دىيارى ئۇدۇندىكى كاتتا يىغىلىش، كاتتا دىلكەشلىك [ئۇلانما كۆچۈرۈش]

بۈگۈن يەنى 2012 – يىل 3 - ئىيۇن دىيارى ئۇدۇننىڭ مەركىزى گۈلباغ سودا مەركىزىنىڭ يان تەرىپىدىكى سەككىز قەۋەت سودا بىناسى ئالدىدا كاتتا بىر يىغىلىش ئۆتكۈزۈلدى. يىغىلىشنىڭ ساھىبخانى شىنجاڭ ئىرپان ئېلىكترون شىركىتىنىڭ باشلىقى، مەرىپەتپەرۋەر، ئىلىم سۈيەر، ئىلىمگەرلەرنى سۆيىدىغان كارخانىچى ئابدۇللا ئىرپان بولۇپ، بۇ پائالىيەتنىڭ مەقسىدى، خوتەن شەھەر مەركىزىدە ئىرپان ئېلىكترون شىركىتىنىڭ مەخسۇس سېتىش دوكىنىنىڭ تىجارەت باشلىغانلىقىنى تەبرىكلەش بولۇپ، ماھىيەتتە بۇ تەبرىكلەش، ئىرپان مەھسۇلاتلىرىنىڭ ئېلىكترون ساھەسىدىكى ئۇتۇقى بولۇپلا قالماي، بەلكى، ئىلىم ساھىبلىرى، خوتەندىكى تونۇلغان يازغۇچى شائىرلاردىن شۆھرەتلىك يازغۇچى نۇرمۇھەممەد توختى، تۇرسۇنجان مۇھەممەد، ئابدۇرېھىم زۇنۇن، مۇختار سۈپۈرگى، ئابدۇخېلىل ئابدۇخېۋىر، سادىر تۇرسۇننىياز ئۇدۇنلۇق، ئەركىن داۋۇت ئوغۇز... قاتارلىقلارنى پائالىيەتنىڭ ئەزىز مېھمىنى قاتارىدا كۈتۈۋېلىپ، ئۇلارنىڭ ئوبرازىنى نامايەن قىلىش ھېسابلىنىدۇ.
پائالىيەتتە ئالدى بىلەن ئابدۇللا ئىرپان يۇقىرى ناتىقلىق سەنئىتى بىلەن ئىخچام، مېغىزلىق قىلىپ، ئىرپان مەھسۇلاتلىرىنىڭ خەلقىمىز ئېلكترون ساھەسىدىكى ئېھتىياجىدىن قانداق چىققانلىقىدىن تارتىپ، ئىلىمنى قەدىرلەيدىغان روھقا ئىگە كىشىلىرىمىزگە قانچىلىك نەپ ئېلىپ كەلگەنلىكى، دۆلەت ئىچىدە ئازسانلىق مىللەتلەر ئېلىكترون مەھسۇلاتلىرى بويىچە 1- ئورۇنغا ئۆتكەنلىكىگە قەدەر نەتىجىلەرنى ئەسلەپ ئۆتتى. ئارقىدىن بۇ قېتىم خوتەندە ئېچىلغان مەخسۇس سېتىش دۇكىنىنىڭ، خوتەندەك ئۇيغۇر ئەڭ كۆپ جايدا مەخسۇس سېتىش دوكىنى بولماسلىق، باشقا دۇكان، كىتابخانىلارنىڭ بۈرجىكىدە سېتىش نوقتىسى ئېچىشقا خاتىمە بەرگەنلىكى، بۇندىن كېيىن مەھسۇلات تۈرلىرىنى يېڭىلاپ، مۇلازىمەتنى تېخىمۇ ئەلالاشتۇرۇپ، خەلىققە ياخشى خىزمەت قىلىدىغانلىقىدەك ئىرادىسىنى بىلدۈرۈپ ئۆتتى. ئاخىرىدا يىغىلغان يازغۇچى – شائىرلار، ئىلىمگەرلەرنىڭ قوللىشىغا رەھمەت ئېيتتى.
