سائادەت ساتتار ئايتۇغ ئەسەرلىرى

版权声明：转载时请以超链接形式标明文章原始出处和作者信息及本声明
logs/121289118.html

پەرھات

سائادەت ساتتار ئايتۇغ

قىيالاردىن ئىزىڭ ئىزدەپ،زارىقىپ چىكىمەن پەريات،

تىلەكلەرنىڭ ئىشىكىدە،سايەڭنى كۈتىمەن پەرھات.

سەھەردە بېقىپ چولپانغا ئۈمىدتە باشلىسام كۈننى،

،شەپەقلەرنىڭ قان رەڭگىگە بىرىكىپ يۈتىمەن پەرھات.

قارىلىغاچلار ئېلىپ كەتتى،ئون يەتتە مەرتە  ئارماننى،

ئىگىسىز قايتقان خەتلەرنى پىغاندا يىرتىمەن پەرھات.

سەن ئۈچۈن باققان گۈللىرىم سەن كەبى كەتسىمۇ سۇلۇپ،

تەكچىدىكى يالغۇز ياپراققا سۇلارنى سىپىمەن  پەرھات.

تىرىكتۇرمەن،سەگەك ھېسلار قەغەز-قەلەم سىردىشىمدۇر،

قولۇم كۆيدۈرسىمۇ سىياھ، داستانلار پۈتىمەن پەرھات.

ئەركىم ئەمەستۇر قەبرەڭگە قويماق بىر دەستە گۈلۈمنى ،

بولۇپ يامغۇر ئەشۇ تۇپراققا يېشىمنى تۈكىمەن پەرھات.

شەپەقلەردىن كىلەر سادا:تۇغۇلار مىڭچە پەرھات دەپ،

شۇندىلا غەپلەت ئۇيقۇمدىن يۇلقۇنۇپ چىقىمەن پەرھات.

تۇغۇلغان ھەر-بىر بوۋاققا تەلمۈرگەنچە سەپسېلىپ،

بىرەر تۇرقى-مىجەزىدىن سىمايىڭ سىزىمەن پەرھات.

شۇڭا دەيمەن:سەنمۇ ھايات،ھاياتتۇر مەندىمۇ ئارمان!

قول تۇتۇشۇپ ھامان بىر كۈن ۋىسالغا يىتىمەن پەرھات!

 2011.3.11