جوئىن ۋىللىيام(John Williams)، خانىز زاممېر(Hans Zimmer)، جامىس ھورنېر(James Horner)_ ھوللىۋودتىكى بۇ ئۈچ نەپەر مۇزىكا ئىشلىگۈچىنى بەلكىم سىز تونۇماسلىقىڭىز مۇمكىن. لېكىن شۇنىڭغا ھۆددە قىلالايمەنكى، سىز پەقەت ھوللىۋود فىلىملىرى مەستانىسى بولسىڭىزلا بۇلارنىڭ ئەسەرلىرى بىلەن نەچچە رەت ئۇچراشقان. ئەلۋەتتە مەنمۇ دەل مۇشۇ چەمبىرەك ئىچىدە.

تورداشلارنىڭ ئىسىدە بولسا كېرەك، ئىلگىرى 10يۈرۈش تۇرمۇشىڭىزغا ئىلھام بەخش ئېتىدىغان يېنىك مۇزىكىلارنى يوللىغاندا، «قەيسەر يۈرەك» فىلىمىنىڭ ئاساسى مۇزىكىسى ھەققىدە بىراز توختالغان. مانا بۈگۈنمۇ بۇ مۇزىكىنى ئاڭلىغاچ، ئۇنىڭ(مۇشۇ مۇزىكىنىڭ) ئىجادىيەتچىسى ھەققىدە يازما يازماقتىمەن. تۆۋەندە تورداشلارغا يۇقىردا تىلغا ئالغان ھوللىۋودتىكى ئەڭ داڭلىق ئۈچ نەپەر مۇزىكا ئىجادكارىنىڭ ئەسەرلىرى بىلەن تونۇشۇپ ئۆتەيلى.

1. For The Love Of A Princess — James Horner

ئالدى بىلەن ئۆزۈم ئەڭ ئامراق، 5 تۈرلۈك ئوسكار مۇكاپاتىنىڭ ساھىبى (1995-يىلى) بولغان «قەيسەر يۈرەك» فىلىمىدىن باشلاي. ئەينى چاغلاردىمۇ مەزكۇر كىنو بىلەن تەڭ كىنونىڭ ئاساسى مۇزىكىسىمۇ مېنى رام قىلىۋالغان ئىدى. تاكى يىقىنقى مەزگىللەرگە كەلگەندىلا ئۇنىڭ James Horner ئىجادىيىتى ئىكەنلىكىنى بىلدىم.

فىلىمنى چۈشۈرۈش : RMVB نۇسخىسىنى چۈشۈرۈش [771 مىگابايت ] | HR-HDTV نۇسخىسىنى چۈشۈرۈش [2.51 گىگابايت]

2. Theme From Schindler’s List — John Williams

« شىندىلېرنىڭ تىزىملىكى » دېگەن كىنونى ھەممىمىز كۆرگەنغۇ دەيمەن. مۇزىكا ئىشلىگۈچى John Williams تومۇرىدا يەھۇدى قېنى ئېقىۋاتقان بىر رېژىسسورنىڭ مەزكۇر فىلىمنى سۈرەتكە ئېلىۋاتقاندىكى ھېسىياتىنى مانا بۇ ئۇلۇغ ئەسىرى بىلەن ئەڭ ئۈنۈملۈك ئىپادىلەپ ئۇتۇق قازانغان.

3. Tennessee — Hans Zimmer

《Tennessee》بولسا ھوللىۋودنىڭ داڭلىق ئۇرۇش فىلىمى « پئورېل خاربور» نىڭ ئاساسى مۇزىكىسى. بۇ كىنودىكى كەسكىن جەڭ مەيدانى ۋە تىراگېدىيىلەرگە تويۇنغان ۋەقەلىك بىلەن قوشۇلۇپ بۇ مۇزىكا كىشىنىڭ يۈرىكىنى تېخىمۇ ئېزىدۇ.

4. The Ludlows — James Horner

مەزكۇر لېرىكا بولسا ھوللىۋود فىلىمى « ئەشۇ يىللار» （Legends of theFall）دىكى، ۋېليام پولكوۋنىك بىر ئائىلە كىشىلىرى يىغىلىشىدىكى، ئوغۇلى ئېيتىدىغان ھېلىقى ناخشىنىڭ يانداش مۇزىكىسى.

5. Jane Eyre – The Jane Eyre Theme — John Williams

John Williams نىڭ ھوللىۋود فىلىمى «ئاددى سۆيگۈ» ئۈچۈن ئىجاد قىلغان يەنە بىر مۇزىكىسى.

6 Hunger — Hans Zimmer

Hans Zimmer بىلەن «گىلادىياتور» فىلىمىنىڭ باش رېژىسسورى Ridley Scott نىڭ ھەمكارلىقىنىڭ مەھسۇلى بولغان مەزكۇر يانداش مۇزىكا بولسا، ئۇرۇش فىلىمى « Black Hawk Down » نىڭ ئاساسى مۇزىكىسى.

7 Imperial March — John Williams

بۇ مۇزىكا ئىسىڭىزگە كەلگەندۇ ؟ ھە دەل شۇ « پىلانېتلار ئۇرۇشى » ناملىق فانتازىيىلىك فىلىمنىڭ مۇزىكىسى.

8. Saving New York — James Horner

بۇ مۇزىكىنى ئاڭلىغىلى تېخى ئۇزۇن بولمىدى. چۈنكى بۇ 2012- يىلىدىكى يىڭى ئۆمۈچۈك «دەرىجىدىن تاشقىرى ئۆمۈچۈك پالۋان» فىلىمىدە ئاڭلىغان ھېلىقى مۇزىكا شۇ.

9 Hummell Gets the Rockets — Hans Zimmer

نىكولاس رول ئالىدىغان 96- يىلىنىڭ كىنوسى «The Rock» نى كۆرۈپ باققانلارنىڭ قانچىلىكلىكىنى بىلمەيمەن. مېنىڭ بىلىدىغىنىم پەقەت بۇ مۇزىكىنىڭ دەل مۇشۇ كىنودا چىقىدىغىنى خالاس.

10. Rise — Hans Zimmer

«شەپەرەڭ پالۋان» نى كۆرگەنلەر بۇ مۇزىكىنى بىلمەي قالمايدۇ. بۇ يەردە پەقەت بۇنىڭ Hans Zimmer ئەسىرى ئىكەنلىكىنىلا ئېيتىپ قويماقچى، جىق گەپ ئىشەككە يۈك.