ئۇندىن كېيىن ئۇيغۇرلارنىڭ شۆھرەتلىك يازغۇچىسى، خوتەن خەلقىنىڭ مۆھتەرەم ئوغلى نۇرمۇھەممەد توختى سۆز ئېلىپ، ئىرپان شىركىتىنىڭ دىلكەشلىكىنى مۇئەييەنلەشتۈردى، مەھسۇلاتلىرىنىڭ خەلقىمىزگە نەقەدەر ئەمەلىي نەپ بەرگەنلىكىنى سۆزلىدى. نۇرمۇھەممەد توختى ئاكىمىز سۆزىدە: كىشىلەرنىڭ يېزىقنى خاتىرلىشى- خۇددى دەسلىپىدە دەرەخ قوۋزاقلىرىدىن، تېرىلەردىن، رەختلەردىن، ئاخىرىدا نىلۇندىن كىيىم كىيگىنىگە ئوخشاش، دەسلىپىدە تارشا پۈتۈكلەرگە، كېيىن تېرىلەر، رەختلەرگە ئاخىرىدا قەغەزگە خاتىرىلىنىشتىن ئۆتۈپ، ئېلىكتىرلىك خاتىرىلەشكىچە تەرەققىي قىلدى. ئىرپان لوغەتلىرى ئەدناسى نەچچە توملۇق ئۇيغۇر تىلىنىڭ ئىزاھلىق لوغىتىنى ئالقاندەك ئەسۋابقا سىغدۇرۇپتۇ. ئۇندىن باشقا نۇرغۇن ئىقتىدارلىرى باركەن... دەپ مۇئەييەنلەشتۈردى ھەم ئىرپان شىركىتىنىڭ مۇۋەپپىقىيەتلىرىگە بارىكاللا ئېيتتى.
ئارقىدىن دىيارى قاراقاشتىن كەلگەن ياش قەلەمكەش ئابدۇلھەمىد ياسىن ئۆزىنىڭ تۆنۈگۈن قولىغا تەگكەن، شىنجاڭ ئۇنۋېرسىتىتى نەشىرىياتى تەرىپىدىن نەشىر قىلىنغان «مۇھەببەتنىڭ تىنىقى» ناملىق ھېكايە – پوۋېستلار توپلىمىنى ئابدۇللا ئىرپانغا سوۋغا قىلدى. ئابدۇلھەمىد ياسىن سۆز قىلىپ، ئابدۇللا ئىرپان كارخانىچى بولۇپ قالماستىن ئىلىم تارقاتقۇچى، ئىلىم ئەھلىنى ھۆرمەتلەش سۈپىتى بىلەن مۇھەببەت تارقاتقۇچى، شۇڭا، مۇھەببەت بىلەن پۈتكەن «مۇھەببەتنىڭ تىنىقى» ناملىق توپلىمىمنى تۇنجى بولۇپ ئابدۇللا ئىرپانغا سوۋغا قىلىمەن، دېدى. بۇ سۆزنى ئاڭلىغان ئابدۇللا ئىرپان نەق مەيداندا ئابدۇلھەمىد ياسىن ئۆز مەبلىغى بىلەن چىقارغان يوقارقى كىتابتىن يىغىن قاتناشچىلىرىنىڭ ھەممىسىگە يەتكۈدەك مىقداردا سېتىۋىلىپ، يېغىنغا قاتناشقان بارلىق ئەدىپ، يازغۇچى، ئىلىمگەرلەرگە سوۋغا قىلىدىغانلىقىنى جاكارلىدى. ئاندىن چىرايىغا مەمنۇنلۇق كۈلكىسى يۈگۈرگەن ئەزىزلەرگە «مۇھەببەتنىڭ تىنىقى» ناملىق بۇ كىتابتىن بىردىن تارقىتىپ بەردى. بۇ ھاياجانلىق مىنۇتلاردا خوتەن دىيارىدىكى كەسكىن سۆزلۈك، تالانتلىق شائىر مۇختار سۈپۈرگى سۆز ئېلىپ، ئابدۇللا ئىرپاننىڭ مىڭ ئېغىز قۇرۇق سۆزدىن ئەلا ھەربىر ئەمەلىي ئىشلىرىغا يوقۇرى باھا بەردى.

