1999-يىلى تارتىلغان بىر پارچە سۈرەت نىيۇيوركتا كىم ئارتۇق قىلىپ سېتىشتا تۆت مىليون 300 مىڭ ئامېرىكا دوللىرىلىق يۇقىرى باھا بىلەن سېتىلغان. بۇ بىر پارچە سۈرەتنىڭ نامى Rhein II(رېيىن دەرياسى ئىككىنچى نومۇر) بولۇپ، 1981-يىلى ئۈچ مىليون 900 مىڭ ئامېرىكا دوللىرىغا سېتىلغان بىر پارچە نامسىز سۈرەتنىڭ رېكورتىنى بۇزۇپ، دۇنيا بويىچە ئەڭ قىممەت بىر پارچە سۈرەتكە ئايلانغان…

مەزكۇر سۈرەتنى تارتقۇچى فوتوگراف گېرمانىيەلىك سەنئەتكار Andreas Gursky رېيىن دەرياسىنىڭ گۈزەل مەنزىرىسى تەرىپىدىن مەپتۇن بولۇپ قالغان، شۇ سەۋەپتىن ئۇ ئىزچىل رېيىن دەرياسىنى بىر پارچە سۈرەتكە تارتىش ئويىدا يۈرگەن. Rhein II بولسا بىر قاتار فوتو-سۈرەتنىڭ ئىچىدىكى ئەڭ چوڭ بىر پارچە سۈرەت بولۇپ، باشقا چوڭ-كىچىكلىكى ئوخشىمايدىغان بەش پارچە سۈرەت ئايرىم-ئايرىم ھالدا نىيۇيورك، لوندون، ميۇنخىن قاتارلىق جايلاردىكى ھازىرقى زامان سەنئەت مۇزىيىدا ساقلانماقتا.

كىم ئارتۇق قىلىپ سېتىشتىن بۇرۇن، Rhein II نىڭ باھاسى ئاللىقاچان ئىككى مىليون 500 مىڭ ئامېرىكا دوللىرىدىن ئۈچ مىليون 500 مىڭ ئامېرىكا دوللىرىغىچە بولغان، بۇ بىز ئادەتتىكى كىشىلەرنىڭ نەزىرىدە خېلىلا كۆپ سان. بۇ پەقەت بىر تال ئىنتايىن ئادەتتىكىچە، بىر دانە تەكشى ئېقىۋاتقان دەريانىڭ مەنزىرىسىلا خالاس، ئەجىبا بۇ سۈرەتكە بىرەر مەخپىيەتلىك ياكى بايلىق خەرىتىسى يوشۇرۇنغانمىدۇ؟

كىم ئارتۇق قىلىپ سېتىش سودىسىنى ئۇيۇشتۇرغۇچى تەرەپنىڭ چۈشەندۈرىشىچە، ئۇلار كىشىلەرنىڭ بۇ سۈرەتنى كۆرگەن چاغدا رېيىن دەرياسىنىڭ قايسى بۆلىكى ئىكەنلىگىنى پەرەز قىلىپ تېپىۋېلىشىنى خالىمايدىكەن، پەقەت سۈرەتتىن ھوزۇرلانغۇچىلارنىڭ ئەپلاتونچە بۇ سۇ بۆلىكىدىن ھوزۇرلىنىشىنى ئۈمىد قىلىدىكەن. ئەمما بۇنچە يۇقىرى باھاغا نىسبەتەن، بۇ چۈشەندۈرۈشنىڭ قايىل قىلىش كۈچى ئانچە يۇقىرى بولمىغان.

Andreas Gursky نىڭ بۇ دۇنيا بويىچە ئەڭ قىممەت ئەسىرى كىشىگە دۇنياغا مەشھۇر يەنە بىر ئەسەرنى ئەسلىتىدۇ. دۆلەت جۇغراپىيەسى ژۇرنىلىرىنىڭ ئالدىنقى فوتوگرافى Chuck O’Rear ماشىنىسىنى ھەيدەپ قىز دوستىنى كۆرگىلى ماڭغاندا بىر پارچە ئىنتايىن گۈزەل ئۈزۈمزارلىقنى كۆرۈپ قالىدۇ، كەسپىي ئادىتى ئۇنى ئىختىيارسىز ماشىنىدىن چۈشۈپ بۇ مەنزىرىنى بىر پارچە سۈرەتكە تارتىشقا ئۈندەيدۇ. بىر قانچە يىلدىن كېيىن، بۇ بىر پارچە سۈرەت پۈتكۈل يەرشارىنى بىر ئالىدۇ.

كۈندىلىك پوچتا گېزىتىنىڭ خەۋەر قىلىشىچە، بۇ ئىلگىرى دۇنيا بويىچە باھاسى ئىككىنچى ئورۇندا تۇرىدىغان فوتو-سۈرەت، يەنە دۇنيا بويىچە ئەڭ داڭلىق بىر پارچە سۈرەت ئىكەندۇق. Chuck نىڭ سۈرىتىنىڭ يەرشارىغا كەڭ كۆلەمدە تارقىلىشىنى توغرا چۈشەنگىلى بولىدۇ، بۇنىڭدا Windows XP نىڭ رولى چوڭ. ئەمما Andreas Gursky نىڭ ئاۋۇ رەسىمىنىڭ دۇنيا بويىچە 1-قىممەت رەسىم بولۇپ قېلىشىغا زادى نېمە سەۋەپ بولغاندۇ؟ سىز ئۇ رەسىمدىن بىرەر ئالاھىدىلىكنى بايقىيالىدىڭىزمىكىن؟