سائادەت ساتتار ئايتۇغ ئەسەرلىرى

版权声明：转载时请以超链接形式标明文章原始出处和作者信息及本声明
http://www.blogbus.com/saadat-logs/237174593.html

يامغۇر

سائادەت ساتتار ئايتۇغ

مەن ئۈچۈنلا ياغىسەن بەلكىم،

يۇيماق بولۇپ پىغانلىرىمنى.

جىمجىتقىنە سىڭىپ قەلبىمگە ،

ئويغىتىسەن ئىسيانلىرىمنى.

بۇرۇقتۇملۇق ئەسىر قىلغاندا،

تامچىرىلىڭ سىلار مەڭزىمنى.

يىغلىشىمغا يارىتىپ ئىمكان،

يۇشۇرىسەن كۆز-ياشلىرىمنى.

سەندەك سىرداش بارمۇ جاھاندا،

سۇغىرىسەن چاڭقاق دىلىمنى.

مىھىرسىراپ قۇرىسا بەرگىم،

ياشارتىسەن پۈتكۈل بېغىمنى.

سەنلا ئاتا قىلغان ھىسلارنى،

بۇ جاھاندا بېرەرمەس ھىچكىم.

سىڭىپ كەتسەم دەيمەن قوينۇڭغا،

تامچەڭ بولۇپ ئاخىرقى قېتىم.