خوتەن ھەققىدە مۇشۇنداقراق خەۋەرنى قاچان ئاڭلارمەن دەپ كۈتىۋاتقىنىمغا ئۇزۇن بولغان ئىدى. بۈگۈن ئوھ دېدىم. خوتەن خەلىغىنىڭ ئەقىل چىرىغى مەڭگۈ پارلاپ تۇرسۇن. ئابدۇرېشىت ئەلى ئەپەندىنىڭ مەزكۇز تېمىنى يوللىغىنىغا مىڭ رەھمەت. نورمۇھەممەت توختى ئاكىغا، ئابدۇلھەمىدكە، مۇختەرسۈپۈرگى ئەپەندىمگە، شۇنداقلا ئابدۇللا ئىرپان ئەپەندىگە ساقلىق يار بولسۇن...

ھە راسىت، خۇجا مۇھەممەد ئاكامنىڭ «مۇقام خۇمارى» ھەققىدە ھېچ گەپ يوققۇ! ئۇ ئەزىزنى ئۇنتۇپ قالمىغانسىلەر؟؟

بۇ ھەقىقەتەن قۇتلۇقلاشقا تىگىشلىك ئەھمىيەتلىك ئىش بوپتۇ. ئىختىيارسىز ھالدا خوتەندىكى ھاياتىمنى ئەسلەپ قالدىم.
چۇڭقۇر بازار شەھىرى خوتەننىڭ
ھايات قايناپ تۇرغان بازىرى....

مۇشۇنداق ئىشلارمۇ بولۇۋېتىپتۇ، دە، دۇنيادا!!!

ئىرپان ئېلىكتىرون شىركىتىنىڭ خوتەندىكى يېڭى قەدىمىگە مۇبارەك! ھەمدە خوتەن دىيارىدىكى ئوت يۈرەك قەلەمكەشلەرنىڭ ئىشلىرى ئۇتۇغلۇق بولسۇن! بۇ يازمىنى ئاخىرىدا   ماھىرە تەھرىرلىگەن. ۋاقتى  2012-6-4 00:35  

   ئابدۇلھەمىد ياسىننىڭ «مۇھەببەتنىڭ تىنىقى»ناملىق توپلامىنىڭ نەشىردىن چىققانلىقىنى قىزغىن تەبرىكلەيمەن، مۇبارەك بولسۇن! بۇ يازمىنى ئاخىرىدا   bagyar تەھرىرلىگەن. ۋاقتى  2012-6-4 17:08  

bagyar!!!   دىققەت!

بەگيار ئاكا، ئۆزبېكچىدىن تولا  ماتىرىيال ئۆرۈيمەن دەپ ئۇيغۇرچىدىن چاتاق چېقمىغاندۇ؟
يىمىت ياسىننىڭ «مۇھەننەتنىڭ تىنىقى»ناملىق توپلامىنىڭ نەشىردىن قىققانلىقىنى قىزغىن تەبرىكلەيمەن، مۇبارەك بولسۇن!

خوتەن دىيارىدا ئۆتكۈزۈلگەن بۇ پائالىيەت تولىمۇ ئەھمىيەتلىك بوپتۇ. دىيارىمىزدىكى داڭلىق يازغۇچى،شائىرلارنىڭ جەم بولىشى بۇ پائالىيەتكە ھۆسۈن قوشۇپتۇ،مولھۇسۇللۇق،ئۆتكۈر پىكىرلىك نۇرمۇھەممەت توختى ئەپەندىممۇ سۆز قىپتۇ.ئانا دىياردىكى يازغۇچى شائىرلار غا سالاملار بولسۇن!ئىرپان شىركىتىنىڭ خوتەندىكى تىجارىتى راۋاج تاپقاي!

