         
        مۆكۈش ئۈچۈن ھەريان يۈگرەيدۇ.
     
        توشقان گويا قىزنىڭ يۈرىكى
        قىز كۆزىدە ئوتلۇق سۆزلەيدۇ.        
        سۆيگۈ ئۈچۈن ئايدىڭ كېچىدە،              
         قىزدىن ئاۋال ھەريان يۈگرەيدۇ.   
      
        توشقان گويا قىزنىڭ يۈرىكى،            
         تىنچلىنىشنى ئەسلا بىلمەيدۇ.              
        قىز قاچسىمۇ يىگىت كۆزىدىن            
        كۆڭلى قىلچە يىراق كەتمەيدۇ !      

بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:19  

               ئاپپئاق كۆينەك كەيگەن  قىز

              ئەزىز ھېيت كۈن


         ئۆتتى ئاپپئاق  كۆينەك  كەيگەن قىز،     
         چوڭ رەستىدە نۇر ياغدۇرۇپ چېھرىدىن.  
         يارىشىپتۇ  قامىتىگە   كۆينىكى،     
         كەتمەس خۇشخۇي تەبەسۈممى يۈزىدىن.  
   
         قەدەملىرى زەپمۇ يەڭگىل سالقىن شامالدەك،
        بېقىشلىرى خوشال كۈلگەن  گۈللەردەك.      
         يەلپۈنىدۇ نازغىپ  سۇمبۇل  چاچلىرى،     
        مېڭىشلىرى بەك چىرايلىق  كەپتەردەك.
   
        تالدەك نازۇك， زەپ  ئىنچىكە بەللىرى،   
         غۇنچە بويدۇر گۈزەل قەددى-تەنلىرى.   
         پورەكلىگەن قىزىل  گۈلنى ئەسلىتەر،     
         تەبەسۈمدا  يۇمۇلمىغان  لەۋلىرى.   

        ئۆتتى ئاپپئاق كۆينەك كەيگەن قىز،        
         ئۇ،كۆزۈمگە بىر پەرىزات كۆرۈندى.        
        زەپ يېقىملىق زەپ نۇرانە شۇ قىزدىن،      
        كۆڭلۈم  يايراپ بۆلەكچىلا سۆيۈندى.                    

بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:20  

             شوخ نۇر ئوينار  شەھلا  كۆزلەردە   

         
                    ئەزىز ھېيت كۈن


              شوخ نۇر ئوينار شەھلا كۆزلەردە     
              چاچراپ كېتەر مۈگدەپ قالغانلار         
              ئويغىنىپ كېتەر ۋۇجۇت ،كۆڭۈلدە              
              بېسىلىپ قالغان شىرىن ئارمانلار.   
      
              شوخ نۇر ئوينار شەھلا كۆزلەردە   
             يۈرەكلەرگە چوغنى ياققىدۇ.        
             كۆيمەس جاننىڭ نىمە كېرىكى ؟               
              ئاشىق يارغا ئۆزىن ئاتىدۇ.   
   
              شوخ نۇر ئوينار شەھلا كۆزلەردە،   
              ئۇ تەگكەندە يۈرەك يايرايدۇ.      
              كىرىپ كېتىپ شەھلا كۆزلەردىن        
              تومۇرىدا  سەلدەك يامرايدۇ.   
  
            شوخ نۇر ئوينار شەھلا كۆزلەردە               
            ئەسلىتىپ ئوخچۇپ تۇرغان بۇلاقنى.            
            ماگنت بولۇپ تارتار ئۆزىگە،              
            ئوتلۇق لەۋنى،ئاتەش قۇچاقنى.
بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:22  

                        گۈزەلگە   

                       ئەزىز ھېيت كۈن

   
            مەپتۇن قىلدى مېنى گۈزەل ھۆسنىڭىز،  
            قەلبىمدىكى تۇلۇن ئايدۇر  يۈزىڭىز.      
           نۇر بۇلىقى بىر جۇپ ئوتلۇق كۆزىڭىز،   
           مېنىڭ ئۈچۈن بىر پەرىزات ئۆزىڭىز.
   
            سىز نىمانچە يېقىملىق ۋە مۇلايىم؟      
           يورۇتتىڭىز تەبەسۇمدا  كۆڭلۈمنى      
           رەستىلەردە سىزنى ھەر بىر كۆرگەندە،      
           چېھرىڭىزدىن ئۈزەلمىدىم كۆزۈمنى.   

           سىزگە كۆز ۋە تىل تەگمىگەي ئەي گۈزەل         
          سىز ھايالىق،نازاكەتلىك بىر دىلبەر.      
           ماڭا يوقتۇر سىزدىن گۈزەل نازىنىن،        
           تىلىمدىن سىز ئۈچۈن ئۈنچە تۆكۈلەر.

           مەن خوشالمەن سىزگە شادلىق جۆر بولسا،  
           چىرايىڭىز پورەكلىگەن گۈل بولسا.   
           خوشاللىقتىن بېشىم كۆككە يېتەتى،      
           بىز –ئىككىمىز خۇش ئۇچراشقان كۈن بولسا.                           

بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:24  

ئەزىز ئەپەندى، ئىملاغىمۇ دىققەت قىلىپ قويۇڭ. ئۇندىن باشقا بەزى مەسنەۋى، غەزەللىرىڭىزدە سەل چىگىت چېقىش بار.
بەزى شېئىرلىرىڭىزنىڭ مىسرالىرى تازا ياخشى ئەمەس...دىققەت نەزىرىڭىزنى ئاغدۇرغايسىز...

