يەر شارىنىڭ ئىچكىرىسىدە تولىمۇ گۈزەل بىر مەنزىرە يوشۇرۇنغان بولۇپ، ئۇ بولسىمۇ ئالياسكا مېندېنھال مۇز تاغلىرى ئاستىغا يۇشۇرۇلغان مەنزىرىدۇر…

تۇنجى قېتىم بۇ كىشىنى ھاڭ-تاڭ قالدۇرىدىغان مەنزىرىنى كۆرگەن ۋاقتىڭىزدا، بەلكىم ئۆزىڭىزنى «ئاۋاتار» فىلىمىدىكى فاندورا پىلانىتىغا كېلىپ قالغاندەك تۇيغۇغا كېلىپ قېلىشىڭىز مۇمكىن.

ئەگەر يەر شارىنىڭ ئىچكىرىسىدىكى گۈزەللىكلەر ئۈستىدە ئىزدەنمەكچى بولسىڭىز، ئۇنداقتا دەرھال ئەنگىلىيە كۈندىلىك پوچتا گېزىتىنىڭ يېقىندىكى بىر پارچە خەۋىرىگە ئەگىشىپ، مۇز تاغ ئاستىدىكى سىرلارنى بىرلىكتە ئاچايلى.

مېندېنھال مۇز تېغى تەخمىنەن 12 ئىنگلىز مېلى (19 كېلومېتىر) كېلىدىغان بولۇپ، ئالىم توماس كوۋان مېندېنھالنىڭ نامى بىلەن ئاتالغان.

31 ياشلىق كېنت بولسا، بىر ئىشتىن سىرت فوتو-سۈرەت ھەۋەسكارى بولۇپ، ئۇنىڭ كەسپى تولۇق ئوتتۇرا مەكتەپ ماتېماتىكا ئوقۇتقۇچىسى. ئۇ ھەر يىلى مېندېنھال مۇزلۇق رايونىغا كېلىپ ئۇنىڭ ئۆزگىرىش جەريانىنى خاتىرىلەيدۇ ۋە تولىمۇ كۆركەم مەنزىرىلەرنى سۈرەتكە ئالىدۇ.

كېنتنىڭ سۈرەتكە ئالغان بۇ رەسملەر ئۇشبۇ تەبىئەتنىڭ مۆجىزىسىنىڭ توختىماستىن ئېرىش، توختىماستىن قېتىش ئارقىلىق غايەت زور مۇزلۇققا ئايلىنىش جەريانىنى كۆرسىتىپ بەرگەن.

ئۇنىڭ قارىشىچە، بۇ مۇزلۇق ئاستىدىكى مەنزىرە يەر شارىنىڭ ھېچقانداق يېرىگە ئوخشىمايدىكەن. كۆپ يىللىق سۈرەتكە ئېلىش جەريانىدا بۇ مۇزلۇق كېنتنىڭ قەلبىدىكى ئېتىقادى بولۇپ قالغان ئىدى، كېنت بۇ يەردە بارلىق بېسىملارنى چىقىرىپ تاشلاپ چەكسىز ئىلھامغا ئېرىشەلەيتتى.

گەرچە باشقىلار ئۇنىڭ رەسىملىرىنى CG تېخنىكىسى ۋە ياكى Photoshop دېتالى ئارقىلىق ئىشلەنگەن بولىشى مۇمكىن دەيدىغان گۇمانلىق قاراشلاردا بولسىمۇ، ئەمما بۇ سۈرەتلەر ھەقىقەتەنمۇ فوتو ئاپپاراتىدا تارتىلغان ئەسلى نۇسخا رەسىملەردۇر.

كېنت يەنە رەسىمگە تارتىشنىڭ سىرىنى ئاشكارىلاپ بەردى: قۇياش نۇرى دەل مۇزلۇق جىلغا بىلەن بىر تەكشىلىككە كەلگەن ۋاقىت سۈرەت تارتىشنىڭ ئالتۇن ۋاقتى ئىكەن. گەرچە ھازىر نۇرغۇن ساياھەت لىنىيىلىرى بۇ مۇزلۇققا يېتىپ كېلەلىسىمۇ، ئەمما مېندېنھال يەنىلا توختىماستىن ئۆزگىرىپ تەرەققىي قىلماقتا، شۇنداقلا چەكسىز ئۆزگىرىش مۇمكىنچىلىكىنى ئېلىپ كەلدى. بۇ دەل كېنت ئۈچۈن ئۈزۈلمەس ئىلھام بۇلىقى تەمىنلەپ بەرگەن.