   ھەقراست! بۈگۈن خوتەننىڭ ئەڭ ئاۋات كوچىلىرىدىن بىرى بولغان گۈلباغدا شۇنداق كاتتا يىغىلىش بولدىلەركى، بۇ خەۋەر يىراق- يېقىندىن كەلگەنلەرنى خۇش قىلىۋەتتىلەر...
   بۇ خەۋەر گەپ-سۆزلەرنى خۇددى سۈرەتكە تارتىۋالغاندەك شۇنچىلىك ئەينەن ۋە تەپسىلىي يېزىلىپتۇ.
  تۈنۈگۈن تۇرسۇنتوختى ھاجىمنىڭ «گۈلباغ سودا سارىيى»نىڭ 4- قەۋىتىدە ئېچىلغان كۇتۇپخانا بىلەن كىتابخانا بىرلەشكەن كاتتا، شۇنداقلا ئۇلۇغ ئىشىنىڭ شاھىدى بولغانىدۇق. بۈگۈن «ئىرپان» شىركىتىنىڭ خوتەندە سېتىش نۇقتىسى تەسىس قىلىش يۈزسىدىن ئۆتكۈزۈلگەن بۇ كاتتا مەرىكىگە قاتنىشىپ مىللىتىمىزنىڭ ئەقىل- پاراسىتىدىن ھەم ھەيرانلىق، ھەم پەخىرلىنىش ئىلكىدە ئىنىمىز ئابدۇلھەمىد ياسىننىڭ «مۇھەببەتنىڭ تىنىقى» ناملىق كىتابىغا ئېرىشتۇق... مۇشۇنداق ياخشى ئىشلارنىڭ مەڭگۈ داۋام قىلىشىنى، پۇل تاپقان ساخاۋەتچىلەرنىڭ تۇرسۇنتوختى ھاجىمدەك ۋە ئابدۇللادەك كىتابلىرىنى ۋە ئېلېكتىرون لۇغەتلىرىنى داۋاملىق 10 پىرسەن چۈشۈرۈپ سېتىپ، خەلققە ئەمەلىي نەپ يەتكۈزىشىنى ئۈمىد قىلىمەن.

كاتتا ئىش بوپتۇ. خوتەن ئۈچۈن يەنە بىر خۇشاللىق بوپتۇ. خوتەن ھەقىقەتەن خىسلەتلىك ماكان. «ئىرپان» نامى بىلەن باشلانغان بۇ مەخسۇس سېتىش دۇكىنىنىڭ بۇندىن كېيىنكى  ئىشلىرىنىڭ خەيىرلىك بولىدىغانلىقىغا ئىشەنچىم كامىل!
دوستىمىز ئابدۇلھەمىدنىڭ  يېڭى كىتابىغا مۇبارەك بولسۇن! ئابدۇللا ئىرپان ئەپەندى بىلەن ئىككىيلەنىڭ سوۋغىغا تېخىمۇ ياخشى سوۋغا بىلەن جاۋاپ قايتۇرغان پەزىلەتلىرىدىن سۆيۈندۈم. مانا بۇ قەدىرلەشكە ئەرزىيدىغان پەزىلەتتۇر! خوتەن خەلقىغە ئالىي ئېھتىرام بىلدۈرىمەن!

[تۇرسۇنتوختى ھاجىمنىڭ «گۈلباغ سودا سارىيى»نىڭ 4- قەۋىتىدە ئېچىلغان كۇتۇپخانا بىلەن كىتابخانا بىرلەشكەن كاتتا، شۇنداقلا ئۇلۇغ ئىشىنىڭ شاھىدى بولغانىدۇق.]

