شىنخۇا تورى، بېيجىڭ، 10-مارت تېلېگراممىسى: 10-مارت چۈشتىن بۇرۇن، جۇڭگو كومپارتىيەسى مەركىزىي كومىتېت سىياسىي بىيۇروسى دائىمىي كومىتېتىنىڭ ئەزاسى، گوۋۇيۈەننىڭ زۇڭلىسى لى كېچياڭ 12-نۆۋەتلىك مەملىكەتلىك خەلق قۇرۇلتىيىنىڭ 4-يىغىنىغا قاتنىشىۋاتقان شىنجاڭ ئۇيغۇر ئاپتونوم رايونى ۋەكىللەر ئۆمىكىنىڭ قاراپ چىقىشىغا قاتناشتى. نەق مەيداندا بىر ئۇيغۇر ئايال ۋەكىل زۇڭلىغا دوپپا كىيدۈردى. زۇڭلى كۆپچىلىك بىلەن قىزغىن سالاملاشتى، ۋەكىللەر بىلەن بىرمۇبىر قول ئېلىشىپ كۆرۈشتى. ئۇ: «سىلەر ناھايىتى يىراقتىن كەلدىڭلار، مەن ھەر بىرىڭلار بىلەن قول ئېلىشىپ كۆرۈشەي» دېدى.
