مەملىكەتلىك ئىككى يىغىن ۋەكىللىرى تەڭرىتاغ ئۇيغۇرچە تورى ۋە يانفون تېرمىنالىدىن مەمنۇن بولدى

 ۋەكىللەر تەڭرىتاغ ئۇيغۇرچە تورى يانفون تېرمىنالىدىن ئىككى يىغىن خەۋەرلىرىنى كۆرمەكتە

   ئۆز مۇخبىرىمىز زاھىدە مۇتەللىپنىڭ بېيجىڭدىن ئەۋەتكەن ئىككى يىغىن خەۋىرى: سىياسىي كېڭەش مەملىكەتلىك 12-نۆۋەتلىك كومىتېتىنىڭ 4-يىغىنى بۈگۈن (3-مارت) چۈشتىن كېيىن سائەت 15:00تە بېيجىڭ خەلق سارىيىدا باشلاندى. تەڭرىتاغ ئۇيغۇرچە تورى بېكىتى ۋە تەڭرىتاغ ئۇيغۇرچە تورى يانفون تېرمىنالىدا بىرىنچى ۋاقىتتا يىغىن ئەھۋالىدىن خەۋەر بېرىلدى.

   جۇڭگو سودا-سانائەت بانكىسى پاي چەكلىك شىركىتى ئۈرۈمچى مىڭدې يولى تارماق بانكىسى تىجارەت مۇلازىمەت زالىنىڭ دىرېكتورى مۇختەبەر سادىق قاتارلىق خەلق قۇرۇلتىيى ۋەكىللىرى تەڭرىتاغ ئۇيغۇرچە تورى ۋە يانفون تېرمىنالىدا يىغىننىڭ ئېچىلىش مۇراسىمىنى كۆردى، ئۇلار تەڭرىتاغ تورىدا يىغىن ئەھۋالىدىن دەل ۋاقتىدا ۋە تېز خەۋەر بېرىلگەنلىكىنى كۆرۈپ، تەڭرىتاغ تورىنىڭ كۆۋرۈكلۈك رولىدىن سۆيۈندى، شۇنداقلا ئاممىنىڭ ئورۇن، ۋاقىت چەكلىمىسىگە ئۇچرىماي يىغىن ئەھۋالىدىن دەل ۋاقتىدا خەۋەردار بولالىغانلىقىدىن ئىنتايىن مەمنۇن بولغانلىقىنى بىلدۈرۈشتى، ۋەكىللەر يەنە تەڭرىتاغ تورىنىڭ بۇنىڭدىن كېيىنكى ئىشلىرىغا زور ئۇتۇقلارنى تىلەشتى.

   ئىككى يىغىندا شىنجاڭدىن كەلگەن ۋەكىللەر زادى قانداق تەكلىپ ۋە تەۋسىيەلەرنى ئېلىپ كەلدى؟ بۇنىڭغا قىزىقسىڭىز، دىققىتىڭىز داۋاملىق تەڭرىتاغ ئۇيغۇرچە تورى ۋە يانفون تېرمىنالىدا بولسۇن، كېيىنكى قەدەمدە مۇخبىرلىمىز ۋەكىللەر ئېلىپ كەلگەن تەكلىپ-تەۋسىيەلەرنى كەڭ تورداشلارنىڭ ھۇزۇرىغا سۇنىدۇ.