  ئابدۇرېھىم زۇنۇن ئەپەندى، يۇقارقى بايانىڭىزدا ‹‹كۈتۈپخانا، كىتاپخانا›› توغرىلىق گەپ چىقىپ قالدى، بولۇپمۇ ‹‹كىتاپخانا››نىڭ قانداق خۇشخەۋەر ئىكەنلىگىدىن بىزنى ئېىقراق خەۋەرلەندۈرگەن بولسىڭىز؟

ھەرقانداق خۇشخەۋەرنىڭ ئاۋال دىيارى خوتەن (قورتەن- ئۇيغۇر تەنلىكلەر)دىن چىشىغا قاراپ <<روبائىيات ۋە غەزەلىيات>>تىكى تۈنجى غەزىلىمنى  <<خوتەن ھەققىدە غەزەل>>دىن باشلىغانمەن:

خوتەن تەرىپىدە غەزەل

ئۇيغۇرۇمدا بىر مۇھەببەت، ئەۋجىدۇر:«گۈل-گۈل خوتەن!»

يىلتىزىمنىڭ مەنبەئىي ئۇ، تۇتىيا سۈرگىل خوتەن!

ئەسلى-ۋەسلىڭدۇر راۋاجى بۇ «تۇران»،«تۈ*ركىي» خەلق،

نەسلى ساپ، ۋىجدانىي قاندىن گىن-ئۇدۇم ئەۋزەل خوتەن.

بەش ئىرا ئۆتتى زاماندىن نۇسرىتى فۇرقەت بىلەن،

«تۇر»،«ئوغۇز»،«ئارى»چە«زال»دىن،«ئەرتۇڭا»،«خالخال» خوتەن.

بىرسى تارىم، بىر«ئۇرۇمقاش» مەشرىقى ئاققان تامان،

ئول«ئىتىل»- ئۇدئەل مۇرەن، دولقۇن ياساپ يۈرگىل خوتەن.

«سول تەرەپتە ‹كىنئۇرۇم› بار...شەھرى كۆپ...ئاۋات دىيار»:

مەرگىزى-«كىن»دۇر، يىپەك- «ئۆرۈم» ئىدىڭ بىلگىل خوتەن.

ئۈجمىدە باققان پىلە تەقدىم ئېتەر سانسىز تۇخۇم،

داشتا قاينايدۇ غوزەكلەر يىپ-يىپى سۈزگىل خوتەن.

ئۇرچىقى زەريىپتا كاللەك، رەڭ بېرەر يۇلغۇن چېچەك،

كۈزدە توغراق ياپرىقىدىن ھال رېڭى ئۈزگىل خوتەن.

ئول يىپەك باپكارىغا ئارقاق سالار رەڭلىك ئەجەپ،

ئۆرىشى زەريىپ بىلەن رەڭدار يىپەك سەرخىل خوتەن.

گۈل چېكەر قىزلار گىلەمگە سۆيگىنى ئەفكار قىلىپ،

قالدۇرۇپ دۇنيانى ھەيرەت، زىلچىسى مىڭ خىل خوتەن.

قاش تېشى دەريانى قۇدرەت قىلدى ئەجداتقا مادار،

بولدى ھامىي پۇشتى-قانغا قارنى كەڭ، ھەقدىل خوتەن.

يەتكۈزۈپ بۇ «يۈ»گە ئەجدەر قاش تېشى «گەز»دىن ھۈنەر،

قول ئۇزاتتى دوستقا چىندىن، كۆڭلى ئاق ساپدىل خوتەن.

مەشرىقى مەغرپ تامان، تايلاپ يىپەك كارۋان يۈرەر،

كەڭ ئېچىپ دۇنياغا قولنى دوستلىرى ھاسىل خوتەن.