                 قىزلار كۆزى  سۆيگۈ سورايدۇ

                     ئەزىز ھېيت كۈن


                گۈزەل قىزلار باغدا ئوينايدۇ            
                سۈزۈك سۇدا چاچنى تارايدۇ.               
                شەھلا كۆزى بەك شوخ قارايدۇ                  
                گۈل بويىدىن ئەنبەر تارايدۇ.      
                گۈزەل قىزلار نىمە ئويلايدۇ ؟   
                قىزلار كۆزى سۆيگۈ سورايدۇ !   


               گۈل باغلارنى كېلەر كۆرگۈسى،           
               ۋىلىقلىغان بۇلاق كۈلكىسى           
               باردۇر خۇشبۇي گۈلنى ئۈزگىسى         
               كېلەر جاننى ئېلىپ قويغۇسى              
               گۈزەل قىزلار نىمە ئويلايدۇ ؟      
               قىزلار كۆزى سۆيگۈ سورايدۇ   
   
               گۈل باغلارنى كۆرۈپ،ئارىلاپ،  
               كاككۇكتەك زىل كۈلكىسى ياڭراپ.   
               خۇشلىغىدا  ئېچىلىپ ئويناپ         
               يىگىتلەرگە تەلپۈنۈپ قاراپ   
                گۈزەل قىزلار نىمە  ئويلايدۇ ؟      
               قىزلار كۆزى سۆيگۈ  سورايدۇ

               توي -مەشرەپكە بېرىپ بەس-بەستە
               لەرزان ئۇسۇل ئويناپ  ھەۋەستە.                  
               كۆز چاقنىتىپ  ئەتلەس كۆينەكتە،               
               ئوت ياندۇرۇپ ياش-ياش يۈرەكتە.   
               گۈزەل قىزلار  نىمە   ئويلايدۇ ؟   
               قىزلار كۆزى سۆيگۈ سورايدۇ !


               يىگىتلەرگە  گۈلدەك كۆرۈنۈپ،               
               يۈرىكىگە  چوغ تۆكۈلدۈرۈپ،                     
               گاھ ئازاپلاپ،گاھى كۈلدۈرۈپ،                 
               بىر ئۆلتۈرۈپ،مىڭ تىرىلدۈرۈپ،               
               گۈزەل قىزلار نىمە ئويلايدۇ ؟         
               قىزلار كۆزى سۆيگۈ سورايدۇ !                       

بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:27  

           كۈلۈپ كەلسە  

          ئەزىز ھېيت كۈن   

      كۈلۈپ كەلسە ماڭا قاراپ شۇ گۈزەل   
      دىلغا خۇشلۇق دەريا بولۇپ قۇيۇلدى.  
      شۇ پەرىزات ماڭا گۈزەل بىر ئالەم ،   
     تۇيغۇمدىكى جەننەت بولۇپ تۇيۇلدى.

       شۇ تەبەسۇم-شادلىغىمنىڭ  بۇلىغى،
       ئۇندىن تاڭلار تۇغۇلىدۇ  كۆڭلۈمگە.      
       شۇ تەبەسۇم-يورۇتقاچقا كۆڭلۈمنى،   
       جاھان گۈزەل كۆرۈنمەكتە كۆزۈمگە.

       شۇ تەبەسۇم- ئەڭ  يېقىملىق ماڭىلا،  
       تەڭ ئەمەستۇر ھەتتا قۇياش  كۈلكىسى.
       شۇ تەبەسۇم-مەنا بېرەر  ئۆمرۈمگە،  
       ئۇ،پاك قەلبنىڭ تەبى،گۈزەل سەزگۈسى.

         كۈلۈپ كەلسە  كۆڭلۈمدىكى شۇ پەرى،
         كۆڭلۈم شۇئان كۈلكىسىگە قوشۇلدى.   
        ئەڭ يېقىملىق،ئەڭ لەززەتلىك بىر تۇيغۇ،
         يۈرىكىمدە تۇنجى قېتىم  تۇغۇلدى.                     

بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:29  

                   سالقىن شامالغا

                    ئەزىز ھېيت كۈن

         سۈزۈك تاڭنىڭ راھەت بەخش  شامىلى،
          خوشال سەگىت،جىمجىت، دىمىق كېچىنى.     
          ساڭا تەشنا ئۇيقۇدىكى بىر گۈزەل،
          سىلاپ ئۆتكىن ئايدەك نۇرلۇق يۈزىنى.
  
          سۈت ئۇيقۇدا  شۇ يېشىنگەن پەرىزات،   
         خۇش بۇي ئۇزۇن چاچلىرىنى يەلپۈپ قوي.
          پەقەت ماڭا سەن ئايلانغان چاغدىلا،   
          قىزىل گۈلدەك لەۋلىرىگە  سۆيۈپ قوي.

          قاردەك ئاپپئاق تەنلىرىنى يايراتقىن،   
          قېنىپ-قېنىپ ئېلىۋالسۇن ئۇ نەپەس.   
          شىرىن،گۈزەل چۈشلىرىنى بۇزمىغىن،   
         زىل ۋە تۇيغاق پەرىزات ئۇ بول پەخەس.  

         سەھەر قۇياش دېرىزىدە كۈلگەندە،  
         سەزدۈرمەستىن بەكمۇ ئاستا چىقىپ كەت.
         بۇ سۆزۈمنى شۇ جانانغا بىلدۈرمە،   
         مېنىڭ ئۈچۈن بىر ئۆزۈڭلا سېزىپ يەت.                  

بۇ يازمىنى ئاخىرىدا   ئەزىز ھېيت كۈن تەھرىرلىگەن. ۋاقتى  2012-4-12 16:30