تارىم بلوگى

بىرلەر خانىسى 5 بولغان 2 خانىلىق سانلاردىن 15، 25، 35، 45، 55، 65، 75، 85، 95 قاتارلىق 9 دانە سان بار. بۇ سانلارنى كۋادىراتقا كۆتۈرۈشنى كۆڭۈلدە ھېسابلاش ناھايىتى ئاسان. ئاۋۋال بۇ سانلارنىڭ كۋادىراتىنى تەپسىلىي كۈزىتىپ باقايلى:

بۇ 9 دانە ساننى كۇۋادىراتقا كۆتۈرۈشتىن كېلىپ چىققان نەتىجىلەرگە قارايدىغان بولساق، ھەممىسىنىڭ ئاخىرقى ئىككى خانىسى (بىرلەر ۋە ئونلار خانىسى) دىكى سان 25.  ئونلار خانىسىنىڭ ئالدىدىكى سان بولسا كۇۋادىراتقا كۆتۈرۈلگۈچى ساننىڭ ئونلار خانىسىدىكى رەقەمنى ئۆزىدىن 1 سى چوڭ بولغان سانغا كۆپەيتكەنگە تەڭ.

مەسىلەن، 45 نىڭ كۋادراتى 2025 بولسا، دەل ئۇنىڭ ئونلار خانىسىدىكى رەقەم 4 نى ئۇنىڭدىن 1 سى چوڭ بولغان سان 5 كە كۆپەيتىپ، كېلىپ چىققان نەتىجە 20 نىڭ كەينىگە 25 نى يېزىپ قويغانغا باراۋەر.

يەنە مەسىلەن، 65 نىڭ كۋادراتى 4225 بولسا دەل ئۇنىڭ ئونلار خانىسىدىكى رەقەم 6 نى ئۇنىڭدىن 1 سى چوڭ بولغان سان 7 كە كۆپەيتىپ، كېلىپ چىققان نەتىجە 42 نىڭ كەينىگە 25 نى يېزىپ قويغانغا باراۋەر.

شۇڭا يۇقىرىقى 9 دانە ساننى يۇقىرىدا تونۇشتۇرۇلغان ئۇسۇلدىن پايدىلىنىپ، كۆڭۈلدىلا كۋادىراتقا كۆتۈرۈشكە بولىدۇ، يازمىچە ھېسابلاش ياكى ھېسابلىغۇچتىن پايدىلىنىپ ھېسابلاشنىڭ قىلچە ھاجىتى يوق.