ئۆرپى-ئادەت سەندە جەۋلان، مەنىۋى خىسلەت بۆيۈك،

مىللىتىم روھىغا تۈۋرۈك «تۇر-تۇران» پاسىل خوتەن.

ھەق-ئادالەت تەرىپىدە، كىم سېنى ئەركەك دېمەس؟

چاپسىمۇ كاللاڭنى مىڭ رەت، قەھرى خوپ جاھىل خوتەن.

دەۋرى كۈلسە سەنمۇ كۈلدىڭ، قەھرىتان قىشتىن چىقىپ،

كۆڭلى تەققاس قاش تېشىغا مۇڭلىرى «ئۆزھال» خوتەن.

بۇ يازمىنى ئاخىرىدا   muhammadbarhan تەھرىرلىگەن. ۋاقتى  2012-6-4 00:52  

[تۇرسۇنتوختى ھاجىمنىڭ «گۈلباغ سودا سارىيى»نىڭ 4- قەۋىتىدە ئېچىلغان كۇتۇپخانا بىلەن كىتابخانا بىرلەشكەن كاتتا، شۇنداقلا ئۇلۇغ ئىشىنىڭ شاھىدى بولغانىدۇق.]

  ئابدۇرېھىم زۇنۇن ئەپەندى، يۇقارقى بايانىڭىزدا ‹‹كۈتۈپخانا، كىتاپخانا›› توغرىلىق گەپ چىقىپ قالدى، بولۇپمۇ ‹‹كىتاپخانا››نىڭ قانداق خۇشخەۋەر ئىكەنلىگىدىن بىزنى ئېىقراق خەۋەرلەندۈرگەن بولسىڭىز؟


