سىز ئىلگىرى سۈمۈرۈش نەيچىسى ئارقىلىق كونسېرۋا قۇتىلىق ئىچىملىكلەرنى ئىچىپ باققانمۇ؟ ناۋادا ئىچىپ باققان بولسىڭىز، چوقۇم تۆۋەندىكىدەك ئىشلارنى باشتىن كەچۈرۈپ باققان بولۇشىڭىز مۇمكىن: نەيچە جايىدا تۇرماي مىدىراپ كېتىپ، ئامالسىز تىلىڭىزنى چىقىرىپ نەيچىنى ئاغزىڭىزغا سېلىشقا ئۇرۇنغان بولۇشىڭىز مۇمكىن، ناۋادا سىز ھازىر دەل شۇنداق ھالەتتە بولسىڭىز، دەرھال بېرىپ ئەينەككە قاراپ ئۆزىڭىزنىڭ زادى نېمە ئىش قىلىۋاتقانلىقىڭىزنى ئوبدان بىر كۆزىتىپ بېقىڭ.

قۇتىنىڭ ئاچىدىغان قىسمىدىكى كىچىك تۆشۈكچىنى كۆردىڭىزمۇ؟ ئاۋال شۇ جاينى ئاچىمىز، ئاندىن ئاچقان قىسىمنى ئاستا بىر پىقىرىتىپ تۆشۈك بار جاينى ئىچىملىك چۈشىدىغان جايغا توغرىلايمىز، ئاندىن سۈمۈرگۈچ نەيچىنى شۇ تۆشۈكتىن كىرگۈزۈپ مۇقىمدىۋەتسەكلا چاتاق چىقمايدۇ.

بىلىشىمچە نۇرغۇن كىشىلەر ئاشۇنداق خاتا ئۇسۇلدا ئىچىدىغۇ دەيمەن؟ بولۇپمۇ قىزلار…

ناۋادا سىز قىزبالا بولسىڭىز، ئۇنداقتا كونسېرۋا قۇتىلىق ئىچىملىكلەرنى ئىچكەندە ئەڭ ياخشىسى مۇشۇنداق سۈمۈرگۈچ نەيچە ئىشلەتكىنىڭىز ياخشى، قارىماققا باشقىلارغا شۇنداق لاتاپەتلىك تۇيغۇ بېرىشىڭىزدە گەپ يوق. ھېچ بولمىسا ئىچىملىك ئىچىش جەھەتتىن بولسىمۇ باشقا قىزلارغا قارىغاندا گۈزەل كۆرۈنسڭىز ياخشى ئەمەسمۇ؟!

ناۋادا سىز ئوغۇلبالا بولسىڭىز، ئەڭ ياخشىسى بېخىللىق قىلماي يېنىڭىزدىكى قىزچاققا ئىچىش ئۇسۇلىنى ئۆگىتىپ قويۇڭ، بەلكىم بۇ چاغدا ئۇنىڭ نەزىرىدىكى ئوبرازىڭىز بىراقلا كۆتۈرۈلۈپ، ئۇنىڭغا تېخىمۇ كېلىشكەن، تېخىمۇ قامەتلىك كۆرۈنىشىڭىز مۇمكىن!