مىكروسوفتنىڭ IE تور كۆرگۈسى گۇرۇپپىسىنىڭ بىر ئەنئەنىسى بولۇپ، ھەر قېتىم ئۆزىنىڭ ئەڭ چوڭ رەقىبى بولغان Mozilla نىڭ FireFox تور كۆرگۈسى يېڭى نەشىر يېڭىلىغاندا، ئۇلار قارشى تەرەپكە بىر دانە تەبرىك تورتى سوۋغا قىلاتتىكەن، بىراق يېقىندىن بېرى ئوتتۈلكە تور كۆرگۈسىنىڭ نەشىرى توختاۋسىز يېڭىلىنىۋاتىدۇ، ئوتتۇرا ھېساب بىلەن ھەر ئالتە ھەپتىدە بىر چوڭ نەشىرى ئېلان قىلىنىدۇ، يەنى بۇ مىكروسوفتنىڭ ھەر ئالتە ھەپتىدە بىر قېتىم تورت سوۋغا قىلىشىدىن دېرەك بېرەتتى…

دەسلىپىدە مىكروسوفت تورتنى سەل كىچىكلىتىشكە ئۇرۇنغان، بۇ تورتلار بارغانسىرى كىچىكلەپ ئەڭ ئاخىرىدا بىر دانە كىچىك پىشلاققا ئايلىنىپ قالغان، كېيىن FireFox 8 يەنە ئالتە ھەپتىگە يەتمىگەن ۋاقىت ئىچىدە ئېلان قىلىنىپ، مىكروسوفتنى ئالداپ تورت يېمەكچى بولغان، بۇ مىكروسوفتنى كۈچلۈك بېسىم ھېس قىلدۇرغاچقا، كۆپ ئويلىنىشلار ئارقىلىق IE گۇرۇپپىسى Mozilla غا قايتا تورت سوۋغا قىلماسلىقتەك قارارنى چىقارغان. قارىغاندا FireFox نىڭ مىكروسوفت سوۋغا قىلغان تورتلارنى ئىككىنچى قول قىلىپ سېتىش پلانى يەنىلا مىكروسوفت تەرىپىدىن بىتچىت قىلىنغان ئوخشايدۇ.

مىكروسوفت نۆۋەتتە IE10 نىڭ ئېچىش خىزمىتىگە كۈچەۋاتقان بولۇپ، تەخمىنەن 8~12 ھەپتىگىچە بولغان ئارىلىقتا بىر سىناق نەشىرىنى ئېلان قىلىش مۆلچەرلەنگەن، رەسمىي نەشىرى ئەڭ ئاخىرىدا Windows 8 بىلەن بىرگە كۆپچىلىك بىلەن يۈز كۆرۈشىشى مۇمكىن.

مىكروسوفت IE گۇرۇپپىسىدىكىلەر FireFox 6 ئۈچۈن سوۋغا قىلغان تورت(2011-يىلى 8-ئاينىڭ 16-كۈنى)

مىكروسوفت IE گۇرۇپپىسىدىكىلەر FireFox 5 ئۈچۈن سوۋغا قىلغان تورت(2011-يىلى 6-ئاينىڭ 21-كۈنى)

مىكروسوفت IE گۇرۇپپىسىدىكىلەر FireFox 4 ئۈچۈن سوۋغا قىلغان تورت(2011-يىلى 3-ئاينىڭ 22-كۈنى)

مىكروسوفت IE گۇرۇپپىسىدىكىلەر FireFox 3 ئۈچۈن سوۋغا قىلغان تورت(2008-يىلى 6-ئاينىڭ 17-كۈنى)

مىكروسوفت IE گۇرۇپپىسىدىكىلەر FireFox 2 ئۈچۈن سوۋغا قىلغان تورت(2006-يىلى 10-ئاينىڭ 24-كۈنى)