بۇ خۇشخەۋەر ھەققىدە مەن بىلگىنىمچە سۆزلەپ باقاي، مېنىڭ قەلبىمنى بىر لەھزە سىلكىتكەن بۇ ئىش ئوقۇرمەنلىرىمىزگە يېڭىلىقنى ھەم خۇشھاللىقنى يەتكۈزسە ئەجەب ئەمەس.
يېڭىدىن سېلىنغان «گۈلباغ سودا مەركىزى»نىڭ 4- قەۋىتىدە كۆلىمى چوڭ، كۈتۈبخانا بىلەن كىتابخانا بىرلەشتۈرۈلگەن، ئەسلىھەلىرىدىن باشلاپ، مۇلازىمەتچىلىرىگىچە سەرخىللار تاللانغان بۇ ئىلىم سورۇنى ھەقىقەتەنمۇ كاتتا يەر بوپتۇ.
مەن دىيارىمىزدىكى ۋە باشقا دىيارلاردىكى ئەدەبىيات ئەھلىنىڭ ئاتايىن كېلىپ، بۇ كىتابلار مۇزىيى شەكىلدە ياسالغان ئىلىمگاھقا كېلىپ سەيلانە قىلسا زىيان تارتمايدىغانلىقىغا كۆزۈم يەتتى.  تۆنۈگۈن كاتتا ئېچىلىش مۇراسىمى ئۆتكۈزۈپ قۇتلۇقلاپتۇ. پۈتۈن خوتەندىكى ئەھلى ئىلىم ئاشىنالىرى، يازغۇچى - شائىرلار، زىيالىيلارنىڭ ھەممىسى يىغىلىپتۇ. ئىشنى قىلىپ كاتتا بىر يىغىلىش بوپتۇ. مەن خەۋەر تاپالماي قالغىنىمدىن ئۆكۈندۈم.
بۆگۈن مەن كىتاب دېسە جان بېرىدىغان ئابدۇۋاھاب ئىسىملىك قېرىندىشىمىزنىڭ تەكلىپى بىلەن يېڭىدىن نەشىر قىلىنغان «مۇھەببەتنىڭ تىنىقى» نامىدىكى كىتابىمدىن ئازراق ئېلىپ بارسام، ئۇستازىمىز ئابدۇرېھىم زۇنۇن تىلغا  ئالغان تۇرسۇنتوختى ھاجىم ئۆزى بار ئىكەن. بىردەم سىردىشىپ قالدۇق. ئەھلى تور يارانلىرىغا ئايان بولسۇنكى ، تۇرسۇنتوختى ھاجىم ئۆزى ساۋادسىز كىشىكەن. ئەمما شۇ قەدەر ئىلىم ئاشىناسى ئىكەنكى، ئۇنىڭ كىتابخانىغا بولغان كۈچلۈك ئەقىدىسىدىن بۇنى ھېس قىلغىلى بولاتتى. ئۇ كىتابچىلىق ئىشلىرىغا ئەڭ مۇۋاپىق دەپ ھېسابلىغان ئابدۇۋاھاب بۇرادىرىمىزنى مۇشۇ ئىشقا مەسئۇل قىلىپ، بېكىتىپ، خېلى چوڭقۇر ھەم ئەتراپلىق پىلانلار بىلەن بۇ ئىشنى باشلىغان، ئۇزۇن تەييارلىقلاردىن كېيىن پۇختا قەدەم بىلەن بۇ ھىممەتلىك ئىشقا كىرىشكەن ئىكەن. كىتابخانىنىڭ ئىچى كىشىگە ئازادە ۋە كىلاسسىك تۇيغۇ بېرىدىكەن. كۇتۇپخانىنى قەدىردان شائىرىمىز روزى سايىتنىڭ ئايالى، ئۇزۇن يىل كۇتۇپخانىچىلىق بىلەن شۇغۇللانغان رۇزىنىساخانىم باشقۇرىدىكەن. كۇتۇپخانا رايونى تېخىمۇ ھەيۋەتلىك ھەم نەپىس بولۇپ، ئەل شائىرى روزى سايىتنىڭ ئۆمۈر بويى يىغقان ھەم رۇزىنىساخانىمغا سېتىۋەتمەسلىك ۋەسىيىتىنى قىلغان ماتېرىياللىرى قويۇلۇپتۇ. ھەر بىر ژورنال ۋە كىتابتىن رۇزى سايىتنىڭ ھىدى ۋە سىيماسى كەلگەندەك بولۇپ قەلبىم ئاللىقانداق ئىزگۈ ئويلارغا تولدى. ھاجىم ماڭا ئۆزىنىڭ بۇ كىتابخانىنى بۇندىن كېيىن قانداق تەرەققىي قىلدۇرۇش ۋە راۋاجلاندۇرۇش ھەققىدە تولىمۇ يارقىن ۋە شانلىق ئىستىقبال كۆرۈنۈپ تۇرغان پىلانلىرىنى دەپ بەردى. كۆڭلۈمدە ھاجىمنىڭ ئىشلىرىنى مۇنداقلا يېزىپ قويۇش ئەخمەقلىقكەن، دېدىم، تەپسىلى يېزىش ئىستىكى توغۇلدى، ئۇنىڭ ئەقىل - پاراسەت، ئىلىمگەرلىك نۇرلىرى چاقناپ تۇرغان كۆزلىرى، شاھانە ياسالغان كۈتۈپخانا ۋە كىتابخانىنى كۆرۈپ، ئۇنىڭ ئىشلىرىنى ئاددىي ئىشلار، كىتابخانىنى ئاددىي كىتابخانا دېگۈم كەلمىدى، بەلكى ھاجىمنىڭ بۇ ئىشلىرىنى ئۇلۇغلۇق، ئىزگۈلۈك نىشانلانغان ئولۇغ ئىش، كىتابخانىنى كىتابلار موزىيى دېگۈم كەلدى.

تولىمۇ ياخشى ئىش بوپتۇ. ئابدۇللا ئىرپان ئەپەندىنىڭ ئىشلىرى تېخىمۇ گۈللەنگەي!